រាជធានីភ្នំពេញ ៖ ក្រុមហ៊ុនឌឺឡុងហ្គ្រុបរបស់សាធារណរដ្ឋប្រជាមានិតចិនមានគម្រោងបណ្តាក់ទុនវិនិយោគ ដែលមានទឹកប្រាក់ប្រមាណ២ពាន់លានដុល្លារអាមេរិក ក្នុងការបង្កើតសួនឧស្សាហកម្មរោងចក្រផលិតដែកថែប និងបង្កើតរោងម៉ាស៊ីនកិនស្រូវ នៅព្រះរាជាណាចក្រកម្ពុជា សម្រាប់ផ្គត់ផ្គង់ក្នុងស្រុក និងធ្វើការនាំចេញទៅកាន់ទីផ្សារអន្តរជាតិ ។
រាជធានីភ្នំពេញ ៖ ក្រុមហ៊ុនឌឺឡុងហ្គ្រុបរបស់សាធារណរដ្ឋប្រជាមានិតចិនមានគម្រោងបណ្តាក់ទុនវិនិយោគ ដែលមានទឹកប្រាក់ប្រមាណ២ពាន់លានដុល្លារអាមេរិក ក្នុងការបង្កើតសួនឧស្សាហកម្មរោងចក្រផលិតដែកថែប និងបង្កើតរោងម៉ាស៊ីនកិនស្រូវ នៅព្រះរាជាណាចក្រកម្ពុជា សម្រាប់ផ្គត់ផ្គង់ក្នុងស្រុក និងធ្វើការនាំចេញទៅកាន់ទីផ្សារអន្តរជាតិ ។
ក្នុងជំនួបសម្តែងការគួរសម ជាមួយសម្តេចអគ្គមហាសេនាបតីតេជោ ហ៊ុន សែន ដែលធ្វើឡើងនៅផ្ទះសំណាក់ភ្ញៀវរដ្ឋ Xinjiang ក្នុងតំបន់ស្វយ័តស៊ីនជាំងអ៊ុយហ្គ័រ នារសៀលថ្ងៃទី១ កញ្ញា លោកឌីង លីង៉ូ បានមានប្រសាសន៍ឱ្យដឹងថា ដោយសារតែប្រទេសកម្ពុជាមានស្ថិរភាពនយោបាយយ៉ាងល្អប្រសើរ ពិសេសក្រោមការដឹកនាំប្រកបដោយកិត្តិបណ្ឌិតរបស់សម្តេចតេជោនាយករដ្ឋមន្ត្រី ក្រុមហ៊ុនរបស់លោកមានបំណងបណ្តាក់ទុនវិនិយោគដែលមានទឹកប្រាក់ប្រមាណ២ពាន់លានដុល្លារអាមេរិក ក្នុងការបង្កើតសួនឧស្សាហកម្មរោងចក្រផលិតដែកថែប និងរោងម៉ាស៊ីនកិនស្រូវនៅក្នុងប្រទេសកម្ពុជា ។
លោកប្រធានក្រុមហ៊ុនមានប្រសាសន៍បន្តថា ក្រុមហ៊ុនរបស់លោកកំពុងធ្វើការសិក្សានៅក្នុងខេត្តចំនួន៣របស់ប្រទេសកម្ពុជា គឺខេត្តកំពត ព្រះសីហនុ និងខេត្តកោះកុង ដើម្បីបង្កើតសួនឧស្សាហកម្ម រោងចក្រ និងរោងម៉ាស៊ីនកិនស្រូវ ដែលមានបំណងបើកសម្ពោធការដ្ឋានជាផ្លូវការនៅក្នុងខែវិច្ឆិកា ក្នុងឱកាសដែលលោកនាយករដ្ឋមន្ត្រីចិន វេន ជាប៉ាវ អញ្ជើញមកចូលរួមកិច្ចប្រជុំកំពូលអាស៊ានលើកទី២១ នៅព្រះរាជាណាចក្រកម្ពុជា ។ តាមរយៈកិច្ចសន្ទនាគ្នានោះ លោកប្រធានក្រុមហ៊ុនបានស្នើសុំនូវអនុសាសន៍ខ្ពង់ខ្ពស់បំផុត ពីសម្តេចតេជោនាយករដ្ឋមន្ត្រីលើគម្រោងវិនិយោគទុនរបស់ក្រុមហ៊ុនលោកនៅក្នុងប្រទេសកម្ពុជា ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ