រាជធានីភ្នំពេញ ៖ កាលពីព្រឹកថ្ងៃទី២ សីហា ២០១២ គណៈកម្មាធិការបក្សប្រជាជនខណ្ឌឫស្សីកែវ បាននាំយកទេយ្យទាន និងទៀនវស្សាទៅប្រគេនដល់ព្រះសង្ឃដែលគង់ចាំវស្សានៅវត្តចំនួន៣ គឺវត្តអម្ពផល ស្ថិតនៅសង្កាត់កោះដាច់ វត្តសូរិយាពោធិមាស ស្ថិតនៅសង្កាត់បាក់ខែង និងវត្តពោធិ
រាជធានីភ្នំពេញ ៖ កាលពីព្រឹកថ្ងៃទី២ សីហា ២០១២ គណៈកម្មាធិការបក្សប្រជាជនខណ្ឌឫស្សីកែវ បាននាំយកទេយ្យទាន និងទៀនវស្សាទៅប្រគេនដល់ព្រះសង្ឃដែលគង់ចាំវស្សានៅវត្តចំនួន៣ គឺវត្តអម្ពផល ស្ថិតនៅសង្កាត់កោះដាច់ វត្តសូរិយាពោធិមាស ស្ថិតនៅសង្កាត់បាក់ខែង និងវត្តពោធិយារ៉ាម ស្ថិតនៅសង្កាត់ជ្រោយចង្វា ខណ្ឌឫស្សីកែវ ដើម្បីឧទ្ទិសកុសលជូនដល់ជីដូនជីតា ញាតិការទាំង៧សន្តានដែលបានចែកឋានទៅកាន់លោកខាងមុខ និងឧទ្ទិសកុសលជូនដល់វីរយុទ្ធជន អ្នកស្នេហាជាតិដែលបានស្លាប់បាត់បង់ជីវិត ដើម្បីបុព្វហេតុជាតិ និងមាតុភូមិ និងសូមឱ្យប្រទេសជាតិមានសុខសន្តិភាពជារៀងរហូត ។
ការនាំយកទេយ្យទានទៅប្រគេនដល់ព្រះសង្ឃនេះក្រោមការផ្តួចផ្តើម និងដឹកនាំដោយលោកឃ្លាំង ហួត ជំនួយការសម្តេចអគ្គមហាសេនាបតីតេជោ ហ៊ុន សែន ប្រធានគណៈកម្មាធិការបក្សប្រជាជនកម្ពុជាខណ្ឌឫស្សីកែវ និងជាអភិបាលខណ្ឌ ព្រមទាំងមានការចូលរួមពីក្រុមការចុះជួយសង្កាត់ទាំង៣ សមាជិក សមាជិកាបក្សយ៉ាងច្រើនកុះករ ។
ទេយ្យទានដែលនាំទៅប្រគេនដល់ព្រះសង្ឃក្នុងឱកាសនោះសម្រាប់វត្តអម្ពផល និងវត្តសូរិយាពោធិមាស ក្នុងវត្តនីមួយៗទទួលបាន សាដក១, ទៀននាគ១គូ, ប្រេងម៉ាស៊ូត១កាន, អង្ករ២បាវ, ទឹកបរិសុទ្ធ៤កេស, មីយើង៤កេស, ទឹកដោះគោ១កេស, ស្ករស១បាវ, តែ៤កញ្ចប់, ទឹកក្រូច៤កេស និងបច្ច័យចំនួន៣០ម៉ឺនរៀល និង២៥ដុល្លារ ។ ដោយឡែកវត្តពោធិយារ៉ាម ហៅវត្តចាស់ទទួលបានទេយ្យទាន និងទៀនវស្សាដូចគ្នាបច្ច័យចំនួន៥៥៧.០០០រៀល និង៤០ដុល្លារ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ