ខេត្តបន្ទាយមានជ័យ ៖ ផ្នែក១នៃការជំរុញផលិតកម្មស្រូវ ដើម្បីកម្ពុជានាំអង្ករចេញឱ្យបាន១លានតោននៅឆ្នាំ២០១៥ សមាគមក្រៅរដ្ឋាភិបាល, ក្រុមហ៊ុនជំនាញកសិកម្ម និងអាជ្ញាធរដែនដីបានរួមគ្នាធ្វើសិក្ខាសាលា១ជាមួយកសិករ៥៥០នាក់នៅឃុំស្រះរាំង ស្រុកមង្គលបុរី កាលពីថ្ងៃទី៥ កញ្ញា ២០១២ អំពីការធ្វើស្រែតាមវិធីសាស្ត្រមានប្រសិទ្ធភាព និងនិរន្តរភាព ។
ខេត្តបន្ទាយមានជ័យ ៖ ផ្នែក១នៃការជំរុញផលិតកម្មស្រូវ ដើម្បីកម្ពុជានាំអង្ករចេញឱ្យបាន១លានតោននៅឆ្នាំ២០១៥ សមាគមក្រៅរដ្ឋាភិបាល, ក្រុមហ៊ុនជំនាញកសិកម្ម និងអាជ្ញាធរដែនដីបានរួមគ្នាធ្វើសិក្ខាសាលា១ជាមួយកសិករ៥៥០នាក់នៅឃុំស្រះរាំង ស្រុកមង្គលបុរី កាលពីថ្ងៃទី៥ កញ្ញា ២០១២ អំពីការធ្វើស្រែតាមវិធីសាស្ត្រមានប្រសិទ្ធភាព និងនិរន្តរភាព ។
លោកបណ្ឌិត ហង្ស សុគុណ ប្រធានសមាគមអភិវឌ្ឍន៍ស្រែប្រាំងកម្ពុជានិយាយថា រាជរដ្ឋាភិបាល និងក្រសួងកសិកម្ម កម្ពុជាបំផុសចលនាកសិករ ប្តូរឥរិយាបថពី ធ្វើស្រូវឡើងទឹកមកធ្វើស្រូវប្រដេញទឹក និងស្រូវប្រាំង ហើយពីធ្វើស្រូវធ្ងន់មកធ្វើស្រូវស្រាល ដើម្បីបានទិន្នផល និងគុណភាពខ្ពស់ ។ ក្នុងនោះសមាគមស្រែប្រាំងកម្ពុជាចូលរួមលើកស្ទួយកសិករធ្វើស្រែប្រាំងឱ្យមានប្រសិទ្ធភាព និងនិរន្តរភាព ។
លោកហង្ស សុគុណ និយាយថា ដើម្បីជោគជ័យទាំងអស់គ្នាស្វែងរកដៃគូផ្គត់ផ្គង់ ។ ជួយបច្ចេកទេសជូនសមាជិកក្នុងការដាំដុះ ថែទាំ ប្រមូលផល។ ផ្សព្វផ្សាយចំណេះដឹងប្រើពូជសុទ្ធជីថ្នាំ និងជួយរកទីផ្សារ ។
លោកគង់ វិតាណៈ អគ្គនាយកក្រុមហ៊ុន AQIP seed (អេគីបស៊ីដ) បានផ្សព្វផ្សាយពីផលប្រយោជន៍ប្រើពូជស្រូវដែលសុទ្ធបានទិន្នផលខ្ពស់ គុណភាពល្អ និងមានតម្លៃទីផ្សារខ្ពស់ និងទូលំទូលាយ ។ ក្នុងនោះបានប្រៀបធៀបពូជស្រូវតៗដែលកសិករមួយចំនួនប្រើរាល់ឆ្នាំ ជាយថាផល និងពូជស្រូវផលិតដោយក្រុមហ៊ុនអេគីបស៊ីដដែលជាក្រុមហ៊ុនដំបូងផលិតពូជស្រូវធានាបំពេញមហិច្ឆតាផលិតផលស្រូវវស្សា និងស្រូវប្រាំង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ