អត្ថបទតទៅនេះ លើកឡើងតែពីពួកឧក្រិដ្ឋជនព្រៃផ្សៃចម្លែកដែលចូលចិត្តសម្លាប់មនុស្ស ព្រោះតែចង់ស៊ីសាច់មនុស្សប៉ុណ្ណោះ មិនសូវមានគោលដៅអ្វីផ្សេងក្រៅពីហ្នឹងទៀតឡើយ ។
អត្ថបទតទៅនេះ លើកឡើងតែពីពួកឧក្រិដ្ឋជនព្រៃផ្សៃចម្លែកដែលចូលចិត្តសម្លាប់មនុស្ស ព្រោះតែចង់ស៊ីសាច់មនុស្សប៉ុណ្ណោះ មិនសូវមានគោលដៅអ្វីផ្សេងក្រៅពីហ្នឹងទៀតឡើយ ។
* វីន វេហ្គាងលី-ប្រទេសកាណាដា
វីន វេហ្គាងលី (Vince Weiguang Li) កើតនៅលីវនីង ប្រទេសចិន ក្រោយមកទៅនៅប្រទេសកាណាដា ក្នុងឆ្នាំ២០០៦ ។ យប់ថ្ងៃទី៣០ កក្កដា ឆ្នាំ២០០៨ លើរថយន្តបឺសពី Edmonton ទៅ Winniped សុខៗស្រាប់តែលីប្រើប្រាស់កាំបិតចុងស្រួចចាក់ចូលបំពង់ក និងទ្រូងយុវជនម្នាក់ឈ្មោះ Tim Mclean អាយុ២២ឆ្នាំ ដែលអង្គុយក្បែរគ្នា រួចហើយសីុសាច់ជនរងគ្រោះដោយពន្លះមួយដុំម្តងបោះចូលមាត់ទំពាទាំងឈាមកក្លាក់ ។ បន្ទាប់ពីប្រព្រឹត្តឧក្រិដ្ឋកម្មនេះ លី ព្យាយាមរត់ចេញពីរថយន្តតែមិនបានសម្រេច ។ ក្នុងហោប៉ៅអាវជននេះ ប៉ូលិសរកឃើញត្រចៀក ច្រមុះ និងអណ្តាតរបស់ Tim Mclean ។
* ភីថឺប្រាយយ៉ាន-ប្រទេសអង់គ្លេស
ភីថឺប្រាយយ៉ាន (Peter Bryan) កើតឆ្នាំ១៩៦៩ នៅទីក្រុងឡុង ប្រទេសអង់គ្លេស ។ ខែកុម្ភៈ ឆ្នាំ២០០៤ ភីថឺប្រាយយ៉ាន ស៊ីសាច់មិត្តភក្តិរបស់ខ្លួនឈ្មោះ Brian Cherry។ ជនរងគ្រោះ Cherry ត្រូវសម្លាប់ដោយពូថៅសំពងក្បាលរហូតដល់២៤ពូថៅ ។ ពេលសម្រុកចូលផ្ទះអា«ខ្មោចកំណាច»នោះ ប៉ូលិសស្រឡាំងកាំងចំពោះទិដ្ឋភាពដ៏គួរឱ្យហួសចិត្ត…សួរអីវាឆ្លើយហ្នឹង ហើយឆ្លើយទាំងញញឹមញញែមធម្មតា ហាក់ដូចគ្មានខ្លាចអ្វីសោះ ។ វានិយាយយ៉ាងហីរៀបរាប់ពីរបៀបសម្លាប់មិត្តភក្តិរបស់ខ្លួនដើម្បីស៊ីសាច់ ព្រោះនឹកចង់ស៊ីសាច់មិត្តភកិ្តឈ្មោះ Cherry នេះយូរហើយ ។ ក្នុងពន្ធនាគារ Pentonville វានិយាយថា ចេះតែនឹកចង់សីុច្រមុះមនុស្ស ។ ក្រោយមកគេបញ្ជូនវាទៅមន្ទីរពេទ្យ Broadmoor ។ ប៉ុន្តែជាការស្មានមិនដល់សោះ នៅមន្ទីរពេទ្យនោះ ភិថឺប្រាយយ៉ាន ឆ្លៀតសម្លាប់ស៊ីសាច់មនុស្សប្រុសម្នាក់បានទៀតឈ្មោះ Richard Loudwell អាយុ៦០ឆ្នាំ ។ ពិតជាញៀនសាច់មនុស្សមិនអាចទ្រាំបានមែន!
* ចាណូអែល-ប្រទេសហ្វាំងឡង់
កើតឆ្នាំ១៩៧៥ នៅ Hyvinkas ចាណូ អែល (Jarno Elg) ទទួលខុសត្រូវចំពោះការសម្លាប់មនុស្សសាហាវបំផុតក្នុងប្រវត្តិសាស្ត្រប្រទេសហ្វាំងឡង់ ។ ថ្ងៃទី២១ វិច្ឆិកា ឆ្នាំ១៩៩៨ចាណូ អែល ដើរចូលក្នុងផ្ទះបុរសដែលគេមិនទាន់ស្គាល់ឈ្មោះម្នាក់ ហើយច្របាច់កសម្លាប់ពន្លះស៊ីសាច់ ។ ចាណូ អែល មានបក្សពួក៣នាក់សុទ្ធតែចូលចិត្តស៊ីសាច់មនុស្សដូចគ្នា ។ រាល់ពេលសម្លាប់អ្នកណាបានម្នាក់ ពួកវារៀបចំសាច់ជាពីរចំណែក មួយចំណែកសម្រាប់ស៊ី ឯមួយចំណែកទៀតយកទៅប្រើប្រាស់ក្នុងពិធីសែនបិសាចសាតាន (Satan) ។ ចាណូ អែល ត្រូវតុលាការផ្តន្ទាទោសដាក់ពន្ធនាគារអស់មួយជីវិតបន្ទាប់ពីវាសម្លាប់ស៊ីសាច់យុវជនចុងក្រោយម្នាក់អាយុ២៣ឆ្នាំ ហើយត្រូវចាប់ខ្លួនបាន ។
* ហ្សូស៍ល្វី កាល់វ៉ា-ប្រទេសម៉ិចស៊ិក
ខែតុលា ឆ្នាំ២០០៧ ពេលសម្រុកចូលផ្ទះហ្សូស៍ល្វី កាល់វ៉ា (Jose Luis Calva) ប៉ូលិសឃើញជននេះកំពុងអង្គុយស៊ីសាច់មិត្តស្រីរបស់ខ្លួនយ៉ាងឆ្ងាញ់ ដោយច្របាច់ក្រូចឆ្មារលើសាច់ដែលត្រូវស៊ីផង ។ ក្នុងផ្ទះកាល់វ៉ា មានឆ្អឹងមនុស្សមួយពំនូកជាឆ្អឹងដែលពន្លះយកសាច់ចេញអស់ហើយ ក្រៅពីនេះមានធុងមួយដាក់ស្ទើរពេញសុទ្ធតែសាច់មនុស្សដែលពន្លះចេញពីឆ្អឹង ។ ថ្វីបើកំពុងឆ្ងាញ់មាត់នឹងសាច់មិត្តស្រី តែពេលងាកមកឃើញប៉ូលិសភ្លាម កាល់វ៉ា ដឹងថាអាសន្នធំមកដល់ក៏ស្ទុះរត់ចេញក្រៅតាមបង្អួចដើម្បីគេចខ្លួន តែត្រូវបាញ់របួសរត់លែងរួច ។ កាសែតម៉ិចស៊ិកហៅកាល់វ៉ា ថា «កវីសីុសាច់មនុស្ស» ព្រោះកន្លងមកវាមានជំនាញខាងសរសេរកំណាព្យ អ្នកណាៗក៏សរសើរ ។ កាល់វ៉ា ត្រូវតុលាការវិនិច្ឆ័យទោសឱ្យជាប់ពន្ធនាគារ៨៤ឆ្នាំ ។
* ស៊ូតូមូ មីយ៉ាសាគី-ប្រទេសជប៉ុន
កើតឆ្នាំ១៩៦២ នៅទីក្រុងតូក្យូ, ស៊ូតូមូ មីយ៉ាសាគី (Tsutomu Miyazaki) ចាប់ផ្តើមសីុសាច់មនុស្សក្នុងឆ្នាំ១៩៨៨ ។ វាសម្លាប់កុមារីអស់៤នាក់ ចាប់ពីអាយុ៤ឆ្នាំដល់៧ឆ្នាំ។ មុនស៊ីសាច់កុមារីរងគ្រោះ វារំលោភសពនាងសិន ។ វាមិនត្រឹមតែចូលចិត្តសីុសាច់ប៉ុណ្ណោះទេ ថែមទាំងចូលចិត្តហុតឈាមជនរងគ្រោះទៀត ។ សាច់ដៃជើងជាចំណូលចិត្តទីមួយរបស់វា។ កុមារីរងគ្រោះដំបូងបំផុតឈ្មោះ Mari Konno ។ វាកាត់ដៃជើងនាងផ្តាច់ចេញពីដងខ្លួន ហើយយកទៅលាក់ក្នុងទូខោអាវ ចំណែកដងខ្លួនយកទៅកប់ចោល។ ស៊ូតូមូ មីយ៉ាសាគី ត្រូវតុលាការកាត់ទោសប្រហាជីវិតនៅថ្ងៃទី១៤ មេសា ១៩៩៧ បន្ទាប់មកថ្ងៃទី១៧ មិថុនា ឆ្នាំ២០០៨ ទើបគេនាំវាចេញពីពន្ធនាគារយកទៅប្រហារជីវិតដោយព្យួរ.ក ។
* ចន បិនធីង និងរ៉ូបឺត វេញ៉ី
ចន បិនធីង (John Bunting) ត្រូវបានចាត់ទុកជាឃាតករសាហាវ និងថោកទាបបំផុតក្នុងប្រទេសអូស្ត្រាលី ។ រវាងខែសីហា ឆ្នាំ១៩៩២ និងខែឧសភា ឆ្នាំ១៩៩៩ ចន បិនធីង ធ្វើសកម្មភាពសម្លាប់ស៊ីសាច់មនុស្សនៅ Snow Town ។ វាជាមេបក្សពួកឧក្រិដ្ឋជនមួយក្រុមដែលជំនាញខាងសម្លាប់មនុស្សប្លន់យកទ្រព្យសម្បតិ្ត ។ ប៉ុន្តែក្នុងក្រុមនោះមានតែរូបវា និងដៃគូឈ្មោះ រូបឺត វេញ៉ី (Robert Wagner)ប៉ុណ្ណោះដែលចូលចិត្តសីុសាច់មនុស្ស ។ ជនដែលវាចង់ស៊ីសាច់ជាងគេ គឺអ្នកស្រឡាញ់ភេទដូចគ្នា។ ឆ្នាំ២០០៥ ការចោទប្រកាន់ផ្ទុះឡើង បន្ទាប់ពីពួកវាទាំងពីរនាក់សម្លាប់ស៊ីសាច់បុរសឈ្មោះDavid Johnson ហើយបែកការណ៍ត្រូវចាប់ខ្លួន។ គិតរហូតដល់ថ្ងៃពួកវាត្រូវចាប់ខ្លួន គេសង្ស័យពួកវាពាក់ព័ន្ធរហូតដល់២៣០ករណីសម្លាប់មនុស្ស ។
* ដូរ៉ង់ហ្សែល វ៉ាហ្គាស់-ប្រទេសវេណេហ្ស៊ុយអេឡា
ឆ្នាំ១៩៩៥ ដូរ៉ង់ហ្សែល វ៉ាហ្គាស់ (Dorangel Vargas) ក្លាយជាមនុស្សអត់ផ្ទះសម្បែង រស់រសាត់អណ្តែតតាមចិញ្ចើមថ្នល់ ក្រុង San Cristobal រដ្ឋ Tachira ប្រទេសវេណេហ្ស៊ុយអេឡា ។ វ៉ាហ្គាស់ ជាប់ចោទពីបទសម្លាប់ស៊ីសាច់មនុស្សប្រុស១០នាក់ ចាប់ពីឆ្នាំ១៩៩៥ ដល់១៩៩៩ ។ ជននេះត្រូវចាប់ខ្លួនក្នុងខែកុម្ភៈ ១៩៩៩ នៅក្រុង San Cristobal ជាមួយរហស្សនាម «សត្វចម្លែកស៊ីសាច់មនុស្សនៅជួរភ្នំ Andes» ។ វាប្រាប់ប៉ូលិសថា វាចូលចិត្តស៊ីតែសាច់មនុស្សប្រុសប៉ុណ្ណោះ ។
* យូ យុងចុល-ប្រទេសកូរ៉េខាងត្បូង
យូ យុងចុល (Yoo Yong Chul) ជាឃាតករសម្លាប់រង្គាលនៅកូរ៉េខាងត្បូង ។ វាសារភាពថា សម្លាប់មនុស្សដើម្បីស៊ីសាច់ប៉ុណ្ណោះ ព្រោះញៀនទ្រាំមិនបាន ។ កាលពីនៅក្មេង វារស់ក្នុងជីវភាពតោកយ៉ាកជាមួយឪពុកដែលជាអតីតទាហានក្នុងសង្គ្រាមវៀតណាម ។ រវាងពីឆ្នាំ២០០៣ ដល់ ២០០៤ វាសម្លាប់និងស៊ីសាច់មនុស្សអស់២១នាក់ ដែលភាគច្រើនជាស្រ្តីរកស៊ីផ្លូវភេទ និងប្រុសមានលុយកាក់ចាយវាយហ៊ឺហា ។ ឧបករណ៍សម្លាប់មនុស្សរបស់វា គឺពូថៅដៃមុតអាចកោររោមបាន ៕
ចែករំលែកព័តមាននេះ