រាជធានីភ្នំពេញ ៖ ស្ត្រីមានផ្ទៃពោះ២ខែបានធ្វើអត្តឃាតចង.កសម្លា.ប់ខ្លួនឯង បណ្តាលឱ្យស្លា.ប់បាត់បង់ជីវិតក្រោយពេលមានទំនាស់បន្តិចបន្តួចជាមួយប្តីពីរឿងសុំយកកូនចេញតែប្តីមិនព្រម ព្រោះពួកគេទាំង២នាក់ ទើបតែរៀបការមិនទាន់បានកូនមួយនៅឡើយ ខណៈពេលដែលប្តីជាប់រវល់ទៅលេងបាល់បាត់នាងក៏បានចង.កសម្លា.ប់ខ្លួននៅក្នុងបន្ទប់ទឹកតែម្តង ។
រាជធានីភ្នំពេញ ៖ ស្ត្រីមានផ្ទៃពោះ២ខែបានធ្វើអត្តឃាតចង.កសម្លាប់ខ្លួនឯង បណ្តាលឱ្យស្លាប់បាត់បង់ជីវិតក្រោយពេលមានទំនាស់បន្តិចបន្តួចជាមួយប្តីពីរឿងសុំយកកូនចេញតែប្តីមិនព្រម ព្រោះពួកគេទាំង២នាក់ ទើបតែរៀបការមិនទាន់បានកូនមួយនៅឡើយ ខណៈពេលដែលប្តីជាប់រវល់ទៅលេងបាល់បាត់នាងក៏បានចង.កសម្លាប់ខ្លួននៅក្នុងបន្ទប់ទឹកតែម្តង ។
ហេតុការណ៍នោះបង្កឱ្យមានការភ្ញាក់ផ្អើលយ៉ាងខ្លាំងកាលពីវេលាម៉ោង៦ល្ងាចថ្ងៃទី១ កញ្ញា ២០១២ នៅក្នុងបន្ទប់ទឹកនៃបន្ទប់លេខ២០៨ជាន់ទី១ ផ្ទះជួល ក្រុមទី៦ ភូមិអង្គ សង្កាត់ចោមចៅ ខណ្ឌពោធិ៍សែនជ័យ ។ ស្ត្រីរូបនោះឈ្មោះពៅ លីដា អាយុ១៨ឆ្នាំ ជាកម្មការិនីរោងចក្រកាត់ដេរនាងមានផ្ទៃពោះ២ខែ ស្នាក់នៅក្នុងផ្ទះជួលខាងលើ និងមានស្រុកកំណើតភូមិសម្លឆៅ ឃុំតន្ត្រី ស្រុករមាសហែក ខេត្តស្វាយរៀង ។ នាងបានយកខ្សែនីឡុងដែលជាខ្សែវាំងននបង្អួចចង.កជាប់ជាមួយមាត់ទ្វារបន្ទប់ទឹកនៅក្នុងបន្ទប់ផ្ទះជួលនោះតែម្តង ។ ដោយឡែកប្តីរបស់នាងឈ្មោះនេត ដារ៉ា អាយុ២៣ឆ្នាំ ជាកម្មកររោងចក្រកាត់ដេរ មានស្រុកកំណើតភូមិក្អែកពង ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង ។
សាច់ញាតិខាងប្តីបានរៀបរាប់ប្រាប់ឱ្យសមត្ថកិច្ចដឹងថា នាងពៅ លីដា នឹងប្តីរបស់នាងឈ្មោះនេត ដារ៉ា បានរៀបការជាមួយគ្នារយៈពេល៥ខែមកហើយពេលនេះនាងមានផ្ទៃពោះ២ខែទៀតផង បន្ទាប់ពីបានដឹងថា ខ្លួនមានផ្ទៃពោះនាងតែងតែនិយាយសុំប្តី យកកូននោះចេញ នាងមិនចង់ទុកកូននេះទេ ដោយប្រាប់ថា មិនទាន់ចង់បានកូន ។ ចំណែកប្តីរបស់នាង ទោះបីជានាងអង្វរយ៉ាងណាក៏មិនព្រមឱ្យយកកូននេះចេញដែរ ព្រោះពួកគេទើបតែរៀបការថ្មីៗនៅមិនទាន់មានកូនម្នាក់ផង ហើយបុរសជាប្តីកំពុងចង់បានកូនផង ទើបមិនយល់ព្រម ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ