រាជធានីភ្នំពេញ ៖ រសៀលថ្ងៃទី៤ កញ្ញា សមត្ថកិច្ចអង្គភាពប្រឆាំងអំពើពុករលួយបាននាំខ្លួនចាងហ្វាងកាសែតម្នាក់ដែលមិនសូវល្បីឈ្មោះទៅកាន់សាលាដំបូងរាជធានីភ្នំពេញ ដើម្បីសាកសួរលើពាក្យបណ្តឹងបរិហារបង្កាច់កេរ្តិ៍អ្នកដទៃ ។ ចាងហ្វាងកាសែតរូបនោះឈ្មោះហង្ស ចំរើន ភេទប្រុស អាយុ៤៨ឆ្នាំ មានទីលំនៅខេត្តកំពង់ស្ពឺ ជាចាងហ្វាងកាសែត (ពន្លឺសាមគ្គី) ។
រាជធានីភ្នំពេញ ៖ រសៀលថ្ងៃទី៤ កញ្ញា សមត្ថកិច្ចអង្គភាពប្រឆាំងអំពើពុករលួយបាននាំខ្លួនចាងហ្វាងកាសែតម្នាក់ដែលមិនសូវល្បីឈ្មោះទៅកាន់សាលាដំបូងរាជធានីភ្នំពេញ ដើម្បីសាកសួរលើពាក្យបណ្តឹងបរិហារបង្កាច់កេរ្តិ៍អ្នកដទៃ ។ ចាងហ្វាងកាសែតរូបនោះឈ្មោះហង្ស ចំរើន ភេទប្រុស អាយុ៤៨ឆ្នាំ មានទីលំនៅខេត្តកំពង់ស្ពឺ ជាចាងហ្វាងកាសែត (ពន្លឺសាមគ្គី) ។
លោកហង្ស ចំរើន ត្រូវអង្គភាពប្រឆាំងអំពើពុករលួយចាប់ឃាត់ខ្លួនកាលពីរសៀលថ្ងៃខាងលើ នៅខេត្តកំពង់ស្ពឺ រួចបាននាំទៅសាលាដំបូងរាជធានីភ្នំពេញ នៅរសៀលថ្ងៃដដែល ដើម្បីសាកសួរលើពាក្យបណ្តឹង ពាក់ព័ន្ធបរិហារបង្កាច់កេរ្តិ៍អ្នកដទៃ ។ តាមប្រភពព័ត៌មាននៅសាលាដំបូងរាជធានីភ្នំពេញបានឱ្យដឹងថា ក្នុងអំឡុងឆ្នាំ ២០១១ លោកហង្ស ចំរើន ចាងហ្វាងកាសែតពន្លឺសាមគ្គី បានប្រព្រឹត្តអំពើទុច្ចរិតខុសពីក្រមសីលធម៌ និងវិជ្ជាជីវៈអ្នកកាសែត ដោយយកឯកសាររូបភាពកាត់តមកផ្គុំគ្នា រួចថតចម្លង ហើយយកទៅដាក់ប្តឹងអ្នកដទៃដែលជាបុគ្គលសាធារណៈពីស្ថាប័នមួយទៅស្ថាប័នមួយ។
បន្ទាប់ពីមានពាក្យបណ្តឹងរបស់លោកហង្ស ចំរើន អង្គភាពប្រឆាំងអំពើពុករលួយបានស្រាវជ្រាវរកឃើញថា បុគ្គលសាធារណៈដែលលោកហង្ស ចំរើន បានប្តឹងពុំមានពាក់ព័ន្ធទេ ។ ផ្ទុយទៅវិញឯកសារដែលលោកចំរើនបានប្តឹងនោះគឺសុទ្ធតែកាត់តយកមកផ្គុំគ្នា និងថតចម្លងទាំងអស់ ដោយបានរកឃើញបទល្មើសយ៉ាងដូច្នោះ ទើបអង្គភាពប្រឆាំងអំពើពុករលួយចាត់ការតាមនីតិវិធី ពោលគឺចាប់ខ្លួនលោកហង្ស ចំរើន ប្រគល់ជូនទៅតុលាការតែម្តង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ