រាជធានីភ្នំពេញ ៖ បុរសម្នាក់ត្រូវប្រជាពលរដ្ឋប្រទះឃើញដេកប្រកាច់ននៀលលើចិញ្ចើមផ្លូវលេខ១៣ ក្រោយការិយាល័យអគ្គិសនីកម្ពុជា ស្ថិតក្នុងសង្កាត់វត្តភ្នំ ខណ្ឌដូនពេញកាលពីវេលាម៉ោង៨និង៣០នាទីព្រឹកថ្ងៃទី៤ កញ្ញា ដែលសង្ស័យថា ពុលថ្នាំអ្វីម៉្យាង លុះប្រមាណជិតកន្លះម៉ោងក្រោយមកក៏បានស្លា.ប់ទៅ ។
រាជធានីភ្នំពេញ ៖ បុរសម្នាក់ត្រូវប្រជាពលរដ្ឋប្រទះឃើញដេកប្រកាច់ននៀលលើចិញ្ចើមផ្លូវលេខ១៣ ក្រោយការិយាល័យអគ្គិសនីកម្ពុជា ស្ថិតក្នុងសង្កាត់វត្តភ្នំ ខណ្ឌដូនពេញកាលពីវេលាម៉ោង៨និង៣០នាទីព្រឹកថ្ងៃទី៤ កញ្ញា ដែលសង្ស័យថា ពុលថ្នាំអ្វីម៉្យាង លុះប្រមាណជិតកន្លះម៉ោងក្រោយមកក៏បានស្លាប់ទៅ ។
ស្រ្តីម្នាក់ដែលឃើញហេតុការណ៍នេះនិយាយថា បុរសម្នាក់នេះសម្បុរស កាត់សក់ខ្លី ទំនងជាជនបរទេស ពាក់អាវយឺតមាន.ក ដៃខ្លី ពណ៌ខ្មៅស្លៀកខោខូវប៊យជើងខ្លី ជិះម៉ូតូតាមផ្លូវលេខ១០២ ។ លុះមកដល់កែងជាមួយផ្លូវលេខ១៣ ក៏ឈប់ម៉ូតូរួចបុរសនោះចុះពីលើម៉ូតូ និងមានអាការក្អួត ព្រមទាំងមានទឹកមុខស្លេកស្លាំង ។ពេលចុះពីលើម៉ូតូបុរសរូបនេះបានបន្តដំណើរដោយថ្មើរជើងតាមផ្លូវលេខ១៣ ឆ្ពោះទៅទិសខាងជើង លុះដល់ខាងក្រោយអគ្គិសនីកម្ពុជា ក៏បានឈប់ហើយអង្គុយលើចិញ្ចើមផ្លូវ បន្តិចក្រោយមកស្រាប់តែក្អួតចេញបាយលាយឡំទឹកមានពណ៌ខៀវ ។ ភ្លាមៗនោះ ប្រជាពលរដ្ឋក៏ដូចជាមន្ត្រីអគ្គិសនីកម្ពុជា ដែលឃើញហេតុការណ៍បានទូរស័ព្ទហៅរថយន្តសាមុយមន្ទីរពេទ្យឱ្យមកជួយសង្គ្រោះ ។
ចំណែកមន្ត្រីនគរបាលមូលដ្ឋានដែលចុះមកដល់ចំណុចកើតហេតុឱ្យដឹងថា បុរសនោះបានប្រកាច់ដេកផ្កាប់មុខដោយមានស្បោងកាបូបដាក់ខោអាវកល់ទ្រូងព្រមទាំងក្អួតចេញបាយផងនិងបានប្រកាច់រហូតទាល់តែដាច់ខ្យល់ស្លាប់នៅនឹងកន្លែង រីឯរថយន្តពេទ្យក៏មិនឃើញមកដែរ បើទោះបីជាប្រជាពលរដ្ឋព្យាយាមទូរស័ព្ទហៅជាច្រើនលើកក៏ដោយ ។
មន្ត្រីនគរបាលជំនាញនិយាយថា បុរសដែលស្លាប់នៅចំណុចខាងលើគ្មានអត្តសញ្ញាណអ្វីសម្រាប់សម្គាល់ទេ ហើយក្នុងស្បោងមានតែខោអាវពីរបីប៉ុណ្ណោះ ។ ការស្លាប់របស់បុរសនេះអាចមកពីផឹកថ្នាំពុលអ្វីម៉្យាងដែលមានពណ៌ខៀវ ព្រោះក្អួតចេញមកសុទ្ធតែបាយលាយនឹងទឹកពណ៌ខៀវ ។ ក្រោយពីនគរបាលជំនាញពិនិត្យកន្លែងកើតហេតុ រួមក៏បានយកកំអួតទៅធ្វើកោសល្យវិច័យឯសពត្រូវបានយកទៅតម្កល់នៅវត្តទួលសង្កែ ក្នុងសង្កាត់ទួលសង្កែ ខណ្ឌឫស្សីកែវ ៕
ចែករំលែកព័តមាននេះ