រាជធានីភ្នំពេញ ៖ ពិព័រណ៍ចិន អីរ៉ាស៊ីលើកទី២ បានប្រារព្ធបើកជាផ្លូវការនារសៀលថ្ងៃទី២ កញ្ញា ២០១២ នៅសាលសន្និសីទ អ៊ូរុំឈី ទីក្រុងអ៊ូរុំឈី តំបន់ស្វយ័តស៊ីនជាំង អ៊ុយហ្គ័រ នៃសាធារណរដ្ឋប្រជាមានិតចិន ។ ពិធីនេះត្រូវបានការអញ្ជើញចូលរួមពីលោកវេន ជាប៉ាវ នាយករដ្ឋមន្ត្រីនៃសាធារណរដ្ឋប្រជាមានិតចិន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា,
រាជធានីភ្នំពេញ ៖ ពិព័រណ៍ចិន អីរ៉ាស៊ីលើកទី២ បានប្រារព្ធបើកជាផ្លូវការនារសៀលថ្ងៃទី២ កញ្ញា ២០១២ នៅសាលសន្និសីទ អ៊ូរុំឈី ទីក្រុងអ៊ូរុំឈី តំបន់ស្វយ័តស៊ីនជាំង អ៊ុយហ្គ័រ នៃសាធារណរដ្ឋប្រជាមានិតចិន ។ ពិធីនេះត្រូវបានការអញ្ជើញចូលរួមពីលោកវេន ជាប៉ាវ នាយករដ្ឋមន្ត្រីនៃសាធារណរដ្ឋប្រជាមានិតចិន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា, លោក A.Atambayev ប្រធានាធិបតីសាធារណរដ្ឋ ហ្ជីអឺជិស្ថាន, លោក Mohamed Waheed ប្រធានាធិបតីនៃសាធារណរដ្ឋម៉ាដៀវ, លោក ម៉ាស៊ីម៉ូវ នាយករដ្ឋមន្ត្រីនៃសាធារណរដ្ឋហ្កាហ្សាដ្ឋាន, លោក អា អាគីឡូវ នាយករដ្ឋមន្ត្រីនៃសាធារណរដ្ឋតាជីគីស្ថាន, លោក ការីម ហាលីលី អនុប្រធានាធិបតីនៃសាធារណរដ្ឋ អ៊ិស្លាម អាហ្គានីដ្ឋាន, លោក អាលី បាបាកាន ឧបនាយករដ្ឋមន្ត្រីនៃសាធារណរដ្ឋទួកគី, លោក ហ្ចេន ភីតធើរ បាកកេនណេឌឺ អតីតនាយករដ្ឋមន្ត្រីហូឡង់, លោក តូនី ប្លែរ អតីតនាយករដ្ឋមន្ត្រីចក្រភពអង់គ្លេស ព្រមទាំងវត្តមានលោក លោកជំទាវជាឥស្សរជនជាន់ខ្ពស់មកពីបណ្តាប្រទេសនានា នៅតំបន់អឺរ៉ុប អាស៊ី និងសាធារណរដ្ឋប្រជាមានិតចិនប្រមាណ១ពាន់នាក់ ។
ពិព័រណ៍ចិន អាស៊ីអឺរ៉ុប គឺជាវេទិកាមួយដ៏សំខាន់ដែលបានបង្កើតឡើងដើម្បីពង្រឹងបន្ថែមទៀត នូវការផ្លាស់ប្តូរកម្រិតខ្ពស់ និងច្រើនវិស័យ រួមទាំងកិច្ចសហប្រតិបត្តិការរវាងប្រទេសចិនជាមួយនឹងបណ្តាប្រទេសអាស៊ី និងអឺរ៉ុបដោយផ្អែកលើមូលដ្ឋាននៃការប្រារព្ធធ្វើពិព័រណ៍ពាណិជ្ជកម្ម និងទំនាក់ទំនងសេដ្ឋកិច្ច នៅទីក្រុងអ៊ូរុំឈី ប្រទេសចិនដ៏ជោគជ័យ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ