ខេត្តក្រចេះ ៖ លោក សរ ចំរ៉ុង អភិបាលខេត្តកាលពីព្រឹកថ្ងៃទី៣ កញ្ញា ២០១២ បានអញ្ជើញជាអធិបតីក្នុងពិធីបើកយុទ្ធនាការផ្សព្វផ្សាយការិយាល័យច្រកចេញ-ចូលតែមួយនៅក្នុងសាលាក្រុងក្រចេះ ដោយមានការចូលរួមពីសំណាក់លោក-លោកស្រី អភិបាលរង ស្នងការរងគ្រប់កម្លាំងប្រដាប់អាវុធ អភិបាលក្រុង លោក-លោកស្រី ប្រធានមន្ទីរ ព្រមទាំងអង្គភាពជុំវិញខេត្តមួយចំនួនទៀត និងបានរៀបចំជា
ខេត្តក្រចេះ ៖ លោក សរ ចំរ៉ុង អភិបាលខេត្តកាលពីព្រឹកថ្ងៃទី៣ កញ្ញា ២០១២ បានអញ្ជើញជាអធិបតីក្នុងពិធីបើកយុទ្ធនាការផ្សព្វផ្សាយការិយាល័យច្រកចេញ-ចូលតែមួយនៅក្នុងសាលាក្រុងក្រចេះ ដោយមានការចូលរួមពីសំណាក់លោក-លោកស្រី អភិបាលរង ស្នងការរងគ្រប់កម្លាំងប្រដាប់អាវុធ អភិបាលក្រុង លោក-លោកស្រី ប្រធានមន្ទីរ ព្រមទាំងអង្គភាពជុំវិញខេត្តមួយចំនួនទៀត និងបានរៀបចំជាក្បួនដង្ហែដើម្បីផ្សព្វផ្សាយនៅតាមដងផ្លូវសាធារណៈមួយចំនួនក្នុងក្រុងក្រចេះ ។
អភិបាលស្តីទីក្រុងក្រចេះ លោកកាន់ វុទ្ធី បានឱ្យដឹងថា ការរៀបចំបើកយុទ្ធនាការផ្សព្វផ្សាយនេះធ្វើឡើងក្នុងគោលបំណងផ្តល់ព័ត៌មានឱ្យបានទូលំទូលាយស្តីពីការផ្តល់សេវាជូនប្រជាពលរដ្ឋតាមនីតិវិធីសាមញ្ញ មានតម្លាភាព និងមានការកំណត់ពេលវេលាច្បាស់លាស់នៅកន្លែងតែមួយតាមរយៈការប្រមូលផ្តុំសេវាកម្មដែលក្រសួងជំនាញធ្វើប្រតិភូកម្មដល់រដ្ឋបាលក្រុងក្រចេះ សំដៅធ្វើឱ្យសម្រេចជោគជ័យ នូវសេចក្តីសម្រេចលេខ១២ ស.ស.រ របស់រាជរដ្ឋាភិបាល និងសេចក្តីប្រកាសលេខ ៩២៧/៩២៨របស់ក្រសួងមហាផ្ទៃដែលការផ្សព្វផ្សាយនេះធ្លាប់បានធ្វើក្នុងឆ្នាំកន្លងទៅជាបន្តបន្ទាប់រួចមកហើយដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ