រាជធានីភ្នំពេញ ៖ នគរបាលផ្នែកព្រហ្មទណ្ឌខណ្ឌ៧មករា បានចាប់ឃាត់ខ្លួនស្ត្រីឈ្មោះម៉ុក វណ្ណធី អាយុ៣២ឆ្នាំ ជាអ្នកលក់បបរ ស្នាក់នៅផ្ទះលេខ៣៣E2 ផ្លូវលេខ១៩៨ សង្កាត់បឹងព្រលឹត ខណ្ឌ៧មករា កាលពីវេលាម៉ោង២រសៀលថ្ងៃទី១ កញ្ញា ២០១២ សង្ស័យជាប់ពាក់ព័ន្ធករណីមនុស្សឃាត។
រាជធានីភ្នំពេញ ៖ នគរបាលផ្នែកព្រហ្មទណ្ឌខណ្ឌ៧មករា បានចាប់ឃាត់ខ្លួនស្ត្រីឈ្មោះម៉ុក វណ្ណធី អាយុ៣២ឆ្នាំ ជាអ្នកលក់បបរ ស្នាក់នៅផ្ទះលេខ៣៣E2 ផ្លូវលេខ១៩៨ សង្កាត់បឹងព្រលឹត ខណ្ឌ៧មករា កាលពីវេលាម៉ោង២រសៀលថ្ងៃទី១ កញ្ញា ២០១២ សង្ស័យជាប់ពាក់ព័ន្ធករណីមនុស្សឃាត។
គួរបញ្ជាក់ថា កាលពីថ្ងៃទី៣០ សីហា ២០១២ វេលាម៉ោង៣និង៣០នាទីរសៀលបុរសរងគ្រោះឈ្មោះប៉ាត់ សុវណ្ណារ៉ា អាយុ២២ឆ្នាំ ជាជនពិការជើងទាំងពីរ មានទីលំនៅផ្ទះលេខ១៥AE2 ផ្លូវលេខ១២៥ ក្រុម៣៨ ភូមិ៥ សង្កាត់បឹងព្រលឹត ខណ្ឌ៧មករា ត្រូវស្ត្រីសង្ស័យយកកូនកាំបិតចាក់ជាច្រើនកាំបិតដោយមួយកាំបិតចំបំពង់.ក បណ្តាលឱ្យស្លាប់តែម្តង ។ ប្រភពព័ត៌មានបានឱ្យដឹងថា មុនពេលកើតហេតុស្ត្រីសង្ស័យបានយកខោអាវទៅហាល ដោយផ្ទះស្ត្រីសង្ស័យ និងបុរសរងគ្រោះនៅជិតគ្នា ខណៈនោះបុរសរងគ្រោះឃើញក៏ហៅឱ្យមកជួយមើលតេឡេទូរទស្សន៍ លុះពេលស្ត្រីសង្ស័យចូលទៅ ដើម្បីមើលតេឡេ បុរសរងគ្រោះក៏ទាញទ្វារបិទចាក់សោ រួចក៏ចាប់នាងបម្រុងរំលោភ តែត្រូវនាងប្រវាយប្រតប់រើបម្រះរួច ។ ភ្លាមនោះឃើញកូនកាំបិតចិតបន្លែទៅជិតនោះក៏ទាញយកមកចាក់បុរសរងគ្រោះនៅលើរាងកាយជាច្រើនកាំបិត និងមានចាក់មួយកាំបិតចំបំពង់.កតែម្តង ។ ក្រោយពីដឹងថា បុរសរងគ្រោះស្លាប់ហើយ នាងក៏រើកកាយខោអាវពេញបន្ទប់ដោយបំភាន់ជាករណីប្លន់ ។
គួររំលឹកថា យុវជនម្នាក់ត្រូវបានគេសន្និដ្ឋានជំហានដំបូងថា បានអារ.កខ្លួនឯងស្លាប់ ដោយសារតូចចិត្តនឹងភាពពិការរបស់ខ្លួន (ប៉ូលីយ៉ូ) បង្កឱ្យមានការភ្ញាក់ផ្អើលកាលពីវេលាម៉ោង៤និង៣០នាទីរសៀលថ្ងៃទី៣០ សីហា ២០១២ នៅផ្ទះលេខ15E2 ផ្លូវលេខ១២៥ ស្ថិតក្នុងសង្កាត់បឹងព្រលឹត ខណ្ឌ៧មករា ហើយពេលនេះប៉ូលិសមូលដ្ឋានកំពុងធ្វើការត្រួតពិនិត្យដើម្បីស្វែងរកមូលហេតុពិតប្រាកដ ។
ការសន្និដ្ឋានជំហានដំបូង និងក្រោយការត្រួតពិនិត្យជាបន្តបន្ទាប់វាមិនដូចគ្នានោះទេ ដោយយោងលើស្ថានភាពក្នុងផ្ទះហាក់មានសភាពរាយប៉ាយ និងទ្វារផ្ទះនៅខាងក្រៅមានចាក់សោហាក់បិទផ្ទប់មិនឱ្យអ្នកនៅខាងក្នុងចេញ និងមិនឱ្យអ្នកនៅខាងក្រៅចូលនោះ ប៉ូលិសបានបង្វែរការសន្និដ្ឋានពីការអារ.កសម្លាប់ខ្លួនឯងទៅជារឿងឃាតកម្ម និងប្លន់សម្លាប់វិញ ពោលគឺអាចមានឃាតជនណាមួយជាអ្នកអារ.កស្លាប់ជនរងគ្រោះពិការដោយស្វិតជើងទាំង២នេះ ហើយរើកកាយស្វែងរកទ្រព្យសម្បត្តិ ។
យុវជនរងគ្រោះឈ្មោះប៉ាត់ សុវណ្ណរ៉ា អាយុ២២ឆ្នាំ មានប្អូនស្រីម្នាក់ មានម្តាយឈ្មោះជន បុប្ផាភួង អាយុ៤៥ឆ្នាំ លក់មី និងកាហ្វេនៅផ្សារអូរឫស្សី ឪពុកឈ្មោះទិត្យ សុខឿន អាយុ៤៣ឆ្នាំ ស្នាក់នៅផ្ទះកើតហេតុខាងលើ ។ ក្រុមគ្រួសារច្រើនតែរវល់មិនសូវនៅផ្ទះជុំគ្នាទេ ហើយយុវជនពិការនេះច្រើនតែនៅចាំផ្ទះ… មុនពេលកើតហេតុលោកយាយរបស់យុវជនរងគ្រោះបានឡើងនៅលើផ្ទះ ប៉ុន្តែឃើញសោចាក់ជាប់នៅមាត់ទ្វារ ក៏គិតថា ប្រហែលគ្មានអ្នកណានៅ និងបានសួរនាំតៗគ្នាក៏ដឹងថា យុវជនប៉ាត់ សុវណ្ណារ៉ា នៅក្នុងផ្ទះមិនមានចេញទៅណានោះទេ លោកយាយក៏អើតមើលទៅខាងក្នុងក៏ឃើញឈាមស្រក់លើកំរាលឥដ្ឋច្រើនកន្លែង ទើបស្រែកផ្អើលឆោឡោ ។
ប៉ូលិសបានឱ្យដឹងថា ក្រោយពេលកាត់សោចូលទៅខាងមុខ ក៏ប្រទះឃើញយុវជនប៉ាត់ សុវណ្ណារ៉ា ដេកស្លាប់ក្នុងថ្លុកឈាម ដោយមានស្ថានភាពអារ.ក… ចំណែកអីវ៉ាន់ក្នុងផ្ទះឃើញមានសភាពរាយប៉ាយខុសប្រក្រតី ដូចជាទូដាក់អីវ៉ាន់ ក៏ត្រូវរើកកាយផងដែរ ហាក់មានអ្នកណារុះរើ ដើម្បីស្វែងរកវត្ថុមានតម្លៃដូចជាមាស ប្រាក់ គ្រឿងអលង្ការ និងលុយកាក់ជាដើម ។ តាមការពិនិត្យជំហានដំបូងឃើញថា ជនរងគ្រោះត្រូវគេកន្ត្រាក់ខ្សែដៃប្រាក់មួយខ្សែ និងខ្សែ.កប្រាក់មួយខ្សែចេញពីខ្លួន ហើយបោះចោលក្បែរនោះ ប៉ុន្តែទ្រព្យសម្បត្តិផ្សេងទៀតមិនមានបាត់បង់អ្វីទេ ព្រោះគ្រួសារនេះមិនមែនជាអ្នកមាននោះឡើយ ។
យោងតាមសភាពមិនប្រក្រតីនៅក្នុងផ្ទះ ប៉ូលិសបានសន្និដ្ឋានថា យុវជនរងគ្រោះអាចត្រូវជនដៃដល់ប្លន់សម្លាប់ដោយអារ.ក រួចហើយរើកកាយស្វែងរកទ្រព្យសម្បត្តិ... ឬថា អាចជារឿងគំនុំ ដោយជនដៃដល់អារ.កសម្លាប់ រួចហើយឆ្លៀតស្វែងរកទ្រព្យសម្បត្តិ ៕
ចែករំលែកព័តមាននេះ