ខេត្តកណ្តាល ៖ ប៉ូលិសការិយាល័យប្រឆាំងការជួញដូរគ្រឿងញៀនខេត្តសហការជាមួយប៉ូលិសក្រុងតាខ្មៅបានចាប់ខ្លួនយុវជនម្នាក់កាលពីវេលាម៉ោង៣រសៀលថ្ងៃទី២ កញ្ញា នៅនឹងផ្ទះ ស្ថិតក្នុងភូមិព្រែកឫស្សី សង្កាត់ព្រែកឫស្សី ក្រុងតាខ្មៅ ដោយរឹបអូសបានវត្ថុតាងថ្នាំញៀនម៉ាទឹកកកចំនួន១៨កញ្ចប់ និងសម្ភារវេចខ្ចប់ចែកចាយមួយចំនួនទៀត ។
ខេត្តកណ្តាល ៖ ប៉ូលិសការិយាល័យប្រឆាំងការជួញដូរគ្រឿងញៀនខេត្តសហការជាមួយប៉ូលិសក្រុងតាខ្មៅបានចាប់ខ្លួនយុវជនម្នាក់កាលពីវេលាម៉ោង៣រសៀលថ្ងៃទី២ កញ្ញា នៅនឹងផ្ទះ ស្ថិតក្នុងភូមិព្រែកឫស្សី សង្កាត់ព្រែកឫស្សី ក្រុងតាខ្មៅ ដោយរឹបអូសបានវត្ថុតាងថ្នាំញៀនម៉ាទឹកកកចំនួន១៨កញ្ចប់ និងសម្ភារវេចខ្ចប់ចែកចាយមួយចំនួនទៀត ។
លោកគង់ ស៊ីដន នាយការិយាល័យប៉ូលិសប្រឆាំងគ្រឿងញៀនខេត្ត បានឱ្យដឹងថា ជនដែលត្រូវចាប់ខ្លួននេះ ឈ្មោះសោម ដឺលុច អាយុ១៧ឆ្នាំ មានទីលំនៅក្នុងភូមិ-ឃុំខាងលើ ហើយបន្ទាប់ពីឃាត់ខ្លួន ប៉ូលិសរឹបអូសបានវត្ថុតាងរួមមាន ថ្នាំញៀនម៉ាទឹកកកចំនួន១៨កញ្ចប់ស្មើនឹង៤,២០ក្រាមជញ្ជីងសម្រាប់ថ្លឹងថ្នាំញៀនចំនួន២ គ្រាប់កាំភ្លើងកា៥៤ចំនួន៥គ្រាប់ ទូរស័ព្ទដៃ១គ្រឿង និងសម្ភារសម្រាប់វេចខ្ចប់ថ្នាំញៀនមួយចំនួនទៀត ។
លោកនាយការិយាល័យ បានឱ្យដឹងទៀតថា បន្ទាប់ពីកម្លាំងជំនាញធ្វើការស្រាវជ្រាវយ៉ាងយកចិត្តទុកដាក់រហូតដល់កំណត់មុខសញ្ញាជនសង្ស័យឈ្មោះសោម ដឺលុច ជាជនសកម្មចែកចាយថ្នាំញៀនរួចមក លោកក៏បានដឹកនាំកម្លាំងប៉ូលិសការិយាល័យសហការជាមួយប៉ូលិសក្រុងតាខ្មៅ ចុះធ្វើការឆែកឆេរផ្ទះជនសង្ស័យនៅភូមិព្រែកឫស្សី សង្កាត់ព្រែកឫស្សី ក្រុងតាខ្មៅ នៅវេលាម៉ោង៣រសៀលថ្ងៃទី២ កញ្ញា និងរឹបអូសវត្ថុតាងដូចខាងលើ ។
លោកនាយការិយាល័យបញ្ជាក់ថា ចំពោះករណីនេះបន្ទាប់ពីកម្លាំងជំនាញការិយាល័យធ្វើការសាកសួរជនសង្ស័យបានចម្លើយសារភាពរួចមកក៏បានសម្រេចកសាងសំណុំរឿងចោទប្រកាន់ឈ្មោះសោម ដឺលុច ពីបទចែកចាយថ្នាំញៀនខុសច្បាប់ ។ នៅព្រឹកថ្ងៃទី៣ កញ្ញា ជនសង្ស័យត្រូវបានកម្លាំងការិយាល័យកសាងសំណុំរឿងបញ្ជូនខ្លួនទៅកាន់សាលាដំបូងខេត្ត ដើម្បីចាត់ការតាមនីតិវិធី ៕
ចែករំលែកព័តមាននេះ