ប្រតិបត្តិការសង្គ្រោះស្រីស្រស់ប៉ុនប៉ងធ្វើអត្តឃាតពីលើអគារកម្ពស់12ជាន់
យោងតាមប្រភពពីគេហទំព័រឆាយណាប៊ឺសចេញផ្សាយថ្ងៃទី១៩ មេសា ឱ្យដឹងថា នៅទីក្រុង ដុងហ្គន(Dongguan) ខេត្តហ្គងដុង (Guangdong) ប្រទេសចិន កាលពីវេលាម៉ោង១ និង៣០នាទីរសៀល ថ្ងៃទី១៨ មេសា ឆ្នាំ២០១២ មានស្ត្រីម្នាក់បានប៉ងធ្វើអត្តឃាតពីលើអគារកម្ពស់១២ជាន់ បង្កឱ្យមានការភ្ញាក់ផ្អើលដល់មនុស្សម្នាដែលធ្វើដំណើរឆ្លងកាត់និងរស់នៅទីនោះរាប់រយនាក់ និងបង្កឱ្យកកស្ទះចរាចរណ៍រាប់ម៉ោងផងដែរ ។
ប្រភពបានបន្តថា ការឃើញហេតុការណ៍នេះ គឺដោយសារសន្តិសុខការពារអគារនោះជាអ្នកមើលឃើញ ហើយបានរាយការណ៍ទៅប៉ូលិសប្រចាំតំបន់ ។ ភ្លាមៗនោះ ប៉ូលិស, គ្រូពេទ្យ និងក្រុមអ្នកជួយសង្គ្រោះក៏បានមកដល់ ហើយអន្តរាគមន៍ទាន់សភាពការណ៍ ខណៈពេលដែលនាងកំពុងឈរលើរបារបង្អួចបម្រុងនឹងគិតខ្លីទម្លាក់ខ្លួនមកដីនោះ ។
ចែករំលែកព័តមាននេះ