រាជធានីភ្នំពេញ ៖ ម្ចាស់រថយន្តកាមរីឆ្លាម ពណ៌ស ចេញពីច្រៀងខារ៉ាអូខេ ខឹងរថយន្តតាក់ស៊ីម៉ែត្រឈប់បាំងផ្លូវរថយន្តចេញមិនរួចបង្កទៅជាជម្លោះប្រកែកគ្នាបែកផ្សែងកកស្ទះចរាចរណ៍ទាំងរំលងអធ្រាត្រ ដែលហេតុការណ៍នេះកើតឡើងកាលពីវេលាម៉ោង២រំលងអធ្រាត្រ
រាជធានីភ្នំពេញ ៖ ម្ចាស់រថយន្តកាមរីឆ្លាម ពណ៌ស ចេញពីច្រៀងខារ៉ាអូខេ ខឹងរថយន្តតាក់ស៊ីម៉ែត្រឈប់បាំងផ្លូវរថយន្តចេញមិនរួចបង្កទៅជាជម្លោះប្រកែកគ្នាបែកផ្សែងកកស្ទះចរាចរណ៍ទាំងរំលងអធ្រាត្រ ដែលហេតុការណ៍នេះកើតឡើងកាលពីវេលាម៉ោង២រំលងអធ្រាត្រឈានចូលថ្ងៃទី៤ កញ្ញា នៅចំណុចមុខខារ៉ាអូខេអេហ្ស៊ីប ទល់មុខផ្សារសាមគ្គី មហាវិថីម៉ៅសេទុង ក្នុងសង្កាត់ទឹកល្អក់ទី១ ខណ្ឌទួល គោក ។
តាមសម្តីរបស់ម្ចាស់រថយន្តកាមរីឆ្លាមបានប្រាប់ថា មុនពេលកើតហេតុគាត់ចេញពីច្រៀងខារ៉ាអូខេបើករថយន្តត្រឡប់ទៅផ្ទះវិញ តែបើកចេញមិនរួចចុចស៊ីផ្លេរង់ចាំយូរពេកកើតការមួម៉ៅក្តៅក្រហាយខឹងនឹងរថយន្តតាក់ស៊ីម៉ែត្រពណ៌ស ឈប់រង់ចាំដឹកម៉ូយនៅពីក្រោយមិនព្រមបើកចេញទៅណាធ្វើឱ្យគាត់ថយរថយន្តមិនរួចក៏ចុះទៅធាក់រថយន្តនោះពី២ទៅ៣ជើង ធ្វើឱ្យម្ចាស់រថយន្តតាក់ស៊ីម៉ែត្រ ខឹងចុះមកឈ្លោះប្រកែកគ្នាចុះឡើង ស្រាប់តែម្ចាស់រថយន្តឆ្លាមចុះទៅវាយបំបែកកញ្ចក់រថយន្តតាក់ស៊ីម៉ែត្ររួចឡើងរថយន្តបើកចេញទៅ ។
ស្របពេលនោះខាងរថយន្តតាក់ស៊ីម៉ែត្របានទូរស័ព្ទហៅក្រុមតាក់ស៊ីម៉ែត្រដូចគ្នាមកជួយដេញតាមព័ទ្ធជុំវិញធ្វើឱ្យរថយន្តឆ្លាមបើកទៅមុខមិនរួច ថយក្រោយក៏មិនរួចតាមមហាវិថីកម្ពុជាក្រោមក្នុងសង្កាត់ផ្សារដេប៉ូទី២ ខណ្ឌទួលគោក បណ្តាលឱ្យកកស្ទះចរាចរណ៍ទាំងរំលងអធ្រាត្រ ហើយបង្កការឈ្លោះប្រកែកគ្នាបែកផ្សេងរញ៉េរញ៉ៃអនាធិបតេយ្យពេញផ្លូវ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ