កាន់លិខិតដឹកត្រីប្រានិងអណ្ដែង តែដឹកក្បាលត្រីឆ្ដោនិងត្រីទីឡាព្យ៉ា

ថ្ងៃទី ០៧ ខែ មិថុនា ឆ្នាំ ២០១០
ម៉ោង ០៤:១៤
sara

ខេត្ដតាកែវ ៖ រថយន្ដដឹកត្រីចូលមកពី ស្រុកយួន១គ្រឿងបានត្រូវកំលាំងកងរាជ អាវុធហត្ថខេត្ដដេញចាប់បាន រួចប្រគល់ឱ្យ ខណ្ឌរដ្ឋបាលជលផលខេត្ដដើម្បីចាត់ការតាម ច្បាប់ ដែលត្រីទាំងអស់នោះ ឈ្មួញដឹកចូល មកតាមច្រករបៀងស្រុកបុរីជលសា រួចផ្ទេរ តាមរថយន្ដផ្សេងបន្ដទៅលក់នៅរាជធានីភ្នំពេញ ។ ការចាប់រថយន្ដដឹកត្រីចូលមក ពីស្រុកយួននេះ គឺនៅតាមបណ្ដោយផ្លូវជាតិ លេខ២ ស្ថិតក្នុងភូមិគោក.ញ ឃុំព្រៃស្លឹក ស្រុកទ្រាំង កាលពីថ្ងៃទី៥ មិថុនា វេលា ម៉ោង១០ និង៣០នាទីយប់ ។

លោកអនុសេនីយ៍ឯកឡា យ៉ស់យ៉ា ជំនួយការមន្ទីរសន្ដិសុខព្រហ្មទណ្ឌខេត្ដបានឱ្យ ដឹងថា បន្ទាប់ពីទទួលព័ត៌មានថា មានឈ្មួញ លួចដឹកត្រីតាមទូកពីស្រុកយួនចូលមកស្រុក បុរីជលសា រួចមកឡើងរថយន្ដនៅកំពង់ទូក កំពង់អំពិលនោះ លោកក៏បានរាយការណ៍ សុំគោលការណ៍ពីលោកឧត្ដមសេនីយ៍ត្រីឡា ឡៃ មេបញ្ជាការកងរាជអាវុធហត្ថខេត្ដ ។ បន្ទាប់មក លោកមេបញ្ជាការបានចេញបទ បញ្ជាឱ្យលោកចាប់រថយន្ដដឹកត្រីខុសច្បាប់
នោះឱ្យខាងតែបាន ហើយលោកបានយក កំលាំងពីស្រុកទ្រាំងចេញប្រតិបត្ដិការ លុះ ដល់កន្លែងកើតហេតុមានរថយន្ដដឹកត្រីចំនួន៨គ្រឿងតែដោយលោកមានរថយន្ដសំរាប់ដេញតែ១គ្រឿង ទើបកំលាំងចាប់បានតែ ១គ្រឿង ចំណែក៧គ្រឿងទៀតគេចអស់ ។

លោកឡា យ៉ាស់យ៉ា បានបន្ដទៀតថា បន្ទាប់ពីចាប់បាន លោកក៏នាំយករថយន្ដដឹក ត្រីនោះមកទីបញ្ជាការខេត្ដ ហើយនៅព្រឹក ថ្ងៃទី៦ មិថុនា បានរើចេញពីក្នុងរថយន្ដ ដើម្បី ពិនិត្យទៅឃើញមានក្បាល និងពោះត្រីឆ្ដោ ចំនួន៣៥ស្បោង ត្រីទីឡាព្យ៉ាចំនួន១៩ ស្បោង និងត្រីប្រា៣ស្បោង ។ ចំណែកនៅ ក្នុងលិខិតអនុញាត គឺឱ្យដឹកតែត្រីប្រានិងត្រី អណ្ដែងប៉ុណ្ណោះ តែនេះគេដឹកក្បាលត្រីឆ្ដោ ពោះ និងត្រីទីឡាព្យ៉ាសរុបទាំងអស់៣៥០ គីឡូក្រាម ។
ម្ចាស់ត្រីឈ្មោះកង រាម បានប្រាប់កោះ សន្ដិភាពថា ត្រីទាំងអស់នេះលោកទទួល ទិញពីលោកជូ សារឿន ជាថៅកែធំដែលរក ស៊ីដឹកត្រីពីស្រុកយួនចូលមកកំពង់ទូកកំពង់ អំពិល ស្រុកបុរីជលសា ដោយលោកទទួល ទិញបន្ដ១គីឡូក្រាម៣.០០០រៀល លក់ដល់ ភ្នំពេញ១គីឡូក្រាមបាន៥.០០០រៀល។

លោកគឹម សារឹទ្ធ នាយខណ្ឌរដ្ឋបាលជល ផលខេត្ដបានប្រាប់កោះសន្ដិភាពតាមទូរស័ព្ទ ថា ចំពោះក្បាលត្រីឆ្ដោ ពោះ និងត្រីទីឡា ព្យ៉ា ដែលកងរាជអាវុធហត្ថចាប់ប្រគល់ឱ្យ នេះ គឺយើងគ្រាន់តែធ្វើការពិន័យទេ មិនអាច ដុតចោលបានឡើយ ហើយត្រីដែលយើង អាចដុតកំទេចចោលនោះមានតែត្រីចាប និង ត្រីប្រាប្រឡាក់ដែលមានជាតិគីមីប៉ុណ្ណោះ ។