អ្នកប្រកាសព័ត៌មានជប៉ុនប្រកួត «ស៊ីចេក» ប្រៀបដូចអូរ៉ាល់សិច
ទីភ្នាក់ងារព័ត៌មានបរទេសកាលពីថ្ងៃទី២០ កុម្ភៈ កន្លងមក ផ្សាយថា នាងរីយ៉ូ ហ៊ីរ៉ៃ អតីតតារា និងជាអ្នកប្រកាសព័ត៌មានដ៏ល្បីឈ្មោះរបស់ជប៉ុន អាយុ២៨ឆ្នាំ បានទទួលរងនូវការរិះគន់ធ្ងន់ៗ ក្រោយពីចូលរួមប្រកួតបរិភោគចេកក្នុងកម្មវិធី «វ៉ារ៉ៃទី» ដោយសារលក្ខណៈនៃការបរិភោគចេករបស់នាងត្រូវទទួលការវាយប្រហារថា មានឥរិយាបថមិនសមរម្យព្រោះប្រៀបដូចជាការធ្វើអូរ៉ាល់សិច ។
នៅក្នុងរបាយការណ៍ឱ្យដឹងថា កម្មវិធីខាងលើរៀបចំឡើងដោយស្ថានីយទូរទស្សន៍ «ហ៊្វូជី» កាលពីថ្ងៃទី១៣ កុម្ភៈ ដោយនាងរីយ៉ូ ត្រូវប្រកួតបរិភោគចេកជាមួយនាងជុនកូ គូបូ អ្នកប្រកាសព័ត៌មានម្នាក់ទៀត ដើម្បីចង់ដឹងថា តើអ្នកណាបរិភោគចេកបានលឿន ។ ទោះជាយ៉ាងណាក៏ដោយ ការប្រកួតបែបនេះធ្វើឱ្យទស្សនិកជនបញ្ចេញប្រតិកម្មដោយរិះ គន់នាង ។
ចែករំលែកព័តមាននេះ