អាជ្ញាធរចិន ហាមដាច់ខាតមិនអនុញ្ញាតឱ្យគូស្នេហ៍រួមមេត្រីនៅក្នុងកន្ត្រកយោងឡើយ ។ នេះបើយោងតាមប្រភពពីគេហទំព័រឆាយណាដេលី ចេញផ្សាយថ្ងៃទី៦ ឧសភា ឆ្នាំ ២០១២ ។
ប្រភពបន្តថា សេចក្តីប្រកាសនេះធ្វើឡើង បន្ទាប់ពីគូស្នេហ៍វ័យក្មេងមួយគូ ត្រូវបានគេប្រទះឃើញកំពុងរួមរ័កគ្នានៅក្នុងកន្ត្រកយោងមួយនៅតំបន់ទេសចរណ៍ Yaoshan Mountain ដែលជាតំបន់ទេសចរណ៍ដ៏ស្រស់ត្រកាល និងគួរឱ្យទាក់ទាញមួយ ស្ថិតនៅខេត្ត Henan ប្រទេសចិន ។
ដោយឡែក ការជិះកន្ត្រកយោងនៅតំបន់ទេសចរណ៍នេះ គឺជាសេវាកម្មមួយដែលមានការចាប់អារម្មណ៍យ៉ាងខ្លាំងពីបណ្តាភ្ញៀវទេសចរដែលមកកម្សាន្ត ។ ដូច្នេះដើម្បីរក្សានូវសុវត្ថិភាពអាយុជីវិតរបស់ពួកគេ ក៏ដូចជារក្សាបាននូវកិត្តិយស និងសេចក្តីថ្លៃថ្នូរ អាជ្ញាធរបានដាក់ស្លាកសញ្ញាមួយដោយព្រមានថា « គូស្នេហ៍ទេសចរវ័យក្មេងទាំងឡាយ មិនត្រូវបង្កាត់ភ្លើងស្នេហ៍ក្តៅរោលរាលរួមមេត្រីក្នុងកន្ត្រកយោងជាដាច់ខាត » ។ ការប្រព្រឹត្តទង្វើមិនគប្បីនេះ អាចបង្កឱ្យមានគ្រោះថ្នាក់ដល់អាយុជីវិត ពេលកំពុងធ្វើដំណើរក្នុងលំហអាកាសដែលមានកម្ពស់ខ្ពស់បែបនេះ ។ ជាពិសេស បង្កឱ្យបរិយាកាសនៅតំបន់ទេសចរណ៍ Yaoshan Mountain នេះក្លាយជាតំបន់អនាធិបតេយ្យ និងអាប់ឱនដល់កិត្តិយសប្រទេសជាតិ ៕
ចែករំលែកព័តមាននេះ