តម្លៃប្រេងឆៅបានកើនឡើងនៅក្នុងទ្វីបអាស៊ីក្នុងថ្ងៃចន្ទទី២៨ វិច្ឆិកា ក្រោយពេលមានដំណឹងថា IMF និងផ្តល់ប្រាក់ជួយដល់ប្រទេសអ៊ីតាលី ព្រោះបងធំក្នុងទ្វីបអឺរ៉ុបបារាំង និងអាល្លឺម៉ង់បានរុករកវិធានការយ៉ាងម៉ឺងមាត់បន្ថែមទៀត ដើម្បីជួយប្រទេសប្រើប្រាក់អឺរ៉ូ។ តម្លៃប្រេងឆៅក្នុងទីផ្សារទីក្រុងញូវយ៉ក បានកើនឡើង១,៦៣ដុល្លារ ឬស្មើ៩៨,៤០ដុល្លារក្នុងមួយបារ៉ែល។
ព័ត៌មានដែលIMF និងចំណាយប្រាក់ចំនួន៦០០ពាន់លានអឺរ៉ូឬ ៨០០ពាន់លានដុល្លារ សម្រាប់ជួយប្រទេសអ៊ីតាលី អាចជាយន្តការមួយដែលជួយរុញច្រានតម្លៃប្រេងឲ្យកើនឡើងបែបនេះ។ នេះបើតាមសម្តីរបស់លោក Ker Chung Yang អ្នកវិភាគទំនិញនៃក្រុមហ៊ុន Phillip ក្នុងប្រទេសសឹង្ហបុរី។ សារព័ត៌មានសិង្ហបុរី La Stampa ចេញផ្សាយនៅថ្ងៃអាទិត្យថា IMF និងសម្រេចចំណាយប្រាក់ជួយដល់លោកនាយករដ្ឋមន្ត្រី Mario Monti សម្រាប់ប្រើប្រាស់ក្នុងរយៈពេលពី១២ ទៅ១៨ខែ លើប្រតិបត្តិការនៃការកាត់
បន្ថយថរិកាជាបន្ទាន់ និងកំណែទំរង់ពន្លឿនការរីកចំរើនសេដ្ឋកិច្ច ក្នុងប្រទេសដែលមានប្រាក់បំណុលរុំកោះមួយនេះ។
ប្រេងក៏ចេញប្រតិកម្មថ្មីចំពោះព័ត៌មានដែរថា ប្រទេសអាល្លឺម៉ង់ និងបារាំង មានពេលដល់ចុងសប្តាហ៍ដើម្បីស្វែងរកផ្លូវចូលធ្វើអន្តរាគមន៍លើវិស័យហិរញ្ញវត្ថុកាន់តែធ្លាក់ជ្រៅនៅជុំវិញប្រទេសប្រើប្រាស់ប្រាក់អឺរ៉ូ ដើម្បីទប់ទល់ និងវិបត្តិប្រាក់បំណុល។ លោកKer បន្តថា ខ្ញុំគិតថា យើងអាចមើលឃើញថា តម្លែប្រេងបានកើនឡើងដោយសារមានសុទិដ្ឋិនិយម បន្ទាប់ពីប្រទេសអាល្លឺម៉ង់ និងបារាំងពិភាក្សាពីវិធានការម៉ត់ចត់បន្ថែមទៀត ដើម្បីរកដំណោះស្រាយចំពោះវិបត្តិប្រាក់បំណុលតំបន់ចាយប្រាក់អឺរ៉ូ។
តាមប្រភពចេញពីសហភាពអឺរ៉ុបថា បងធំទាំងពីរក្នុងទ្វីបអឺរ៉ុបបានពិភាក្សានៅថ្ងៃអាទិត្យ ពីចំណាច់ការរឹតបណ្តឹងការគ្រប់គ្រងថវិកានៃប្រជាជាតិក្នុងតំបន់ចាយប្រាក់អឺរ៉ូ តាមរយៈកិច្ចព្រមព្រៀងតំបន់ឬកតិកាសញ្ញាផ្សេងដាច់ដោយឡែកពីសន្ធិសញ្ញាសហភាពអឺរ៉ុប ៕
ចែករំលែកព័តមាននេះ