ខេត្តប៉ៃលិន ៖ យុវនារីឈ្មោះឡុច ស្រីមាន អាយុ១៩ឆ្នាំជាកសិករ រស់នៅក្នុងភូមិតាង៉ែនលើ សង្កាត់ប៉ៃលិន ក្រុងប៉ៃលិន បានស្លាក់ខ្យល់និងទាញសរសៃដៃ-ជើងស្ទើរសន្លប់ បន្ទាប់ពីកោសខ្យល់រួចរយៈពេល១ម៉ោងក៏ទៅងូតទឹក ។ បន្ទាប់ពីងូតទឹករួចមួយស្របក់ស្រាប់តែនាងត្រជាក់ដៃជើង និងថប់ដង្ហើម ដកស្ទើរតែមិនដល់គ្នា រីឯម្រាមដៃជើងទាំងអស់ទៅជាខ្វេដូចជាក្តាម
ខេត្តប៉ៃលិន ៖ យុវនារីឈ្មោះឡុច ស្រីមាន អាយុ១៩ឆ្នាំជាកសិករ រស់នៅក្នុងភូមិតាង៉ែនលើ សង្កាត់ប៉ៃលិន ក្រុងប៉ៃលិន បានស្លាក់ខ្យល់និងទាញសរសៃដៃ-ជើងស្ទើរសន្លប់ បន្ទាប់ពីកោសខ្យល់រួចរយៈពេល១ម៉ោងក៏ទៅងូតទឹក ។ បន្ទាប់ពីងូតទឹករួចមួយស្របក់ស្រាប់តែនាងត្រជាក់ដៃជើង និងថប់ដង្ហើម ដកស្ទើរតែមិនដល់គ្នា រីឯម្រាមដៃជើងទាំងអស់ទៅជាខ្វេដូចជាក្តាមចាប់កាច់ទាញមិនមក។
ដោយភ័យស្លន់ស្លោនាងស្រីមានបានស្រែកហៅបងស្រីរបស់ខ្លួនឈ្មោះឡុច ណយ អាយុ២៣ឆ្នាំមកជួយ។ បងស្រីរូបនេះប្រញាប់រត់ទៅរកថ្នាំខ្មែរបុរាណយកបុកឱ្យនាងស្រីមានផឹក ព្រោះឮគេប្រាប់ថា កាលណាកើតខ្យល់ចាប់យកទៅមន្ទីរពេទ្យ គេនឹងព្យួរសេរ៉ូមអាចធ្វើឱ្យទៅជាស្ទះខ្យល់មានគ្រោះថ្នាក់ដល់ជីវិត។ បន្ទាប់ពីផឹកថ្នាំខ្មែរហើយកាន់តែធ្ងន់ធ្ងរជាងមុន ទើបបងប្អូនសម្រេចដឹកនាងឡុច ស្រីមាន ទៅព្យាបាលនៅមន្ទីរពេទ្យបង្អែកខេត្ត។ ហេតុការណ៍នេះកើតឡើងកាលពីវេលាម៉ោង១០និង៣០នាទីព្រឹក ថ្ងៃទី៤ ធ្នូ ។
នាងឡុច ស្រីមាន និយាយថា នៅពេលព្រឹកនាងវិលមុខ រងាព្រឺខ្លួន ចុកពោះ តឹងទ្រូងចង់ដាច់ខ្យល់ក៏ស្រែកហៅបងស្រីឈ្មោះឡុច ស្រីណាវ ឱ្យជួយកោសខ្យល់ឱ្យ។ បន្ទាប់ពីកោសខ្យល់បានប្រហែល១ម៉ោង ដោយមើលទៅហាក់ដូចជាស្រឡះខ្លួន នាងក៏ងូតទឹកដោយគិតថា ងូតទឹករួចអាចធូរស្រាលជាងមុន។ ផ្ទុយទៅវិញបន្ទាប់ពីងូតទឹករួចមួយស្របក់ស្រាប់តែទៅជាត្រជាក់ដៃត្រជាក់ជើង ចំណែកឯម្រាមដៃជើងទាញខ្វេរចូលគ្នា។
ប្រភពដដែលបន្តទៀតថា ដល់មន្ទីរពេទ្យ គ្រូពេទ្យក៏ដាក់សេរ៉ូមឱ្យរហូតបានធូរស្រាលជាងមុន។ លោកគ្រូពេទ្យប្រាប់នាងថា ក្រោយពេលកោសខ្យល់រួចភ្លាមមិនអាចងូតទឹកបានទេ យ៉ាងហោចណាស់ក៏កន្លះថ្ងៃទៅ១ថ្ងៃដែរទើបអាចងូតទឹកបាន៕
ចែករំលែកព័តមាននេះ