ខេត្តកំពង់ឆ្នាំង ៖ យុវជនម្នាក់បានជិះម៉ូតូវាក់រថយន្តក៏ចាប់ហ្វ្រាំងទាំងបង្ខំ បណ្តាលឱ្យដួលបោកទាំងម៉ូតូ និងអ្នកជិះចូលក្រោមរថយន្តអូសចម្ងាយជាង១០ម៉ែត្រ ហើយស្លា.ប់នៅក្រោមកង់រថយន្តសំប៉ែតដូចចេកចៀន គួរឱ្យញាក់សាច់ ខណៈមេឃកំពុងតែធ្លាក់ភ្លៀងជាខ្លាំង កាលពីវេលាម៉ោង៧និង១៥នាទីព្រឹកថ្ងៃទី៦ កញ្ញា នៅចំណុចផ្លូវបំបែកជា៤ កែងសាលារៀនគំរូក្រុង និងសួនច្បារ
ខេត្តកំពង់ឆ្នាំង ៖ យុវជនម្នាក់បានជិះម៉ូតូវាក់រថយន្តក៏ចាប់ហ្វ្រាំងទាំងបង្ខំ បណ្តាលឱ្យដួលបោកទាំងម៉ូតូ និងអ្នកជិះចូលក្រោមរថយន្តអូសចម្ងាយជាង១០ម៉ែត្រ ហើយស្លាប់នៅក្រោមកង់រថយន្តសំប៉ែតដូចចេកចៀន គួរឱ្យញាក់សាច់ ខណៈមេឃកំពុងតែធ្លាក់ភ្លៀងជាខ្លាំង កាលពីវេលាម៉ោង៧និង១៥នាទីព្រឹកថ្ងៃទី៦ កញ្ញា នៅចំណុចផ្លូវបំបែកជា៤ កែងសាលារៀនគំរូក្រុង និងសួនច្បារនាងកង្រី ស្ថិតក្នុងភូមិធម្មយុត្ត សង្កាត់ប្អេរ ក្រុងកំពង់ឆ្នាំង។
មន្ត្រីប៉ូលិសចរាចរក្រុងកំពង់ឆ្នាំងបាននិយាយថា ជនរងគ្រោះឈ្មោះសុខ ចំរើន អាយុ២២ឆ្នាំ មានទីលំនៅភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង បានជិៈម៉ូតូម៉ាកស្គូពី ។ ប្រភពដដែលបានបន្តថា មុនពេលកើតហេតុជនរងគ្រោះបានជិៈម៉ូតូម៉ាកស្គូពី ពីជើងទៅត្បូង យ៉ាងលឿន លុះមកដល់ចំណុចកើតហេតុមានរថយន្តកូរ៉េ១គ្រឿងម៉ាកគា ចំណុះមួយតោនកន្លះដឹកស្រូវពេញបើកបរពីលិចទៅកើត មានល្បឿនលឿនក្នុងទិសដៅខ្វែងគ្នា ។
ភ្លាមនោះជនរងគ្រោះបានវាក់ជាមួយរថយន្តខាងលើហើយបានចាប់ហ្វ្រាំងទាំងប្រថុចញ៉ុច បណ្តាលបោកដួលទាំងម៉ូតូ និងមនុស្សខ្ទាតចូលក្រោមរថយន្តក៏ត្រូវរថយន្តកិនអូសជាង១០ម៉ែត្រធ្វើឱ្យយុវជននោះស្លាប់យ៉ាងអាណោចអាធ័មក្រោមកង់រថយន្ត ចំណែកម៉ូតូរងការខូចខាតយ៉ាងដំណំ ភ្លាមៗអ្នកបើករថយន្តដឹកស្រូវបានបើកទ្វារចុះរត់គេចខ្លួនបាត់ ។
ក្រោយពេលកើតហេតុមន្រ្តីប៉ូលិសក្រុងបានមកវាស់វែង និងជួយរុញរថយន្តចេញ ដើម្បីទាញយកសពពីក្រោមកង់រថយន្តប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ។ ចំណែករថយន្តនិងម៉ូតូត្រូវមន្ត្រីប៉ូលិសយកទៅរក្សាទុកនៅការិយាល័យចរាចរណ៍ផ្លូវគោក ដើម្បីដោះស្រាយតាមផ្លូវច្បាប់ ៕
ចែករំលែកព័តមាននេះ