ខេត្តកណ្តាល ៖ ស្ត្រីមេម៉ាយម្នាក់ក្រោយពីម៉ៅចម្ការមៀនបានប្រាក់ជាង២.០០០ដុល្លារត្រូវបានជនមិនស្គាល់មុខគាស់ផ្ទះចូលទៅសម្លា.ប់ ដោយប្រើឧបករណ៍មុតរឹងកា.ប់ត្រូវជាច្រើនកន្លែងស្ទើរសុសសាច់ស្លា.ប់យ៉ាងអាណោចអាធ័មនៅក្នុងថ្លុកឈាម ហើយជនមិនស្គាល់មុខនោះបានរើកកាយយកលុយ និងរបស់មានតម្លៃរត់គេចខ្លួនបាត់ស្រមោល គឺនៅគ្រាដែលស្ត្រីនោះនៅផ្ទះតែម្នាក់ឯង ។
ខេត្តកណ្តាល ៖ ស្ត្រីមេម៉ាយម្នាក់ក្រោយពីម៉ៅចម្ការមៀនបានប្រាក់ជាង២.០០០ដុល្លារត្រូវបានជនមិនស្គាល់មុខគាស់ផ្ទះចូលទៅសម្លាប់ ដោយប្រើឧបករណ៍មុតរឹងកាប់ត្រូវជាច្រើនកន្លែងស្ទើរសុសសាច់ស្លាប់យ៉ាងអាណោចអាធ័មនៅក្នុងថ្លុកឈាម ហើយជនមិនស្គាល់មុខនោះបានរើកកាយយកលុយ និងរបស់មានតម្លៃរត់គេចខ្លួនបាត់ស្រមោល គឺនៅគ្រាដែលស្ត្រីនោះនៅផ្ទះតែម្នាក់ឯង ។
សពស្ត្រីរងគ្រោះត្រូវបានកូនប្រុសរបស់គាត់ប្រទះឃើញនៅក្នុងផ្ទះមុខទូរទស្សន៍ កាលពីរសៀលថ្ងៃទី៣ សីហា ២០១២ នៅភូមិស្វាយពងអង្ក្រង ឃុំកោះអន្លង់ចិន ស្រុកស្អាង ។ ស្ត្រីរងគ្រោះឈ្មោះងួន ឃីម អាយុ៥៦ឆ្នាំ ជាស្ត្រីមេម៉ាយម និងជាកសិកររស់នៅភូមិ-ឃុំកើតហេតុ ។ ក្រោយពីហេតុការណ៍កើតឡើងប៉ូលិសបានចុះទៅពិនិត្យ និងធ្វើកោសល្យវិច័យសព ។ បើតាមកូនប្រសារបស់ជនរងគ្រោះឈ្មោះថាច វណ្ណា បានឱ្យដឹងថា ម្តាយក្មេករបស់គាត់ ទើបតែម៉ៅចម្ការមៀន កាលពីថ្មីៗនេះបានប្រាក់២.៥០០ដុល្លារ ។ នៅយប់ថ្ងៃទី២ កញ្ញា គាត់បានទូរស័ព្ទមកសួរសុខទុក្ខម្តាយក្មេកជិតមួយម៉ោងដល់ម៉ោង១០យប់ក៏បិទទូរស័ព្ទ ។ លុះដល់រសៀលថ្ងៃទី៣ កញ្ញា គាត់ទទួលដំណឹងថា ម្តាយក្មេកត្រូវគេសម្លាប់នៅក្នុងផ្ទះ ហើយជនមិនស្គាល់មុខបានរើកកាយក្នុងផ្ទះយកលុយគាត់អស់រលីង ។ បើតាមឈ្មោះឃី ឌីណា ជាកូនប្រុសពៅ ដែលរស់នៅជាមួយស្ត្រីរងគ្រោះថា នៅយប់កើតហេតុខ្លួនបានមកដើរលេងនៅភ្នំពេញ ដេកមួយយប់ពេលរសៀលថ្ងៃទី៣ ក៏ត្រឡប់ទៅផ្ទះវិញ ស្រាប់តែឃើញម្តាយត្រូវគេកាប់សម្លាប់ស្លាប់ដេកនៅក្នុងថ្លុកឈាមក្នុងផ្ទះធ្វើឱ្យគេរន្ធត់ជាខ្លាំង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ