ខេត្តព្រៃវែង ៖ សពមន្ត្រីប៉េអឹមម្នាក់ត្រូវបានគេប្រទះឃើញស្លា.ប់នៅក្នុងប្រឡាយទឹកចិញ្ចើមផ្លូវកាលពីវេលាម៉ោង៦ព្រឹកថ្ងៃទី៤ កញ្ញា នៅភូមិ៦ ជាប់ភូមិអ្នកលឿង ឃុំអ្នកលឿង ស្រុកពាមរក៍ ។ សពខាងលើត្រូវបានគេស្គាល់ឈ្មោះអ៊ូ រតនា អាយុប្រហែល៥០ឆ្នាំ ជាមេបញ្ជា
ខេត្តព្រៃវែង ៖ សពមន្ត្រីប៉េអឹមម្នាក់ត្រូវបានគេប្រទះឃើញស្លាប់នៅក្នុងប្រឡាយទឹកចិញ្ចើមផ្លូវកាលពីវេលាម៉ោង៦ព្រឹកថ្ងៃទី៤ កញ្ញា នៅភូមិ៦ ជាប់ភូមិអ្នកលឿង ឃុំអ្នកលឿង ស្រុកពាមរក៍ ។ សពខាងលើត្រូវបានគេស្គាល់ឈ្មោះអ៊ូ រតនា អាយុប្រហែល៥០ឆ្នាំ ជាមេបញ្ជាការរងកងរាជអាវុធហត្ថស្រុកពាមរក៍ ។
មិនមាននរណាដឹងថា សពនេះស្លាប់តាងពីម៉ោងប៉ុន្មាននោះទេ តែសមត្ថកិច្ចសន្និដ្ឋានថា សពនេះស្លាប់តាំងពីយប់ថ្ងៃទី៣ កញ្ញា ហើយបើតាមការពិនិត្យនៅកន្លែងកើតហេតុឃើញថា ជនរងគ្រោះជិះម៉ូតូម្នាក់ឯងលើដងផ្លូវដែលមានប្រឡាយទឹកអមសងខាង ដើម្បីល្បាតពេលយប់ លុះមកដល់ចំណុចកើតហេតុក៏ដួលម៉ូតូរអិលធ្លាក់ចូលប្រឡាយ ហើយម៉ូតូសង្កត់លើ ។ នៅក្នុងប្រឡាយមានខ្សែចរន្តអគ្គិសនីដែលម៉ូតូជនរងគ្រោះដួលសង្កត់លើ ត្រង់ខ្សែមានតំណដែលចំណុចនេះគេអាចសន្និដ្ឋានថា ជនរងគ្រោះអាចស្លាប់ដោយសារខ្សែភ្លើងឆក់ផងដែរ ។ ជនរងគ្រោះជិះម៉ូតូម៉ាកឌ្រីមសេ១២៥ ស៊េរី២០០៨ ។ ក្រោយហេតុការណ៍កើតឡើងសមត្ថកិច្ចបានចុះទៅដល់កន្លែងកើតហេតុ ដើម្បីពិនិត្យ និងធ្វើកោសល្យវិច័យរួចប្រគល់សពឱ្យក្រុមគ្រួសារ ដើម្បីរៀបចំធ្វើបុណ្យតាមប្រពៃណី ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ