រាជធានីភ្នំពេញ ៖ ជនសង្ស័យជួញដូរថ្នាំញៀន២នាក់ត្រូវបានសមត្ថកិច្ចឃាត់ខ្លួន ដកហូតបានថ្នាំញៀន៣១កញ្ចប់ប្រភេទម៉ាទឹកកក ខណៈកំពុងធ្វើសកម្មភាពនៅតាមផ្លូវលំមួយ ស្ថិតក្នុងភូមិព្រៃស្វាយ សង្កាត់ចោមចៅ ខណ្ឌពោធិ៍សែនជ័យ កាលពីវេលាម៉ោង៦និង២០
រាជធានីភ្នំពេញ ៖ ជនសង្ស័យជួញដូរថ្នាំញៀន២នាក់ត្រូវបានសមត្ថកិច្ចឃាត់ខ្លួន ដកហូតបានថ្នាំញៀន៣១កញ្ចប់ប្រភេទម៉ាទឹកកក ខណៈកំពុងធ្វើសកម្មភាពនៅតាមផ្លូវលំមួយ ស្ថិតក្នុងភូមិព្រៃស្វាយ សង្កាត់ចោមចៅ ខណ្ឌពោធិ៍សែនជ័យ កាលពីវេលាម៉ោង៦និង២០នាទីល្ងាចថ្ងៃទី២ កញ្ញា ២០១២។
ជនសង្ស័យទាំង២នាក់ម្នាក់ឈ្មោះសាំង ម៉ៅ អាយុ៣២ឆ្នាំ មានទីលំនៅភូមិស្វាយស ឃុំរៀមអណ្តើក ស្រុកគីរីវង្ស ខេត្តតាកែវ និងម្នាក់ទៀតឈ្មោះស្រឿន ស៊ន អាយុ២៩ឆ្នាំ ទីលំនៅភូមិត្រពាំងត្រាវ ឃុំពុធស ស្រុកបាទី ខេត្តតាកែវ ដូចគ្នាត្រូវបានសមត្ថកិច្ចបញ្ជូនទៅកាន់អធិការដ្ឋានខណ្ឌពោធិ៍សែនជ័យ ចាត់ការតាមនីតិវិធី ។ ប្រភពព័ត៌មានឱ្យដឹងថា មុនពេលកើតហេតុមានប្រជាពលរដ្ឋបានរាយការណ៍ទៅសមត្ថកិច្ចថា ឈ្មោះស្រឿន ស៊ន ជាអ្នកជួញដូរគ្រឿងញៀនដ៏សកម្មម្នាក់ក្នុងភូមិ ហើយសមត្ថកិច្ចក៏ចុះឃាត់ខ្លួន រហូតឈានដល់ឃាត់បក្សពួកបានម្នាក់ទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ