ខេត្តព្រះវិហារ ៖ ក្មេងស្រីតូចម្នាក់អាយុ៧ខែត្រូវបានស្ត្រីជាមិត្តភក្តិរបស់ម្តាយលួចយកមកលក់តម្លៃ៥០០ដុល្លារកាលពីដើមខែសីហា កន្លងទៅ ហើយត្រូវបានសមត្ថកិច្ចរកឃើញនៅថ្ងៃទី២៧ សីហា ក្នុងភូមិធម្មជាតិ ឃុំស្រឯម ស្រុកជាំក្សាន្ត និងបានហៅម្តាយបង្កើត ព្រមទាំងជីដូនជីតាមកទទួលយកនៅចំពោះមុខសមត្ថកិច្ចនៅសាលាដំបូងខេត្តនាព្រឹកថ្ងៃទី៣០ សីហា បន្ទាប់ពីនាងតូចបានឃ្លាតពីម្តាយ
ខេត្តព្រះវិហារ ៖ ក្មេងស្រីតូចម្នាក់អាយុ៧ខែត្រូវបានស្ត្រីជាមិត្តភក្តិរបស់ម្តាយលួចយកមកលក់តម្លៃ៥០០ដុល្លារកាលពីដើមខែសីហា កន្លងទៅ ហើយត្រូវបានសមត្ថកិច្ចរកឃើញនៅថ្ងៃទី២៧ សីហា ក្នុងភូមិធម្មជាតិ ឃុំស្រឯម ស្រុកជាំក្សាន្ត និងបានហៅម្តាយបង្កើត ព្រមទាំងជីដូនជីតាមកទទួលយកនៅចំពោះមុខសមត្ថកិច្ចនៅសាលាដំបូងខេត្តនាព្រឹកថ្ងៃទី៣០ សីហា បន្ទាប់ពីនាងតូចបានឃ្លាតពីម្តាយអស់រយៈពេលជាច្រើនសប្តាហ៍ ។
ក្មេងស្រីតូចនេះឈ្មោះផា នំឧប៊ុន ជាជនជាតិថៃ ម្តាយឈ្មោះរ៉ាន់ សុខា អាយុ៣០ឆ្នាំ ជនជាតិខ្មែរ ទីលំនៅសព្វថ្ងៃភូមិស្រឡៅ ឃុំកំរៀង ស្រុកកំរៀង ខេត្តបាត់ដំបង ។ ដោយឡែកស្ត្រី ជាមិត្តភក្តិរបស់ម្តាយក្មេងស្រីត្រូវបានសមត្ថកិច្ចឃាត់ខ្លួនបញ្ជូនទៅសាលាដំបូងខេត្ត ដើម្បីចាត់ការតាមផ្លូវច្បាប់ ។ ចំណែកស្ត្រីជាប់ចោទលួចកូនគេយកទៅលក់នេះឈ្មោះគង់ ចន្ធូ អាយុ៣០ឆ្នាំ មានទីលំនៅភូមិឫស្សី សង្កាត់អូរឫស្សី ក្រុងក្រចេះ ត្រូវបានសាលាដំបូងខេត្ត សម្រេចឃុំខ្លួនជាបណ្តោះអាសន្ន នៅពន្ធនាគារខេត្តរង់ចាំការកាត់ទោស ។
តាមស្ត្រីជាម្តាយក្មេងស្រីតូច រៀបរាប់ថា ស្ត្រីឈ្មោះ គង់ ចន្ធូ ជាមិត្តភក្តិរកស៊ីនៅឯព្រំដែនថៃជាមួយគ្នា ។ នៅថ្ងៃទី២៥ សីហា ឈ្មោះគង់ ចន្ធូ បានបបួលគាត់ជាមួយឱ្យយកកូនមកលេងនៅខេត្តសៀមរាប ដោយពេលចេញពីព្រំដែនបានដេកនៅផ្ទះសំណាក់ជាមួយគ្នា លុះព្រឹកឡើងថ្ងៃទី២៦ សីហា ឈ្មោះគង់ ចន្ធូ ក៏បាននាំកូនស្រីគាត់ជិះរថយន្តឈ្នួលមកកាន់ខេត្តសៀមរាប ។ ពេលមកដល់ក្រុងសៀមរាប ឈ្មោះគង់ ចន្ធូ បានបង្ខំឱ្យចូលធ្វើក្រចក ហើយខ្លួនជាអ្នកធានាពកូនឱ្យ ពេលនោះគាត់ក៏ព្រមប្រគល់កូនស្រីទៅឱ្យស្ត្រីឈ្មោះគង់ ចន្ធូ ជាអ្នកព ហើយចូលទៅធ្វើក្រចកក្នុងផ្សារក្បែរព្រះអង្គចេក ព្រះអង្គចម ។ ប្រហែល១ម៉ោងក្រោយមកពេលធ្វើក្រចករួចរាល់ ចេញមកវិញក៏ទូរស័ព្ទរកឈ្មោះចន្ធូ ពេលនោះស្ត្រីឈ្មោះគង់ ចន្ធូ បានឆ្លើយតបថា ចាំបន្តិចរូបគេកំពុងរករថយន្តទៅខេត្តក្រចេះ ។ ពេលនោះចាំបាត់ៗរហូតដល់ម៉ោង៥ល្ងាចក៏ទូរស័ព្ទលែងចូល បន្តិចក្រោយមកស្ត្រីឈ្មោះចន្ធូ ក៏បានយកទូរស័ព្ទអ្នកដទៃទូរស័ព្ទមកប្រាប់គាត់ថា ឪពុករបស់ខ្លួនបើករថយន្តមកយកដោយប្រញាប់ពេកមិនបានចាំទេ និងប្រាប់ម្តាយកុមារីតូចថា មិនបាច់ចាំទេ សូមឱ្យទៅចាំនៅខេត្តបាត់ដំបងទៅ ។
ទោះជាយ៉ាងណា ដោយសារការអាណិតកូនស្ត្រីជាម្តាយក៏ខំប្រឹងទូរស័ព្ទទៅរកឈ្មោះចន្ធូ តែទូរស័ព្ទបានបិទ ទើបជួលរថយន្តពីខេត្តសៀមរាបដើម្បីទៅតាមកូននៅខេត្តក្រចេះ តែមិនត្រូវថ្លៃដោយរថយន្តទារថ្លៃឈ្នួលរហូតដល់១៥០ដុល្លារ ។ ស្ត្រីជាម្តាយដោយសារគ្មានលុយក៏អង្គុយយំ នៅចំណតរថយន្តក្រុងសៀមរាប រហូតដល់ព្រលប់ទើបទៅសម្រាកនៅផ្ទះសំណាក់សៀមរាបមួយយប់ ។ លុះព្រឹកឡើងថ្ងៃទី២៧ សីហា ស្ត្រីជាម្តាយក្មេងស្រីបានទទួលទូរស័ព្ទមួយមកពីភូមិធម្មជាតិសម្តេចតេជោពីបុរសម្នាក់ឈ្មោះហាក់ ដែលបានលេខទូរស័ព្ទពីស្ត្រីដែលយកកូនទៅលក់ឱ្យគាត់ ដោយសារពេលនោះឈ្មោះហាក់ គិតថាស្ត្រីរូបនោះពិតជាលួចកូនគេយកទៅលក់ឱ្យគាត់ហើយ ក្នុងតម្លៃ៥០០ដុល្លារ។
បុរសឈ្មោះហាក់ ជាម្ចាស់ផ្ទះបានទូរស័ព្ទទៅប្រាប់ម្តាយក្មេងស្រីថាឱ្យមកកាន់ភូមិស្រឯមឱ្យលឿន ដោយពេលនោះបុរសឈ្មោះហាក់ មិនបានប្រគល់លុយទៅឱ្យស្ត្រីសង្ស័យនោះទេគឺឱ្យចំនួនតែ១០ម៉ឺនរៀល និងទូរស័ព្ទដៃ១គ្រឿងដោយប្រាប់ទៅសិនទៅចាំគាត់វេរលុយឱ្យតាមក្រោយ ។
ពេលបានទទួលដំណឹងពីកូនហើយម្តាយក្មេងស្រីក៏ដាច់ចិត្តខ្ចីប្រាក់គេទាំងព្រឹកជួលរថយន្តជិះពីខេត្តសៀមរាបទៅកាន់ភូមិធម្មជាតិ។ នៅពេលកំពុងជិះរថយន្ត ស្ត្រីឈ្មោះចន្ធូបានទូរស័ព្ទសួរគាត់ថា ទៅដល់ណាហើយ ហើយគាត់ឆ្លើយថា ជិតដល់ខេត្តបាត់ដំបងហើយ តែការពិតបានទៅដល់ភូមិធម្មជាតិ ព្រមទាំងបានឃើញកូនស្រីសំណព្វក៏ឱបកូនយំស្រែក ។ ពេលនោះស្ត្រីលួចកូនគេមកលក់បានបង្ខំឱ្យរថយន្តចេញឱ្យលឿន តែបុរសឈ្មោះហាក់ បានជិះម៉ូតូទាំងគ្មានស្បែកជើង តាមស្ទាក់រថយន្តនៅក្នុងភូមិស្រឯម ហៅអ្នកនៅក្បែរខាងឱ្យជួយចាប់ស្ត្រីរូបនេះនិងហៅប៉ូលិសប៉ុស្តិ៍ឱ្យជួយធ្វើការឃាត់ខ្លួនភ្លាមៗ ។
ខណៈពេលនោះ ស្ត្រីជាមិត្តភក្តិឈ្មោះគង់ ចន្ធូ បានលុតជង្គង់ថា្វយបង្គំម្តាយក្មេងស្រីដោយសារភាពសុំទោស ទោះបីជាបែបណាច្បាប់មិនបានលើកលែងទោសទេ ៕
ចែករំលែកព័តមាននេះ