ខេត្តកំពង់ស្ពឺ ៖ អំពើប្លន់ដ៏ឃោរឃៅមួយដែលបង្កឡើងដោយជនមិនស្គាល់មុខបានចូលទៅក្នុងផ្ទះលោកយាយមេម៉ាយអាយុ៦៥ឆ្នាំ និងវាយសម្លា.ប់យកក្រវិលមាសមួយគូទម្ងន់៥ហ៊ុនទៅបាត់នៅវេលាពាក់កណ្តាលអធ្រាត្រ ។
ខេត្តកំពង់ស្ពឺ ៖ អំពើប្លន់ដ៏ឃោរឃៅមួយដែលបង្កឡើងដោយជនមិនស្គាល់មុខបានចូលទៅក្នុងផ្ទះលោកយាយមេម៉ាយអាយុ៦៥ឆ្នាំ និងវាយសម្លាប់យកក្រវិលមាសមួយគូទម្ងន់៥ហ៊ុនទៅបាត់នៅវេលាពាក់កណ្តាលអធ្រាត្រ ។
មន្ត្រីប៉ូលិសមូលដ្ឋានឃុំទំព័រមាស ស្រុក សំរោងទង ប្រាប់ថា នៅវេលារំលងអធ្រាត្រឈានចូលថ្ងៃទី៣ កញ្ញា នៅផ្ទះជនរងគ្រោះក្នុងភូមិបាយស្រា ឃុំទំព័រមាស ស្រុកសំរោងទងអ្នកដែលមានផ្ទះនៅជិតខាងបានឮសំឡេងស្រែកតែពីរបីម៉ាត់ប៉ុណ្ណោះ និងក្រោយពីឮស្នូរផសៗរួចមកក៏ស្ងាត់ទៅវិញ ដោយពួកគាត់ពុំនឹកស្មានថាមានករណីចូលប្លន់ដល់ក្នុងផ្ទះវាយសម្លាប់យកក្រវិលមួយគូ ទម្ងន់៥ហ៊ុន មាសយកទៅបាត់សោះ ។ ពេលព្រឹកឡើងឃើញសពយាយគង់ ផុន ស្លាប់ដេកផ្កាប់មុខយ៉ាងអាណោចអាធ័មដោយចោរយកដៃគាត់ទាំងពីរខ្ទាស់មកលើខ្នង ព្រមទាំងកាច់ជើងទាំង២ខ្ទាស់មកលើខ្នងថែមទៀត ដែលនេះជាទង្វើដ៏លាមកនិងសាហាវឃោរឃៅបំផុតច្បាប់មិនអាចអត់ឱនឱ្យបាន ។ អ្នកភូមិបាយស្រាបានបន្តថា នៅពេលព្រឹកម៉ោង៧និង៣០នាទីថ្ងៃទី៣ កញ្ញា ដោយពុំឃើញយាយគង់ ផុន ភ្ញាក់បើកទ្វារចេញក្រៅផ្ទះចៅស្រីគាត់ម្នាក់ឈ្មោះហុន ផាន់ណា អាយុ១០ឆ្នាំ បានចូលទៅដាស់ដើម្បីយកមុង ភួយ គាត់ទៅបោកគក់ឃើញជីដូនដេកស្លាប់ទៅហើយ ក៏រត់មកប្រាប់អ្នកជិតខាងឱ្យជួយមើលជីដូន ។
ប្រភពបន្តថា យាយមេម៉ាយគង់ ផុន មានកូនប្រសា២នាក់តែកូនទៅធ្វើការនៅស្រុកឆ្ងាយគាត់នៅម្នាក់ឯងក្នុងផ្ទះតៀមជញ្ជាំងក្តារប្រក់ស័ង្កសី ទំហំ៣,៥ម៉ែត្រ×៤,៥ម៉ែត្រ ដោយមានចៅស្រីម្នាក់ចេញចូលតែពេលថ្ងៃប៉ុណ្ណោះ ។
លោកអនុសេនីយ៍ឯក ហែម ផាន អធិការរងនគរបាលស្រុកសំរោងទងនិយាយថា សព ត្រូវឃាតករវាយនឹងកំណត់ឈើចំថ្គាម និងខ្នងបាក់ជើងនិងបាក់ឆ្អឹងជំនីរខាងឆ្វេងស្លាប់យ៉ាងអាណោចអាធ័ម ហើយឃាតករបានដោះយកក្រវិលមាស១គូ ទម្ងន់៥ហ៊ុន ដែលគាត់ពាក់នៅត្រចៀក ៕
ចែករំលែកព័តមាននេះ