ខេត្តប៉ៃលិន ៖ នៅទីស្នាក់ការគណបក្សប្រជាជនកម្ពុជា មានបើកវគ្គបណ្តុះបណ្តាលមួយស្តីពីការពង្រឹងសមត្ថភាពដល់បេក្ខនារីក្រុមប្រឹក្សាឃុំ-សង្កាត់ របស់គណបក្សប្រជាជនកម្ពុជា ក្រោមអធិបតីភាពលោកជំទាវ បាន ស្រីមុំ អីុ ឈាន ដែលជាប្រធានកិត្តិយសសមាគមនារីកម្ពុជា ដើម្បីសន្តិ ភាព និងការអភិវឌ្ឍន៍ខេត្តប៉ៃលិន ។វគ្គ
ខេត្តប៉ៃលិន ៖ នៅទីស្នាក់ការគណបក្សប្រជាជនកម្ពុជា មានបើកវគ្គបណ្តុះបណ្តាលមួយស្តីពីការពង្រឹងសមត្ថភាពដល់បេក្ខនារីក្រុមប្រឹក្សាឃុំ-សង្កាត់ របស់គណបក្សប្រជាជនកម្ពុជា ក្រោមអធិបតីភាពលោកជំទាវ បាន ស្រីមុំ អីុ ឈាន ដែលជាប្រធានកិត្តិយសសមាគមនារីកម្ពុជា ដើម្បីសន្តិ ភាព និងការអភិវឌ្ឍន៍ខេត្តប៉ៃលិន ។វគ្គបណ្តុះបណ្តាលនេះ ប្រព្រឹត្តទៅកាលពីវេលាម៉ោង៧ និង៣០នាទីព្រឹកថ្ងៃទី៣០ មីនា ២០១២ ដែលមានបេក្ខនារីចំនួន១១នាក់ ចូលរួមផងដែរ ។ លោកស្រីពៅ សុខ ប្រធានសមាគមនារីកម្ពុជា ដើម្បីសន្តិភាព និងការអភិវឌ្ឍន៍ខេត្តប៉ៃលិន បានលើកឡើងពីការធ្វើសកម្មភាពនយោបាយការពង្រឹងសមត្ថភាពធនធានមនុស្ស ការងារសហប្រតិបត្តិការទំនាក់ទំនងអន្តរជាតិ និងបេសកកម្មគោលដៅរបស់ខ្លួន ។
លោកជំទាវបាន ស្រីមុំ អីុឈាន មានប្រសាសន៍ឱ្យដឹងថា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានដាក់ចេញនូវគោលនយោបាយ ក្នុងការលើកកម្ពស់ដល់ស្ត្រី និងផ្តល់សិទ្ធិឱ្យស្ត្រីចូលរួមដឹកនាំនៅក្នុងស្ថាប័នក្របខណ្ឌនានា ចាប់ពីថ្នាក់កំពូល រហូតដល់ថ្នាក់ក្រោមភូមិ-ឃុំ-សង្កាត់ ស្រុក-ក្រុង និងខេត្តផងដែរ ។ លោកជំទាវបានបន្តទៀតថា ស្ត្រី ក៏មានសិទ្ធិស្មើនឹងបុរសដែរ ក្នុងការចូលរួមចំណែកយ៉ាងសំខាន់សម្រាប់អភិវឌ្ឍន៍ប្រទេសជាតិដែលមិនអាចខ្វះបាន ៕
ចែករំលែកព័តមាននេះ