ក្រសួងធនធានទឹក និងឧតុនិយម សូមជម្រាបជូនដំណឹងបន្ថែមដល់សាធារណជនឱ្យបានជ្រាបថា មកដល់ថ្ងៃទី៥ កញ្ញា ២០១២ នេះ ជ្រលងសម្ពាធទាប និងប្រព័ន្ធសម្ពាធទាប នៅតែបន្តមានឥទ្ធិពលលើព្រះរាជាណាចក្រកម្ពុជា ហើយស្ថានភាពបែបនេះ នឹងអូសបន្លាយ
ក្រសួងធនធានទឹក និងឧតុនិយម សូមជម្រាបជូនដំណឹងបន្ថែមដល់សាធារណជនឱ្យបានជ្រាបថា មកដល់ថ្ងៃទី៥ កញ្ញា ២០១២ នេះ ជ្រលងសម្ពាធទាប និងប្រព័ន្ធសម្ពាធទាប នៅតែបន្តមានឥទ្ធិពលលើព្រះរាជាណាចក្រកម្ពុជា ហើយស្ថានភាពបែបនេះ នឹងអូសបន្លាយរហូតដល់ថ្ងៃទី៨ កញ្ញា ២០១២ ។ បាតុភូតធម្មជាតិខាងលើនេះ នឹងបង្កើនឥទ្ធិពលខ្លាំងលើតំបន់ខ្ពង់រាប និងតំបន់វាលទំនាប ដោយធ្វើឱ្យមានភ្លៀងធ្លាក់ច្រើន និងអាចបង្កឱ្យមានជំនន់ទឹកភ្លៀងនៅតាមបណ្តាខេត្តមួយចំនួនដូចជាខេត្តឧត្តរមានជ័យ ព្រះវិហារ បន្ទាយមានជ័យ បាត់ដំបង ពោធិ៍សាត់ កំពង់ឆ្នាំង សៀមរាប កំពង់ធំ កំពង់ចាម ក្រចេះ រតនគិរី មណ្ឌលគិរី កំពង់ស្ពឺ តាកែវ កណ្តាល ព្រៃវែង ស្វាយរៀង និងខេត្តកំពត ជាពិសេសខេត្តឧត្តរមានជ័យ ព្រះវិហារ សៀមរាប កំពង់ធំ កំពង់ស្ពឺ ពោធិ៍សាត់ កំពង់ឆ្នាំង និងខេត្តតាកែវ ។
យោងលើស្ថានភាពអាកាសធាតុដូចបានជម្រាបជូនខាងលើ ក្រសួងធនធានទឹក និងឧតុនិយមសូមអំពាវនាវដល់អាជ្ញាធរដែនដី និងប្រជាពលរដ្ឋដែលរស់នៅតាមតំបន់ និងខេត្តដូចបានជម្រាបជូនខាងលើ សូមបង្កើនការយកចិត្តទុកដាក់ប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗដែលអាចកើតមានឡើងជាយថាហេតុ ៕
ចែករំលែកព័តមាននេះ