រាជធានីភ្នំពេញ ៖ យោងតាមគេហទំព័រក្រសួងមហាផ្ទៃកម្ពុជាបានឲ្យដឹងថា នៅក្នុងការធ្វើបទបាឋកថាស្ដីពីការងារដឹកនាំបញ្ជានៅសាលាបណ្ឌិត្យសភានគរបាលកម្ពុជា កាលពីព្រឹកថ្ងៃទី៤ កញ្ញា ២០១២នេះ លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃបានផ្តាំ ផ្ញើដល់មន្រ្តីគ្រប់ជាន់ថ្នាក់ទំាងអស់ចំណុះក្រសួងមហាផ្ទៃ មុននឹងធ្វើអ្វីត្រូវគិតពីផលប្រយោជន៍រួម មិនត្រូវគិតពីផល
រាជធានីភ្នំពេញ ៖ យោងតាមគេហទំព័រក្រសួងមហាផ្ទៃកម្ពុជាបានឲ្យដឹងថា នៅក្នុងការធ្វើបទបាឋកថាស្ដីពីការងារដឹកនាំបញ្ជានៅសាលាបណ្ឌិត្យសភានគរបាលកម្ពុជា កាលពីព្រឹកថ្ងៃទី៤ កញ្ញា ២០១២នេះ លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃបានផ្តាំ ផ្ញើដល់មន្រ្តីគ្រប់ជាន់ថ្នាក់ទំាងអស់ចំណុះក្រសួងមហាផ្ទៃ មុននឹងធ្វើអ្វីត្រូវគិតពីផលប្រយោជន៍រួម មិនត្រូវគិតពីផលប្រយោជន៍បុគ្គល ឬ ផ្ទាល់ខ្លួនឡើយ ហើយធ្វើដោយមានទំនួលខុសត្រូវ ។
ក្នុងឱកាសធ្វើបទបាឋកថានោះដែរ លោកប្រមុខមហាផ្ទៃកម្ពុជា ក៏បានចែករំលែកនូវបទពិសោធន៍ការងារក្នុងការដឹកនាំ និងបញ្ជា ដែលលោកឧបនាយករដ្ឋមន្រ្តីស ខេង ធ្លាប់បានឆ្លងកាត់ ជាពិសេសក៏បានផ្ដល់នូវអនុសាសន៍ល្អៗជាច្រើនទៅលើការគ្រប់គ្រងការដឹកនាំ ដែលប្រកបដោយប្រសិទ្ធភាព និងជោគជ័យ ។ គួរបញ្ជាក់ថា ចូលរួមស្តាប់ការធ្វើបាឋកថាស្ដីពីការងារដឹកនាំបញ្ជានាពេលនោះ មានសិក្ខាកាមចូលរួម៥០នាក់ និងថ្នាក់ដឹកនាំ និង សាស្ត្រាចារ្យប្រចាំនៅសាលាបណ្ឌិត្យសភានគរបាលកម្ពុជាចំនួន៧០នាក់។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ