សាលដីការបស់អង្គជំនុំជម្រះតុលាការកំពូលលើសំណុំរឿងលេខ ០០១/១៨-០៧-២០០៧-អ.វ.ត.ក/អ.ជ.ត.ក ទាក់ទិននឹងជនជាប់ចោទកាំង ហ្កេកអ៊ាវ ហៅ «ឌុច» នឹងត្រូវប្រកាសនៅថ្ងៃសុក្រ ទី៣ កុម្ភៈ ឆ្នាំ២០១២ខាងមុខ នៅវេលាម៉ោង១០ព្រឹក (ម៉ោងក្នុងស្រុក) នៅក្នុងបន្ទប់សវនាការនៃអង្គជំនុំជម្រះវិសាមញ្ញក្នុងតុលាការ កម្ពុជា (អ.វ.ត.ក)។ នេះបើយោងតាមការប្រកាសរបស់សាលាក្តីថ្ងៃទី១៧ វិច្ឆិកា ។
សាលដីការបស់អង្គជំនុំជម្រះតុលាការកំពូលលើសំណុំរឿងលេខ ០០១/១៨-០៧-២០០៧-អ.វ.ត.ក/អ.ជ.ត.ក ទាក់ទិននឹងជនជាប់ចោទកាំង ហ្កេកអ៊ាវ ហៅ «ឌុច» នឹងត្រូវប្រកាសនៅថ្ងៃសុក្រ ទី៣ កុម្ភៈ ឆ្នាំ២០១២ខាងមុខ នៅវេលាម៉ោង១០ព្រឹក (ម៉ោងក្នុងស្រុក) នៅក្នុងបន្ទប់សវនាការនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ នេះបើយោងតាមការប្រកាសរបស់សាលាក្តីថ្ងៃទី១៧ វិច្ឆិកា ។
នៅថ្ងៃទី២៦ កក្កដា ឆ្នាំ២០១០ អង្គជំនុំជម្រះសាលាដំបូងបានសម្រេចដាក់ពិរុទ្ធភាពលើជនជាប់ចោទរូបនេះពីបទឧក្រិដ្ឋប្រឆាំងមនុស្សជាតិ និងបទបំពារបំពានយ៉ាងធ្ងន់ធ្ងរលើអនុសញ្ញាទីក្រុងហ្សឺណែវឆ្នាំ១៩៤៩ ។ អង្គជំនុំជម្រះសាលាដំបូងបានផ្តន្ទាទោសដាក់ពន្ធនាគារឌុចចំនួន៣៥ឆ្នាំនិងបានផ្តល់សំណងពីរប្រភេទដល់ដើមបណ្តឹងរដ្ឋប្បវេណី ។
ជនជាប់ចោទសហព្រះរាជអាជ្ញា និងភាគីដើមបណ្តឹងរដ្ឋប្បវេណីក្រុម១ ក្រុម២ និងក្រុម៣ បានប្តឹងសាទុក្ខប្រឆាំងសាលក្រមរបស់អង្គ ជំនុំជម្រះសាលាដំបូង ។ សារណាបណ្តឹងសាទុក្ខ ជាលាយលក្ខណ៍អក្សរត្រូវបានបញ្ចប់ត្រឹមថ្ងៃទី២៥ មីនា ឆ្នាំ២០១១ ហើយសវនាការលើបណ្តឹងសាទុក្ខត្រូវបានធ្វើឡើងពីថ្ងៃទី២៨ ដល់ថ្ងៃទី៣០ មីនា ឆ្នាំ២០១១ ។ អង្គជំនុំជម្រះតុលាការកំពូលបានទទួលយកឯកសារភ័ស្តុតាងសរុបចំនួន២៦ បន្ថែមទៀត ពីសំណាក់ជនជាប់ចោទ និងក្រុម ដើមបណ្តឹងរដ្ឋប្បវេណីអនុលោមតាមវិធាន ១០៨ (៧) នៃវិធានការផ្ទៃក្នុង ។ មានសាធារណជនចំនួនជាង២.៩០០នាក់បានតាមដានកិច្ចដំណើរការនីតិវិធីនៃបណ្តឹងសាទុក្ខនេះនៅក្នុងបន្ទប់សវនារការ ។ ព័ត៌មានបន្ថែមទាក់ទងនឹងសវនាការនឹងជូនដំណឹងនៅពេលក្រោយ ៕
ចែករំលែកព័តមាននេះ