រាជធានីភ្នំពេញ ៖ នៅវេលាម៉ោង១១ និង៥នាទីយប់ថ្ងៃទី២ កញ្ញា ប៉ូលិសខណ្ឌសែនសុខ បានឃាត់ខ្លួនបុរស២នាក់ ខណៈពួកគេកំពុងនាំគ្នាសេពគ្រឿងញៀនហើយដកហូតបានថ្នាំញៀន២កញ្ចប់តូច និងមូ៉តូសេ១២៥មួយគ្រឿង ។ ជនសង្ស័យត្រូវឃាត់ខ្លួនឈ្មោះគឹម ពូ អាយុ២៤ឆ្នាំ ជាអ្នកបើករថយន្ត និងម្នាក់ទៀតឈ្មោះឆង ថុល អាយុ២៥ឆ្នាំ ជាអ្នកបើករថយន្តដែរ បច្ចុប្បន្នអ្នកទាំង
រាជធានីភ្នំពេញ ៖ នៅវេលាម៉ោង១១ និង៥នាទីយប់ថ្ងៃទី២ កញ្ញា ប៉ូលិសខណ្ឌសែនសុខ បានឃាត់ខ្លួនបុរស២នាក់ ខណៈពួកគេកំពុងនាំគ្នាសេពគ្រឿងញៀនហើយដកហូតបានថ្នាំញៀន២កញ្ចប់តូច និងមូ៉តូសេ១២៥មួយគ្រឿង ។ ជនសង្ស័យត្រូវឃាត់ខ្លួនឈ្មោះគឹម ពូ អាយុ២៤ឆ្នាំ ជាអ្នកបើករថយន្ត និងម្នាក់ទៀតឈ្មោះឆង ថុល អាយុ២៥ឆ្នាំ ជាអ្នកបើករថយន្តដែរ បច្ចុប្បន្នអ្នកទាំងពីរស្នាក់នៅភូមិស្ទឹងមានជ័យ សង្កាត់ស្ទឹងមានជ័យ ខណ្ឌមានជ័យ ។
មន្ត្រីប៉ូលិសបានឱ្យដឹងថា ជនសង្ស័យទាំង២នាក់ខាងលើត្រូវប៉ូលិសល្បាតប្រទះឃើញកាលពីវេលាម៉ោង១១យប់ថ្ងៃទី២ កញ្ញា នៅតាមផ្លូវលំ ស្ថិតក្នុងភូមិត្រពាំងឈូក សង្កាត់ទឹកថ្លា ខណៈពួកគេកំពុងជក់ថ្នាំញៀន ។ មន្ត្រីខាងលើបានបន្តទៀតថា បុរសញៀនថ្នាំទាំង២នាក់ និងវត្ថុតាងថ្នាំញៀន២កញ្ចប់ រួមទាំងម៉ូតូសេ១២៥ មួយគ្រឿង ត្រូវសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ តាមនីតិវិធី ។
គួរកត់សម្គាល់ថា នៅភូមិត្រពាំងឈូកក្នុងសង្កាត់ទឹកថ្លា ខណ្ឌសែនសុខ សមត្ថកិច្ចបានចាត់ការ និងបង្ក្រាបក្រុមជនជួញដូរ និងប្រើប្រាស់គ្រឿងញៀនហាក់ដូចមិនអស់ទាល់តែសោះ បើទោះជាសមត្ថកិច្ចបានប្រឹងប្រែងបង្ក្រាបយ៉ាងសកម្មយ៉ាងណាក៏ដោយ ៕
ចែករំលែកព័តមាននេះ