ខេត្តបាត់ដំបង ៖ សមត្ថកិច្ចស្រុកកំរៀងបានចាប់ខ្លួនស្ត្រី២នាក់ជាមួយនឹងថ្នាំញៀនជាង១៤០គ្រាប់សម្រាប់ចែកចាយបន្តទៅឱ្យអ្នកប្រើប្រាស់ ។ ករណីរសៀលថ្ងៃទី៣១ សីហា នៅភូមិអូរអន្លក់ ឃុំតាសែន ស្រុកកំរៀង ក្នុងខណៈកំពុងប្រព្រឹត្តបទល្មើសជាក់ស្តែង។
លោកឈឹម គឹមហុង អធិការនគរបាលស្រុកកំរៀងឱ្យដឹងថា ស្ត្រីទាំង២នាក់នោះ ម្នាក់ឈ្មោះ វែង សល់ អាយុ៣០ឆ្នាំ និងម្នាក់
ខេត្តបាត់ដំបង ៖ សមត្ថកិច្ចស្រុកកំរៀងបានចាប់ខ្លួនស្ត្រី២នាក់ជាមួយនឹងថ្នាំញៀនជាង១៤០គ្រាប់សម្រាប់ចែកចាយបន្តទៅឱ្យអ្នកប្រើប្រាស់ ។ ករណីរសៀលថ្ងៃទី៣១ សីហា នៅភូមិអូរអន្លក់ ឃុំតាសែន ស្រុកកំរៀង ក្នុងខណៈកំពុងប្រព្រឹត្តបទល្មើសជាក់ស្តែង។
លោកឈឹម គឹមហុង អធិការនគរបាលស្រុកកំរៀងឱ្យដឹងថា ស្ត្រីទាំង២នាក់នោះ ម្នាក់ឈ្មោះ វែង សល់ អាយុ៣០ឆ្នាំ និងម្នាក់ទៀតឈ្មោះស៊ុយ ស៊ីណែត អាយុ៣៥ឆ្នាំ ពួកគេរស់នៅក្នុងភូមិឃុំខាងលើ ។
ជនសង្ស័យទាំង២នាក់ត្រូវចាប់ខ្លួនក្នុងបទល្មើសជាក់ស្តែង ពេលពួកគេកំពុងដោះដូរគ្រឿងញៀន ។ លោកអធិការបញ្ជាក់ថា ជនសង្ស័យ ត្រូវកម្លាំងរបស់លោកតាមដានសកម្មភាពពួកគេមួយរយៈកន្លងមកនេះ ។ ហើយក្រោយពីកំណត់បាននូវមុខសញ្ញា លោកស្នងការខេត្តក៏បានបញ្ជាភ្លាមៗឱ្យកម្លាំងរបស់លោកចាត់វិធានការតែម្តង ។ ស្ត្រីឈ្មោះវែង សល់ ត្រូវបានចាប់ខ្លួនដំបូង ក្រោយមកទើបតាមចាប់ឈ្មោះស៊ុយ ស៊ីណែត បានម្នាក់ទៀត ដែលជាគូកនរកស៊ីបទល្មើសនេះ និងរឹបអូសបានថ្នាំញៀនប្រភេទមេតំហ្វេតាមីនចំនួន១៤២គ្រាប់ពីពួកគេ ។
ស្ត្រីឈ្មោះវែង សល់ សារភាពថា ក្រៅពីរកស៊ីលក់ដូរថ្នាំញៀន ខ្លួនក៏ជាអ្នកប្រើប្រាស់ថ្នាំញៀននេះដែរ ។ ខ្លួនបានទិញថ្នាំញៀននេះពីឈ្មោះស៊ុយ ស៊ីណែត ដើម្បីយកមកចែកចាយបន្ត និងប្រើប្រាស់ខ្លួនឯង តែថាខ្លួនទើបបែកគំនិតលក់ដូរក្នុងរយៈពេលថ្មីៗនេះទេ ។ រីឯឈ្មោះស៊ុយ ស៊ីណែត វិញសារភាពថា ខ្លួនក៏ទើបប្រកបរបរបំពានច្បាប់នេះជាលើកទី១ និងទើបចាប់ផ្តើមថ្មីៗនេះដែរ ។ ខ្លួនចេះរកស៊ីរបរនេះ ដោយសារបុរសម្នាក់ជាលើកដំបូង ក្នុងគ្រាដែលខ្លួនជួបបុរសនោះ ពេលទៅពិនិត្យជំងឺនៅមណ្ឌលសុខភាព ។ ក្រោយពីសួរនាំសុខភាពរបស់ខ្លួន បុរសនោះបានប្រាប់ឱ្យខ្លួនរកស៊ីលក់ថ្នាំញៀន ដោយប្រាប់ថា ងាយនឹងបានប្រាក់ចំណេញយកមកព្យាបាលជំងឺ ។ ស្ត្រីឈ្មោះស៊ុយ ស៊ីណែត បញ្ជាក់ថា ដោយឮបុរសនោះប្រាប់ពីវិធីរកប្រាក់បានងាយៗបែបនេះ ខ្លួនក៏សម្រេចទិញថ្នាំពីបុរសនោះមកលក់បន្ត ដោយទិញចូល១គ្រាប់ថ្លៃ៧០បាត និងលក់ចេញ១គ្រាប់ថ្លៃ១៣០បាត គឺអាចចំណេញបានជិតពាក់កណ្តាលដែរ តែទើបចាប់ផ្តើមលើកដំបូងក៏ត្រូវសមត្ថកិច្ចចាប់ខ្លួនតែម្តង ។
លោកឈឹម គឹមហុង បានថ្លែងដែរថា ក្រោយពីចាប់ខ្លួនស្ត្រីទាំង២នាក់ខាងលើនេះ លោកស្នងការេខត្តបានបញ្ជាឱ្យសមត្ថកិច្ចរបស់លោកតាមស្រាវជ្រាវ ដើម្បីកំណត់មុខសញ្ញាជនជាប់ពាក់ព័ន្ធមួយចំនួនទៀត ។ ចំពោះជនសង្ស័យទាំង២នាក់នេះត្រូវកម្លាំងរបស់លោកកសាងសំណុំរឿងបញ្ជូនទៅកាន់ដំបូងខេត្ត ៕
ចែករំលែកព័តមាននេះ