ខេត្តបន្ទាយមានជ័យ ៖ ផ្សារសិរីសោភ័ណ គឺជាផ្សារមួយដែលនៅចំបេះដូងនៃខេត្តបន្ទាយមានជ័យ ប៉ុន្តែចំពោះការរៀបចំសណ្តាប់ធ្នាប់ហាក់ដូចជានៅមានកម្រិត ដោយនៅជុំវិញផ្សារចំនួន២ជ្រុង គឺជ្រុងខាងត្បូង និងខាងលិចបានក្លាយទៅជាកន្លែងលក់ត្រី និងបន្លែ រួមទាំងទំនិញផ្សេងៗជាច្រើន សូម្បីតែម៉ូតូ ឬអ្នកថ្មើរជើងសឹងតែមិនអាចធ្វើចរាចរណ៍បាន គឺណែនណាន់តាន់តាប់ចង្អៀតតែម្តង។ ចំណែកឯជ្រុងខាងជើងវិញ បានក្លាយជាកន្លែងលក់ផ្លែឈើ លក់ត្រី និងផ្ញើកង់ម៉ូតូផងដែរ ។
អ្វីដែលគេកត់សម្គាល់នោះ គឺនៅជ្រុងផ្សារនីមួយៗគេសង្កេតឃើញដាក់ស្លាកចរាចរណ៍មិនឱ្យជិះបញ្ច្រាសទិសគ្នា តែវាមិនអាចអនុវត្តបានទេ អ្នកបើករថយន្ត និងម៉ូតូត្រូវតែបង្ខំចិត្តជិះបញ្ច្រាសទិស ព្រោះផ្លូវចង្អៀតពេក ។ ទន្ទឹមនឹងនោះដែរ ក៏មានអ្នកបើកម៉ូតូ និងរថយន្តខ្លះនាំគ្នាត្អូញត្អែរផងដែរ ហើយប្រសិនបើមានរថយន្តណាមួយឈប់ចតនោះនឹងមានការកកស្ទះចរាចរណ៍ ប៉ុន្តែគេមិនឃើញមានសមត្ថកិច្ចណាមួយដែលនៅការពារផ្សារនោះចេញមករៀបចំសណ្តាប់ធ្នាប់ចរាចរណ៍ឱ្យមានរបៀបរៀបរយនោះឡើយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ