ខេត្តតាកែវ ៖ ជនសង្ស័យជួញដូរនិងប្រើប្រាស់គ្រឿងញៀ.នចំនួន៣នាក់ត្រូវបានប៉ូលិសស្រុកបាទីស្រាវជ្រាវចាប់ខ្លួនបានជាបន្តបន្ទាប់ដោយដកហូតបានថ្នាំញៀនម៉ាទឹកកកចំនួន១កញ្ចប់រួចកសាងសំណុំរឿងបញ្ជូនមកកាន់ការិយាល័យគ្រឿងញៀនខេត្ត ដើម្បីចាត់ការតាមច្បាប់ ខណៈដែលពួកគេកំពុងធ្វើសកម្មភាពចែកចាយគ្រឿងញៀ.នបន្តទៅឱ្យបក្សពួកគេនៅក្នុងភូមិ ។
ខេត្តតាកែវ ៖ ជនសង្ស័យជួញដូរនិងប្រើប្រាស់គ្រឿងញៀនចំនួន៣នាក់ត្រូវបានប៉ូលិសស្រុកបាទីស្រាវជ្រាវចាប់ខ្លួនបានជាបន្តបន្ទាប់ដោយដកហូតបានថ្នាំញៀនម៉ាទឹកកកចំនួន១កញ្ចប់រួចកសាងសំណុំរឿងបញ្ជូនមកកាន់ការិយាល័យគ្រឿងញៀនខេត្ត ដើម្បីចាត់ការតាមច្បាប់ ខណៈដែលពួកគេកំពុងធ្វើសកម្មភាពចែកចាយគ្រឿងញៀនបន្តទៅឱ្យបក្សពួកគេនៅក្នុងភូមិ ។
ហេតុការណ៍ប៉ូលិសចាប់ខ្លួនក្រុមចែកចាយគ្រឿងញៀននេះបានកើតឡើងកាលពីថ្ងៃទី២ កញ្ញា វេលាម៉ោង៨និង៤០នាទីយប់ស្ថិតនៅភូមិរលាំងគ្រើល ឃុំត្រពាំងសាប ស្រុកបាទី។ ជនសង្ស័យជួញដូរគ្រឿងញៀនដែលប៉ូលិសឃាត់ខ្លួនបាននោះ១-ឈ្មោះញ៉េន សីហា ហៅគោ ហា ភេទប្រុស អាយុ២២ឆ្នាំ រស់នៅភូមិសង្កែ ឃុំត្រពាំងសាប ស្រុកបាទី ២-ឈ្មោះអៅ លី ភេទប្រុស អាយុ៣២ឆ្នាំ រស់នៅភូមិជាមួយគ្នា និង៣-ឈ្មោះលីស្នា ភេទប្រុស អាយុ២០ឆ្នាំ រស់នៅភូមិជាមួយគ្នារួមជាមួយវត្ថុតាងម៉ាទឹកកកទម្ងន់៥ហ៊ុន ១កញ្ចប់និងកាបូបលុយមួយ ។
លោកង៉ាន់ សារី អធិការនគរបាលស្រុកបាទីបានឱ្យដឹងថា មុនពេលឈានដល់ការចាប់ខ្លួនជនសង្ស័យទាំង៣នាក់នេះ ប៉ូលិសជំនាញរបស់លោកបានស្រាវជ្រាវយូរមកហើយ ព្រោះជនសង្ស័យជាមុខសញ្ញាចាស់ ហើយពួកគេបានណាត់គ្នាមកចែកចាយថ្នាំញៀនម៉ាទឹកកកនៅក្នុងវត្តដួង កែវមុន្នី ស្ថិតនៅភូមិខាងលើដោយជិះម៉ូតូ១គ្រឿងម៉ាកស្មាស់វី ពណ៌ខ្មៅ ស៊េរី២០១២ ពាក់ស្លាកលេខភ្នំពេញ១BJ-៧៣២៥ ហើយនៅពេលជួបអ្នកចាំទទួលនោះក៏ត្រូវឃាត់ខ្លួនតែម្តង ។
នៅចំពោះមុខប៉ូលិស ជនសង្ស័យជួញដូរគ្រឿងញៀនទាំង៣នាក់បានសារភាពថា ពួកគេពិតជាបានចែកចាយគ្រឿងញៀនប្រាកដមែន ដោយមានឈ្មោះញ៉េន សីហា ជាអ្នកឡើងទៅយកថ្នាំញៀនពីភ្នំពេញមកចែកចាយនៅក្នុងភូមិ ។ ជនសង្ស័យទាំង៣នាក់រួមជាមួយវត្ថុតាងត្រូវបានប៉ូលិសការិយាល័យគ្រឿងញៀនកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់។ គួរកត់សម្គាល់ផងដែរថា នៅក្នុងក្រុងដូនកែវមានទីតាំងចំនួន២ទៅ៣កន្លែងកំពុងតែលួចលាក់ធ្វើការចែកចាយគ្រឿងញៀនរាល់ថ្ងៃមិនទាន់ឃើញអាជ្ញាធរឬសមត្ថកិច្ចបង្ក្រាបនៅឡើយទេ ៕
ចែករំលែកព័តមាននេះ