ទីភ្នាក់ងារព័ត៌មានបរទេសបានចុះផ្សាយកាលពីថ្ងៃទី២២ វិច្ឆិកា ថា នាងអាលីស ប្រ៊េតឡេ ជាអ្នកស្រុកនៅរដ្ឋយូតា សហរដ្ឋអាមេរិក បានប្រកាសលក់ប្តីដែលគិតតែពីលេងហ្គេមនៅតាមវ៉េបសាយ ។ កាលពីមុននេះ ម្តាយរបស់នាងអាលីស បានគំរាមថា នឹងលក់ប្តីរបស់កូនស្រីតាមរយៈវ៉េបសាយ ឬអ៊ីនធើរណេត ប៉ុន្តែក្នុងដំណាក់កាលចុងក្រោយ
ទីភ្នាក់ងារព័ត៌មានបរទេសបានចុះផ្សាយកាលពីថ្ងៃទី២២ វិច្ឆិកា ថា នាងអាលីស ប្រ៊េតឡេ ជាអ្នកស្រុកនៅរដ្ឋយូតា សហរដ្ឋអាមេរិក បានប្រកាសលក់ប្តីដែលគិតតែពីលេងហ្គេមនៅតាមវ៉េបសាយ ។ កាលពីមុននេះ ម្តាយរបស់នាងអាលីស បានគំរាមថា នឹងលក់ប្តីរបស់កូនស្រីតាមរយៈវ៉េបសាយ ឬអ៊ីនធើរណេត ប៉ុន្តែក្នុងដំណាក់កាលចុងក្រោយនេះ នាងអាលីសក៏បានអនុវត្តតាមការគំរាមរបស់ម្តាយខ្លួន ។
របាយការណ៍បញ្ជាក់ឱ្យដឹងថា នៅក្នុងការប្រកាសឃោសនាលក់របស់ស្ត្រីខាងលើបញ្ជាក់ថា នាងត្រូវការលក់ប្តីអាយុ២០ឆ្នាំ ដែលមួយថ្ងៃៗគិតតែពីលេងវីដេអូអូហ្គេម ។ បុរសម្នាក់នេះងាយស្រួលចិញ្ចឹមគ្រាន់តែផ្តល់អាហារ និងទឹកនៅរៀងរាល់ពី៣-៥ម៉ោងប៉ុណ្ណោះ។ ចំពោះអ្នកមានតម្រូវការចង់ទិញត្រូវមានលំនៅឋានភ្ជាប់ប្រព័ន្ធអ៊ីនធើរណេត និងមានទីធ្លាសម្រាប់លេងហ្គេម ។
ទោះបីជាយ៉ាងណាក៏ដោយ នាងអាលីស បញ្ជាក់ប្រាប់ថា ការឃោសនាផ្សព្វផ្សាយលក់ខាងលើ មានលក្ខណៈជាការលេងសើច ប៉ុន្តែលទ្ធផលបង្ហាញថា ទទួលការយល់ព្រមពីសំណាក់អតិថិជនជាច្រើននាក់ រួមទាំងមានអ្នកបង្ហាញពីក្តីបារម្ភចំពោះសម្ព័ន្ធភាពរបស់នាង និងប្តីផងដែរ ។ ស្ត្រីខាងលើបានបង្ហើបឱ្យដឹងថា នាងស្រឡាញ់ប្តី រីឯប្តីក៏ស្រឡាញ់នាងវិញដែរ។ នាងគិតថា មិនមានមនុស្សឆ្លើយតបចំពោះការឃោសនាលក់ប្តីរបស់នាងឡើយ ប៉ុន្តែហេតុការណ៍បង្ហាញថា មានអ្នកចំណាប់អារម្មណ៍យ៉ាងច្រើនកុះករ ៕
ចែករំលែកព័តមាននេះ