ខេត្តពោធិ៍សាត់ ៖ បុរសម្នាក់បានស្លា.ប់ពេលបញ្ជូនដលមន្ទីរពេទ្យ និងម្នាក់ទៀតជាអ្នកបើកម៉ូតូរងរបួសធ្ងន់ដោយសារជិះម៉ូតូឌុបគ្នាទៅបុករថយន្តដឹកដីដែលកំពុងបត់ ។ គ្រោះថ្នាក់ចរាចរណ៍នេះបានកើតឡើងលើកំណាត់ផ្លូវជាតិលេខ៥ ត្រង់ចំណុចភូមិសាលាគំរូ សង្កាត់ព្រៃញី ក្រុងពោធិ៍សាត់ កាលពីវេលាម៉ោង១១និង៤៨នាទីព្រឹកថ្ងៃទី២៣
ខេត្តពោធិ៍សាត់ ៖ បុរសម្នាក់បានស្លាប់ពេលបញ្ជូនដលមន្ទីរពេទ្យ និងម្នាក់ទៀតជាអ្នកបើកម៉ូតូរងរបួសធ្ងន់ដោយសារជិះម៉ូតូឌុបគ្នាទៅបុករថយន្តដឹកដីដែលកំពុងបត់ ។ គ្រោះថ្នាក់ចរាចរណ៍នេះបានកើតឡើងលើកំណាត់ផ្លូវជាតិលេខ៥ ត្រង់ចំណុចភូមិសាលាគំរូ សង្កាត់ព្រៃញី ក្រុងពោធិ៍សាត់ កាលពីវេលាម៉ោង១១និង៤៨នាទីព្រឹកថ្ងៃទី២៣ មីនា ២០១២ ។
លោកវ៉ន ភាព ប៉ូលិសក្រុងពោធិ៍សាត់ ឱ្យដឹងថា ជនរងគ្រោះដែលស្លាប់ឈ្មោះម៉ាន ម៉ាត់ ភេទប្រុស អាយុ២៨ឆ្នាំ ជនជាតិខ្មែរអ៊ិស្លាម រស់នៅភូមិដង្កៀបក្តាម ឃុំឈើតុំ ស្រុកក្រគរ ខេត្តពោធិ៍សាត់ (អ្នករួមដំណើរ) និងម្នាក់ទៀតដែលរបួសធ្ងន់ឈ្មោះស្មាន រក្សាត ភេទប្រុស អាយុ៣០ឆ្នាំ ជនជាតិខ្មែរអ៊ិស្លាម រស់នៅភូមិក្តុល ឃុំក្រាំងស្គែ ស្រុកទឹកផុស ខេត្តកំពង់ឆ្នាំង (អ្នកបើកម៉ូតូ) ។ ចំណែករថយន្តម៉ាកនីស្សាន់ ពណ៌ប្រផេះ ចំណុះមួយតោនកន្លះ បើកបរដោយឈ្មោះសៅ លី ភេទប្រុស អាយុ២២ឆ្នាំ រស់នៅភូមិព្រៃឪម៉ាល់ សង្កាត់រលាប ក្រុងពោធិ៍សាត់ ប៉ុន្តែរត់គេចខ្លួនបាត់ ។
សាក្សីនៅកន្លែងកើតហេតុនិយាយថា គេឃើញរថយន្តខាងលើជារថយន្តដឹកដីបានដឹកជញ្ជូនដីពេញមួយព្រឹកមកហើយ រួមជាមួយរថយន្តផ្សេងៗទៀត ។ ពេលធ្វើដំណើរដល់ខាងមុខខ្លោងទ្វារសាលាបឋមសិក្សាក្រាំងតាសែន ក៏បត់ចូលផ្លូវខាងឆ្វេងដៃ ស្របពេលជាមួយគ្នានោះស្រាប់តែអ្នកជិះម៉ុតូម៉ា SL230 ឌុបគ្នាពីរនាក់ធ្វើដំណើរមកពីក្រោយស្របទិសគ្នាគេចទៅណាមិនទាន់ក៏បុកចំទទឹងតែម្តង បណ្តាលឱ្យអ្នកបើកបរម៉ូតូ និងម៉ូតូដួលបែកក្បាលហូរឈាម ឯអ្នកជិះពីក្រោយត្រូវរថយន្តអូសចម្ងាយជាង១០០ម៉ែត្រ ទើបធ្លាក់ លុះពេលបញ្ជូនដល់មន្ទីរពេទ្យបាន១ម៉ោងក៏ស្លាប់តែម្តង ៕
ចែករំលែកព័តមាននេះ