រាជធានីភ្នំពេញ ៖ រថយន្តឡិចស៊ីសRX330ពណ៌ស មួយគ្រឿងដែលគេដឹងថា ត្រឡប់មកពីហូបការបងប្អូននៅសល់ប្រមាណ៣០ម៉ែត្រទៀតដល់ផ្ទះបានជ្រុលចង្កូតទៅបុកស្លាកសញ្ញាមហាវិថីសហព័ន្ធរុស្ស៊ី រួចជ្រុលឡើងលើសួនច្បារទៅបុករនាំងដែកបាក់អស់
រាជធានីភ្នំពេញ ៖ រថយន្តឡិចស៊ីសRX330ពណ៌ស មួយគ្រឿងដែលគេដឹងថា ត្រឡប់មកពីហូបការបងប្អូននៅសល់ប្រមាណ៣០ម៉ែត្រទៀតដល់ផ្ទះបានជ្រុលចង្កូតទៅបុកស្លាកសញ្ញាមហាវិថីសហព័ន្ធរុស្ស៊ី រួចជ្រុលឡើងលើសួនច្បារទៅបុករនាំងដែកបាក់អស់មួយផ្ទាំង ហើយទៅបុកស្លាកប៉ាណូមួយទៀត ។ ហេតុការណ៍នេះបានកើតឡើងកាលពីវេលាម៉ោង២និង៥០នាទីរំលងអធ្រាត្រឈានចូលថៃ្ងទី២៧ មេសា នៅកែងមហាវិថីសហព័ន្ធរុស្ស៊ី និងផ្លូវលេខ២០០៥ ទល់មុខផ្សារស៊ិនជូរីផ្លាហ្សា ស្ថិតក្នុងសង្កាត់កាកាប ខណ្ឌដង្កោ ប៉ុន្តែមិនបណ្តាលឱ្យមានមនុស្សរងរបួសទេ ។
ប្រភពព័ត៌មានបានឱ្យដឹងថា រថយន្តឡិចស៊ីសមួយគ្រឿងនេះពណ៌ស ជិះគ្នា២នាក់សុទ្ធសឹងជានិស្សិត បើកតាមមហាវិថីសហព័ន្ធរុស្ស៊ីពីកើតទៅលិច លុះមកដល់កែងជាមួយផ្លូវលេខ២០០៥ រថយន្តក៏បានបត់ស្តាំ ។ ដោយសារបើកលឿនហើយទំនងជាស្រវឹងផង បួងចង្កូតមិនទាន់ក៏ជ្រុលទៅបុកស្លាកមហាវិថីសហព័ន្ធរុស្ស៊ីនៅកែងផ្លូវលេខ២០០៥ប៉ើងទៅលើសួនច្បារ រួចរថយន្តជ្រុលឡើងលើសួនច្បារទៅបុករនាំងដែកបាក់អស់មួយផ្ទាំង ហើយជ្រុលទៅបុកបាក់ផ្ទាំងប៉ាណូថ្វាយព្រះពរទៀត ។តាមស្រ្តីជាម្តាយរបស់យុវជនបើករថយន្តនិយាយថា កូនប្រុសរបស់គាត់ទើបនឹងចេញមកពីហូបការបងប្អូន ។
ចំណែកយុវជនជាអ្នកបើកបររថយន្តប្រាប់សមត្ថកិច្ចថា មូលហេតុនៃការបុកនេះបណ្តាលមកពីរូបគេបើកគេចពីម៉ូតូមួយគ្រឿង ។ ក្រោយពេលកើតហេតុ រថយន្តជ្រុះកាងនិងខូចខាតផែ្នកខាងមុខហើយត្រូវបានសមត្ថកិច្ចស្ទូចយកទៅសាលារាជធានីភ្នំពេញដើម្បីទារសំណងដល់សម្បត្តិសាធារណៈដែលខូចខាត ៕
ចែករំលែកព័តមាននេះ