ខេត្តក្រចេះ ៖ ស្ត្រីម្នាក់បានបែកមុខបែកមាត់ និងបាក់ដៃឆ្វេង ដេកសន្លប់ស្តូកស្តឹង ខណៈជិះម៉ូតូដឹកចេកឆាបយកទៅបោះឱ្យម៉ូយ ស្រាប់តែមក ដល់ចំណុចផ្លូវឡើងទួលត្រូវរថយន្តដឹកឈើបុកពីក្រោយពេញទំហឹង កាលពីវេលាម៉ោង៥ និង៣០នាទីព្រឹកថ្ងៃទី៦ កញ្ញា ២០១២ នៅក្នុងភូមិផ្អាក ឃុំផ្អាក ស្រុកស្នួល ខេត្តក្រចេះ ។
ខេត្តក្រចេះ ៖ ស្ត្រីម្នាក់បានបែកមុខបែកមាត់ និងបាក់ដៃឆ្វេង ដេកសន្លប់ស្តូកស្តឹង ខណៈជិះម៉ូតូដឹកចេកឆាបយកទៅបោះឱ្យម៉ូយ ស្រាប់តែមក ដល់ចំណុចផ្លូវឡើងទួលត្រូវរថយន្តដឹកឈើបុកពីក្រោយពេញទំហឹង កាលពីវេលាម៉ោង៥ និង៣០នាទីព្រឹកថ្ងៃទី៦ កញ្ញា ២០១២ នៅក្នុងភូមិផ្អាក ឃុំផ្អាក ស្រុកស្នួល ខេត្តក្រចេះ ។
តាមសម្តីបុរសឈ្មោះព័ន្ធ ផល អាយុ៥១ឆ្នាំ ជាអ្នកវាយថ្មលក់ ត្រូវជាប្តីរបស់ស្ត្រីរងគ្រោះឈ្មោះទួត ផល្លា អាយុ៤៨ឆ្នាំ ជាអ្នកធ្វើចេកឆាបបោះដុំ និងលក់រាយ មានទីលំនៅភូមិព្រៃក្តី ឃុំផ្អាក ស្រុកស្នួល ខេត្តក្រចេះ ឱ្យដឹងថា មុនពេលកើតហេតុ ប្រពន្ធរបស់គាត់បានជិះម៉ូតូម៉ាកវ៉េវអាល់ហ្វា ពណ៌ត្រួយចេក ដឹកចេកឆាបយកទៅបោះឱ្យម៉ូយនៅខេត្តកំពង់ចាម ក្នុងទិសដៅពីជើងទៅត្បូង ស្របទិសគ្នាជាមួយរថយន្តហ៊ីយ៉ាន់ដាយដឹកឈើពេញរថយន្ត ខណៈមកដល់ចំណោទលើទួល ស្រាប់តែរថយន្តជាន់ហ្គែរបន្ថែមល្បឿន ក៏ជ្រុលទៅបុកម៉ូតូរបស់ប្រពន្ធគាត់ពីក្រោយពេញទំហឹង បណ្តាលឱ្យប្រពន្ធរបស់គាត់ដួលបែកមុខ បែកមាត់ និងបាក់ដៃ
ខាងឆ្វេង ដេកសន្លប់ស្តូកស្តឹង ។ ដោយឡែកអ្នកបើកបររថយន្តបង្កហេតុបានរត់គេចខ្លួនចោលរថយន្តនៅកន្លែងកើតហេតុ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ