ក្មេងប្រុសអច្ឆរិយអាយុ4ឆ្នាំមានសមត្ថភាពពិសេស
ក្មេងប្រុស ឃីល័រ លីម (Kyler Lim) ទើបតែមានអាយុ៤ឆ្នាំប៉ុណ្ណោះ ប៉ុន្តែគេមានសមត្ថភាពពិសេសអាចអានអក្សរ ហើយចាំពាក្យទាំងនោះ ។ នេះបើយោងតាមប្រភពគេហទំព័រអ៊ាស៊ីវ័ន ចេញផ្សាយថ្ងៃទី១១ កក្កដា កន្លងមក ។
ប្រភពបន្តថា នៅពេលឃីល័រ មានអាយុ១៨ខែ ឪពុកម្តាយរបស់គេភ្ញាក់ផ្អើលយ៉ាងខ្លាំងពេលឃើញគេកំពុងអានទស្សនាវដ្តីមួយនៅក្នុងបន្ទប់ទទួលភ្ញៀវបញ្ចេញសំឡេងខ្លាំងៗ ។ ស្ថិតក្នុងភាពស្រឡាំងកាំងនូវអ្វីដែលពួកគាត់បានឃើញនាពេលនោះ លោក ស្ទីវិន លីម និងអ្នកស្រី ហ្វ៊ីលីសែបានបញ្ជូនឃីល័រទៅប្រឡងសំនួរ IQ (ធ្វើតេស្តពីភាពឈ្លាសវៃ) ហើយលទ្ធផលគេបានពិន្ទុ ១៤០ពិន្ទុ ខណៈពិន្ទុគិតជាមធ្យមសម្រាប់ប្រឡងសំនួរពីភាពឈ្លាសវៃរបស់មនុស្សពេញវ័យនៅប្រទេសសិង្ហបុរី តែ១០៣ពិន្ទុប៉ុណ្ណោះ។ ដូច្នេះពិន្ទុរបស់ឃីល័រលើសមធ្យមភាគនៃពិន្ទុរបស់មនុស្សពេញវ័យទៅទៀត។
ចែករំលែកព័តមាននេះ