រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោតចុះថ្ងៃទី៥ កញ្ញា ២០១២ ដែលកោះសន្តិភាពទទួលបានឱ្យដឹងថា ឆ្លើយតបនឹងសំណើរបស់គណៈកម្មាធិការជាតិរៀបចំការបោះឆ្នោតក្រសួងការងារអនុញ្ញាតឱ្យកម្មករ កម្មការិនីឈប់សម្រាកពី១ទៅ៣ថ្ងៃសម្រាប់ទៅចុះឈ្មោះ និងពិនិត្យបញ្ជីឈ្មោះបោះឆ្នោតឆ្នាំ២០១២ ។
រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោតចុះថ្ងៃទី៥ កញ្ញា ២០១២ ដែលកោះសន្តិភាពទទួលបានឱ្យដឹងថា ឆ្លើយតបនឹងសំណើរបស់គណៈកម្មាធិការជាតិរៀបចំការបោះឆ្នោតក្រសួងការងារអនុញ្ញាតឱ្យកម្មករ កម្មការិនីឈប់សម្រាកពី១ទៅ៣ថ្ងៃសម្រាប់ទៅចុះឈ្មោះ និងពិនិត្យបញ្ជីឈ្មោះបោះឆ្នោតឆ្នាំ២០១២ ។
គ.ជ.ប បានឱ្យដឹងថា កាលពីថ្ងៃទី២៩ សីហា ២០១២ ឆ្លើយតបនឹងលិខិតស្នើសុំរបស់ គ.ជ.ប ក្រសួងការងារ និងបណ្តុះបណ្តាលវិជ្ជាជីវៈបានចេញសេចក្តីជូនដំណឹងណែនាំដល់ម្ចាស់ និងនាយកសហគ្រាសគ្រឹះស្ថានទាំងអស់ ដែលស្ថិតនៅក្រោមការអនុវត្តច្បាប់ស្តីពីការឱ្យបង្កលក្ខណៈងាយស្រួល និងអនុញ្ញាតឱ្យកម្មករនិយោជិតបានឈប់សម្រាក ដើម្បីទៅពិនិត្យបញ្ជីឈ្មោះ និងចុះឈ្មោះបោះឆ្នោតតាមកាលបរិច្ឆេទដូចខាងក្រោម ៖
១-កម្មករ និយោជិតធ្វើការងារនៅរាជធានីភ្នំពេញ ឬនៅក្នុងទីរួមខេត្តណាមួយនៃខេត្តទាំង២៣ ហើយត្រូវទៅពិនិត្យបញ្ជីឈ្មោះ និងចុះឈ្មោះបោះឆ្នោតនៅក្នុងរាជធានីភ្នំពេញ នោះផ្ទាល់ ឬនៅក្នុងទីរួមខេត្តនោះផ្ទាល់ត្រូវបានឈប់សម្រាកមួយថ្ងៃ គឺនៅថ្ងៃទី១២ តុលា ២០១២ ។ ២-កម្មករ និយោជិតធ្វើការងារនៅក្នុងខេត្តណាមួយនៃខេត្តទាំង២៣ ហើយត្រូវទៅពិនិត្យបញ្ជីឈ្មោះ និងចុះឈ្មោះបោះឆ្នោតនៅក្នុងខេត្តនោះផ្ទាល់ត្រូវបានឈប់សម្រាករយៈពេល២ថ្ងៃ គឺថ្ងៃទី១២ ដល់ទី១៣ តុលា ២០១២ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ