រាជធានីភ្នំពេញ ៖ ប្រជាពលរដ្ឋប្រមាណជា១០០នាក់តំណាងឲ្យ១៥៧គ្រួសារមកពីភូមិស្វាយជ្រុំ ឃុំកន្ទួត ស្រុកជាំក្សាន្ត ខេត្តព្រះវិហារ បាននាំគ្នាកាន់បដាពាក្យស្លោកនិងរូបថតសម្តេចតេជោ ព្រមទាំងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន កាលពីព្រឹកថ្ងៃទី៥ មករា ២០១២ នៅមុខវត្តបទុមវត្តី ស្ថិតក្នុងសង្កាត់ចតុមុខ ខណ្ឌដូនពេញ ដើម្បីសុំឱ្យសម្តេចតេជោជួយ
រាជធានីភ្នំពេញ ៖ ប្រជាពលរដ្ឋប្រមាណជា១០០នាក់តំណាងឲ្យ១៥៧គ្រួសារមកពីភូមិស្វាយជ្រុំ ឃុំកន្ទួត ស្រុកជាំក្សាន្ត ខេត្តព្រះវិហារ បាននាំគ្នាកាន់បដាពាក្យស្លោកនិងរូបថតសម្តេចតេជោ ព្រមទាំងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន កាលពីព្រឹកថ្ងៃទី៥ មករា ២០១២ នៅមុខវត្តបទុមវត្តី ស្ថិតក្នុងសង្កាត់ចតុមុខ ខណ្ឌដូនពេញ ដើម្បីសុំឱ្យសម្តេចតេជោជួយអន្តរាគមន៍ធ្វើយ៉ាងណាឱ្យពួកគាត់បានរស់នៅលើទីតាំងចាស់។
យោងតាមញាត្តិរបស់ប្រជាពលរដ្ឋដែលដាក់ជូនខុទ្ទកាល័យសម្តេចតេជោហ៊ុន សែនបានរៀបរាប់ថា កាលពីថ្ងៃទី៣០ ធ្នូ ២០១១ វេលាម៉ោង៨ព្រឹកលោក ស ថាវី អភិបាលរងខេត្តព្រះវិហារ លោកយ៉ាក វណ្ណលុច្ស មេបញ្ជាការរងកងពលធំអន្តរាគមន៍លេខ៣ បានដឹកនាំកម្លាំងទ័ពប្រដាប់ដោយអាវុធប្រហែលជា៤០០នាក់ មករុះរើ និងបំផ្លិចបំផ្លាញផ្ទះផ្សារ សាលារៀន វត្តអារាម ដោយប្រើគ្រឿងចក្រឈូសឆាយផលដំណាំខ្ទេចខ្ទីចោលអស់មិនការអនុគ្រោះ ដល់ប្រជាពលរដ្ឋឡើយ។
ភូមិស្វាយជ្រុំ នេះគឺជាភូមិចាស់តាំងពីជំនាន់ដើមដែលមានចម្ងាយ១៣គីឡូម៉ែត្រពីភ្នំប្រាសាទព្រះវិហារ ដោយមានកត់ត្រាទុកក្នុងផែនទីនៃព្រះរាជាណាចក្រកម្ពុជា ហើយនៅក្នុងឆ្នាំ២០០០ លោកព្រាប តាន់ និងលោកជា សុផារ៉ា ដែលផ្តើមអភិវឌ្ឍន៍ប្រាសាទព្រះវិហារគាត់ក៏អំពាវនាវឲ្យប្រជាពលរដ្ឋណាដែលស្ម័គ្រចិត្តចូលមករស់នៅភូមិនេះឡើងវិញរួចបានសន្យាទំនុកបំរុងស្បៀងអាហារឲ្យរយៈពេល៥ឆ្នាំ និងបង្កើតសាលារៀនវត្តអារាមស្រះទឹក ហើយជំរុញឲ្យប្រជាពលរដ្ឋខិតខំបង្កបង្កើនផលលើកស្ទួយជីវភាពគ្រួសារប្រចាំថ្ងៃទៀតផង។
ការរស់នៅចំណុចខាងលើរបស់ប្រជាពលរដ្ឋដោយមានការអនុញ្ញាត និងទទួលស្គាល់ពីព្រះរាជក្រឹត្យ ន.ស.រ.ក.ត លេខ០៤០៦, អនុក្រឹត្យ អ.ន.ក្រ.បក លេខ១១៨, ដីកាលេខ៣២ ដ.ក របស់សាលាខេត្តព្រះវិហារ និងលិខិតទីស្តីការគណៈរដ្ឋមន្រ្តីលេខ៥៩០ស.ជ.ណ ដែលបាននិយាយយា៉ងច្បាស់ឲ្យប្រជាពលរដ្ឋរស់នៅផ្សារជើងប្រាសាទនិងភូមិគ១ មករស់នៅក្នុងភូមិធម្មជាតិ ដោយឡែកវត្តគ១ ត្រូវរុះរើមកសាងសង់រួមគ្នាជាមួយវត្តស្វាយជ្រុំ ពីព្រោះវត្តស្វាយជ្រុំនេះជាទីតាំងភូមិចាស់ ហើយសម្តេចតេជោ និងលោកជំទាវបានឧបត្តម្ថថវិកាចំនួន៣០០លានរៀលទៀតផង៕
ប៊ុនរី
ចែករំលែកព័តមាននេះ