ខេត្តប៉ៃលិន ៖ រថយន្តនីស្សាន់ ទួរីស និងហ៊ីយ៉ាន់ដាយ សណ្តោងរ៉ឺម៉កជាច្រើនគ្រឿងដឹកទំនិញយ៉ាងសំពីងសំពោងលើសទម្ងន់កំពុងបន្តរត់នៅលើផ្លូវជាតិលេខ៥៧ជារៀងរាល់ថ្ងៃ គ្មានសមត្ថកិច្ចថ្នាក់ណាមើលឃើញពីគុណវិបត្តិនៃការខូចផ្លូវថ្នល់នោះទេដោយរថយន្តទាំងនេះដឹកទំនិញដាក់លើដំបូលចងបន្តុបគ្របកៅស៊ូតង់ពីលើដឹកយ៉ាងព្រងើយផ្គើនសមត្ថកិច្ចពីខេត្តបាត់ដំបងទៅខេត្ត
ខេត្តប៉ៃលិន ៖ រថយន្តនីស្សាន់ ទួរីស និងហ៊ីយ៉ាន់ដាយ សណ្តោងរ៉ឺម៉កជាច្រើនគ្រឿងដឹកទំនិញយ៉ាងសំពីងសំពោងលើសទម្ងន់កំពុងបន្តរត់នៅលើផ្លូវជាតិលេខ៥៧ជារៀងរាល់ថ្ងៃ គ្មានសមត្ថកិច្ចថ្នាក់ណាមើលឃើញពីគុណវិបត្តិនៃការខូចផ្លូវថ្នល់នោះទេដោយរថយន្តទាំងនេះដឹកទំនិញដាក់លើដំបូលចងបន្តុបគ្របកៅស៊ូតង់ពីលើដឹកយ៉ាងព្រងើយផ្គើនសមត្ថកិច្ចពីខេត្តបាត់ដំបងទៅខេត្តប៉ៃលិន និងពីច្រកទ្វារព្រំដែនឆ្លងកាត់ខេត្តប៉ៃលិនទៅខេត្តបាត់ដំបងវិញ ។
ជាក់ស្តែងរថយន្តមួយគ្រឿងនេះផ្ទុកទំនិញខ្ពស់ចុងឈើបើកបោះពួយលើកំណាត់ផ្លូវលេខ៥៧ កាលពីថ្ងៃទី៦ កញ្ញា កាត់ប៉ុស្តិ៍ប៉ូលិសហូរហែមិនឃើញសមត្ថកិច្ចចាប់រថយន្តឱ្យរើអីវ៉ាន់ទម្លាក់ និងចាត់ការតាមផ្លូវច្បាប់ទេបែរជាទទួលសំណែនរួចរថយន្តអាចបន្តដំណើរទៅមុខទៀតបាន ។
ប្រជាពលរដ្ឋនិយាយរិះគន់ថា រថយន្តជាច្រើនគ្រឿងគេឃើញដឹកទំនិញសំពីងសំពោងជារៀងរាល់ថ្ងៃ ដែលការដឹករបៀបនេះកើតមានតាំងពីយូរយារណាស់មកហើយ តែមិនឃើញមានសមត្ថកិច្ចណាអើពើសោះ មានតែមកអង្គុយ និងឈរកាក់រថយន្តឲ្យឈប់យកលុយរួចរថយន្តទាំងនេះអាចធ្វើចរារចរណ៍តាមផ្លូវបាន ។
ម្ចាស់រថយន្តប្រាប់អ្នកកាសែតថា ពួកគេត្រូវតែដឹកច្រើនបែបនេះ បើមិនដូច្នេះទេមិនចំណេញឡើយ ការផ្ទុកអីវ៉ាន់លើដំបូលគ្រាន់បង់ឲ្យសមត្ថកិច្ចចរាចរតាមផ្លូវ បើមិនដូច្នេះទេច្បាស់ជាត្រូវរើអីវា៉ន់ចេញមិនខាន ។ប្រជាពលរដ្ឋបញ្ជាក់ថា ផ្លូវជាច្រើនកន្លែងដែលទើបតែធ្វើថ្មីបានខូចខាតទៅវិញដោយសារតែរថយន្តដឹកទំនិញលើសទម្ងន់ជាច្រើនគ្រឿងបើកឆ្លងកាត់ចុះឡើងជារៀងរាល់ថ្ងៃ ផ្លូវជាតិមួយចំនួនបានរបើកកៅស៊ូខ្លះស្រុតបើនៅតែបន្តដឹកធ្ងន់បែបនេះតទៅទៀតច្បាស់ជាកំណាត់ផ្លូវតូចធំខូចគ្មានសល់ទេ៕
ចែករំលែកព័តមាននេះ