ខេត្តស្ទឹងត្រែង ៖ រថយន្តសាំងយ៉ុងដឹកឈើប្រណីតមួយគ្រឿងត្រូវបានមន្ត្រីរដ្ឋបាល ព្រៃឈើសង្កាត់អូរពងមាន់ រួមជាមួយមន្ត្រីរដ្ឋបាលព្រៃឈើផ្នែកស្ទឹងត្រែង រួមជាមួយនគរបាលប្រឆាំងបទល្មើសសេដ្ឋកិច្ចក្រសួងឃាត់បាន ខណៈដឹកឈើប្រណីតចេញពីស្រុកសេសាន មកពីទីរួមខេត្តបន្តទៅភ្នំពេញ ។
ខេត្តស្ទឹងត្រែង ៖ រថយន្តសាំងយ៉ុងដឹកឈើប្រណីតមួយគ្រឿងត្រូវបានមន្ត្រីរដ្ឋបាលព្រៃឈើសង្កាត់អូរពងមាន់ រួមជាមួយមន្ត្រីរដ្ឋបាលព្រៃឈើផ្នែកស្ទឹងត្រែង រួមជាមួយនគរបាលប្រឆាំងបទល្មើសសេដ្ឋកិច្ចក្រសួងឃាត់បាន ខណៈដឹកឈើប្រណីតចេញពីស្រុកសេសាន មកពីទីរួមខេត្តបន្តទៅភ្នំពេញ ។
ក្នុងការបង្ក្រាបនេះអ្នកកាសែតកោះសន្តិភាពបានចុះយកព័ត៌មានដល់កន្លែងកើតហេតុ ស្រាប់តែត្រូវបុគ្គលម្នាក់ស្លៀកពាក់ស៊ីវិល សមត្ថកិច្ចមិនចំជាសមត្ថកិច្ចមករារាំង មិនឱ្យថត និងយកព័ត៌មាន និងប្រើសម្តីអសុរោះប្រមាថក្តាប់ដៃខាំធ្មេញចូលវាយអ្នកកាសែតក្នុងសភាពស្រវឹងស្រាអួទីនួធុំក្លិនឱ្យហួង តែត្រូវបានលោកអ៊ីវ ចិន្តា អធិការរងក្រុងចាប់ឃាត់ចេញទាន់ ហើយខ្សឹបប្រាប់ឱ្យឡើងរថយន្ត ព្រោះខ្មាសប្រជាពលរដ្ឋជាច្រើនដែលកំពុងឈរមើល និងរិះគន់ ។ ប្រជាពលរដ្ឋដែលឈរមើលហេតុការណ៍នោះរិះគន់ថាទង្វើរបស់ជននោះគ្មានសុជីវធម៌មិនស័ក្តិសមជាមន្ត្រីនគរបាលជាតិ និងជាគំរូណែនាំច្បាប់ល្អដល់ប្រជាពលរដ្ឋឡើយ ខណៈគោលនយោបាយភូមិ-ឃុំមានសុវត្តិភាពត្រូវពង្រឹង បែរជាមានបុគ្គលនគរបាលប្រមឹកដូចខាងលើរករឿងអ្នកកាសែតទៅវិញ ។
អ្នកចោមរោមមើលហេតុការណ៍បានស្គាល់ជនស្រវឹងនេះឈ្មោះសំរិទ្ធ ដារ៉ា ជាមន្ត្រីនគរបាលមានតែឈ្មោះមិនទាន់ប្រកាសតួនាទីមុខតំណែងអ្វីនៅឡើយទេ គឺមកធ្វើការក្នុងខេត្តស្ទឹងត្រែងនេះ មុនពេលប្រកាសតួនាទី ។ ជននេះមកតាមខ្សែរយៈ ព្រោះ ខ្លួនជាកូនប្រសារបស់លោករាជ សុខុន ស្នងការនគរបាលខេត្ត ទើបមានអំណាចខ្លាំងបែបនេះ ។ ហេតុការណ៍រកវាយអ្នកកាសែតនេះបានកើតឡើងនៅវេលាម៉ោង១០និង២៥នាទីយប់ ថ្ងៃទី២៥ វិច្ឆិកា ២០១១ ក្នុងចំណុចផ្លូវទួលគ្រោះ ភូមិព្រែក សង្កាត់ស្ទឹងត្រែង។
មន្ត្រីរដ្ឋបាលព្រៃឈើ និងមន្ត្រីនគរបាលប្រឆាំងបទល្មើសសេដ្ឋកិច្ចក្រសួងបានឲ្យដឹងនៅកន្លែងកើតហេតុថា ដោយមានការសង្ស័យលើរថយន្តសាំងយ៉ុងចំណុះ១២កៅអីពណ៌ស ដែលមើលទៅខុសប្រក្រតី លោកក៏ដេញតាមពីក្រោយ រហូតបើករត់ចូលផ្ទះប្រជាពលរដ្ឋចំណុចកើតហេតុខាងលើទើបចាប់បាន តែអ្នកបើកបរចុះរត់ចោលរថយន្ត។
ក្រោយឃាត់ចាប់នេះកម្លាំងយើងបានត្រួតពិនិត្យឃើញឈើប្រណីតប្រភេទធ្នង់ប្រហែលជាង១០ដុំ ប៉ុន្តែមិនទាន់រាប់ និងវាសវែងចប់សព្វគ្រប់នៅឡើយទេ ព្រោះជាថ្ងៃសៅរ៍ និងអាទិត្យមន្ត្រីបច្ចេកទេសឈប់សម្រាក គឺត្រូវរង់ចាំដល់ថ្ងៃច័ន្ទ ទើបបន្តធ្វើកំណត់ហេតុទៀត។ បច្ចុប្បន្នរថយន្ត និងរត្ថុតាងត្រូវបានរក្សាទុកក្នុងខណ្ឌរដ្ឋបាលព្រៃឈើខេត្ត៕
ចែករំលែកព័តមាននេះ