ខេត្តកំពង់ឆ្នាំង ៖ មនុស្សពីរនាក់បានចង.កសម្លា.ប់ខ្លួនក្នុងថ្ងៃតែមួយ ពេលតែមួយ និងប្រភេទដើមឈើតែមួយ ប៉ុន្តែស្ថិតក្នុងភូមិសាស្ត្រខុសគ្នា ។ ហេតុការណ៏នេះបានកើតឡើងនៅវេលាម៉ោង៣និង៣០នាទីរសៀលថ្ងៃទី២៨ សីហា នៅស្រុករលាប្អៀរ និងស្រុកកំពង់
ខេត្តកំពង់ឆ្នាំង ៖ មនុស្សពីរនាក់បានចង.កសម្លាប់ខ្លួនក្នុងថ្ងៃតែមួយ ពេលតែមួយ និងប្រភេទដើមឈើតែមួយ ប៉ុន្តែស្ថិតក្នុងភូមិសាស្ត្រខុសគ្នា ។ ហេតុការណ៏នេះបានកើតឡើងនៅវេលាម៉ោង៣និង៣០នាទីរសៀលថ្ងៃទី២៨ សីហា នៅស្រុករលាប្អៀរ និងស្រុកកំពង់លែង។
យោងតាមសេចក្តីរាយការណ៍របស់នគរបាលស្រុករលាប្អៀរឱ្យដឹងថា នៅវេលាម៉ោង ៣និង៣០នាទីរសៀលថ្ងៃទី២៨ សីហា យុវជនម្នាក់ឈ្មោកើ អីុសា អាយុ១៧ឆ្នាំ ជនជាតិខ្មែរអ៊ិស្លាម មានទីលំនៅភូមិទឹកហូត ឃុំទឹកហូត បានចង.កសម្លាប់ខ្លួននឹងដើមស្វាយចន្ទីនៅចម្ងាយប្រមាណ៥០ម៉ែត្រពីខាងក្រោយផ្ទះដោយពុំមាននរណាបានដឹងឡើយ គឺរហូតដល់ម៉ោង៤និង៣០នាទីរសៀលថ្ងៃដដែល ទើបគេប្រទះឃើញសពនិងមានការភ្ញាក់ផ្អើលឡើង ។ ប្រភព ដដែលបន្តថា យុវជនខាងលើបានខឹងឪពុកម្តាយស្តីបន្ទោសតិចតួចប៉ុណ្ណោះ ប៉ុន្តែយុវជនខ្មែរអ៊ិស្លាមរូបនោះ ត្រូវបានបងប្អូនអះអាងថា មានជំងឺសរសៃប្រសាទផងដែរ ។
ដោយឡែកក្នុងវេលាម៉ោងនិងថ្ងៃដដែលនេះដែរ បុរសម្នាក់ឈ្មោះឡាច ខន អាយុ៤១ឆ្នាំ មានទីលំនៅភូមិពោធិ៍ ឃុំពោធិ៍ ស្រុកកំពង់លែង បានចង.កសម្លាប់ខ្លួននៅនឹងដើមស្វាយចន្ទីដូចគ្នានេះដែរ នៅខាងកើតផ្ទះចម្ងាយប្រមាណ៥០ម៉ែត្រដោយពុំមាននរណាដឹងពីមូលហេតុច្បាស់លាស់ ប៉ុន្តែតាមការអះអាងរបស់ប្រជាពលរដ្ឋថា ប្រហែលជាខ្មោចនាំ ។ មន្ត្រីនគរបាលស្រុកកំពង់លែងនិយាយថា បុរសរូបនេះ មានប្រពន្ធ ប៉ុន្តែប្រពន្ធបានទៅស៊ីឈ្នួលដាំដំឡូងមីឱ្យគេនៅឯខេត្តពោធិ៍សាត់យូៗទើបមកម្តង ហើយថ្ងៃដែលបុរសរូបនេះចង.កសម្លាប់ខ្លួនប្រពន្ធនៅឯខេត្តពោធិ៍សាត់ឯណោះទេ គ្រួសារនេះជាគ្រួសារក្រីក្រ មានកូនកំពុងរស់នៅក្នុងបន្ទុក៦នាក់ ។
ប្រភពដដែលបានបន្តដោយស្រង់សម្តីប្រជាពលរដ្ឋថា គ្រួសារនេះ មិនដែលមានការឈ្លោះប្រកែកគ្នាអ្វីទេ ចំណែកឯបុរសជាប្តីមានចរិតស្លូតបូតមិនដែលចេះរករឿងប្រពន្ធកូនឡើយ ។ ចំណែកឯការគិតខ្លីសម្លាប់ខ្លួនបែបនេះ គឺប្រហែលជាមកពីមានខ្មោចនាំ ប៉ុន្តែនេះគ្រាន់តែជាអបិយជំនឿប៉ុណ្ណោះ ។ ទោះជាយ៉ាងណាក្រោយពីមន្ត្រីជំនាញពិនិត្យនិងធ្វើកោសល្យវិច័យហើយក៏បានប្រគល់សពទាំងពីរទៅក្រុមគ្រួសារយកទៅឱ្យធ្វើបុណ្យតាមប្រពៃណីរៀងៗខ្លួន ៕
ចែករំលែកព័តមាននេះ