រាជធានីភ្នំពេញ ៖ កាលពីរសៀលថ្ងៃ ទី២១ ខែមិថុនា មន្ត្រីអាជ្ញាធរសង្កាត់ទឹកថ្លា បានចុះពិនិត្យការដាក់ប្រព័ន្ធលូ និងស្ថាបនាផ្លូវក្រាលបេតុង ដែលកំពុងដំណើរការបានប្រមាណ២០ទៅ៣០ភាគរយ នៅក្នុងភូមិទឹកថ្លា និងភូមិចុងថ្នល់ខាងលិច ក្នុងសង្កាត់ទឹកថ្លា ខ័ណ្ឌសែនសុខ ។
រាជធានីភ្នំពេញ ៖ កាលពីរសៀលថ្ងៃ ទី២១ ខែមិថុនា មន្ត្រីអាជ្ញាធរសង្កាត់ទឹកថ្លា បានចុះពិនិត្យការដាក់ប្រព័ន្ធលូ និងស្ថាបនាផ្លូវក្រាលបេតុង ដែលកំពុងដំណើរការបានប្រមាណ២០ទៅ៣០ភាគរយ នៅក្នុងភូមិទឹកថ្លា និងភូមិចុងថ្នល់ខាងលិច ក្នុងសង្កាត់ទឹកថ្លា ខ័ណ្ឌសែនសុខ ។
លោ តាន់ ណាវិន ចៅសង្កាត់ទឹកថ្លា បានឱ្យដឹងថា ដោយសារមានការយកចិត្តទុកដាក់ពីរាជរដ្ឋាភិបាលក៏ដូចជាសាលារាជធានីភ្នំពេញ និងសាលាខណ្ឌសែនសុខ ជំរុញក្នុងការអភិវឌ្ឍមូលដ្ឋាន ធ្វើឱ្យសង្កាត់ទឹកថ្លាមានការអភិវឌ្ឍយ៉ាងខ្លាំង ហើយផ្លូវជាច្រើនខ្សែ និងប្រព័ន្ធលូត្រូវបានស្ថាបនាជាបន្តបន្ទាប់ ។ នៅក្នុងឆ្នាំ២០១២ នេះ សង្កាត់ទឹកថ្លាបានដំណើរការស្ថាបនាផ្លូវក្រាលបេតុង និងដាក់ប្រព័ន្ធលូជាច្រើនខ្សែ ក្នុងនោះភូមិចុងថ្នល់ខាងលិច ដាក់ប្រព័ន្ធលូចំនួន២ខ្សែប្រវែង៦៥៣ម៉ែត្រ ស្ថាបនាផ្លូវក្រាលបេតុងប្រវែង៨៨២ម៉ែត្រគុណនឹង៥ម៉ែត្រ ដែលជាគម្រោងអភិវឌ្ឍន៍សង្កាត់ឆ្នាំ២០១២ ។
នៅភូមិទឹកថ្លា ស្ថាបនាផ្លូវក្រាលបេតុងចំនួន៣ខ្សែប្រវែង៥៥២ម៉ែត្រ ភូមិអូរបែកក្អម ស្ថាបនាផ្លូវ២ខ្សែប្រវែង៣៥២ម៉ែត្រ ភូមិត្រពាំងឈូក ស្ថាបនាផ្លូវក្រាលបេតុង២ខ្សែប្រវែង៥៥២ម៉ែត្រ និងភូមិសេប៉េសេស្ថាបនាផ្លូវ៣ខ្សែប្រវែង៧២៥ម៉ែត្រ ដែលប្រើប្រាស់ថវិការបស់សាលារាជធានីភ្នំពេញ ។
លោ តាន់ ណាវិន បានបន្តទៀតថា ក្រៅពីស្ថាបនាផ្លូវ និងដាក់ប្រព័ន្ធលូ សង្កាត់បានជំរុញការស្តារលូរំដោះទឹកភ្លៀងជូនប្រជាពលរដ្ឋនៅភូមិស្លែងរលើង បានប្រវែង១៩៧ម៉ែត្រ និងស្តារលូនៅភូមិចុងថ្នល់ខាងកើត និងភូមិផ្សារទឹកថ្លាផងដែរ ។ ក្រៅពីនេះ សង្កាត់នឹងខិតខំប្រឹងប្រែងបន្តជំរុញការអភិវឌ្ឍសង្កាត់ឱ្យកាន់តែរីកចម្រើនថែមទៀតសម្រាប់អាណត្តិទី៣ខាងមុខនេះ ៕
ចែករំលែកព័តមាននេះ