ក្រសួងពាណិជ្ជកម្មអាមេរិករាយការណ៍កាលពីថ្ងៃទី១៧ តុលា ថា កំណើនសេដ្ឋកិច្ចអាមេរិក បានឡើង២,៥% ក្នុងត្រីមាស ទី៣នៃឆ្នាំ២០១១ នេះ ។ អត្រាកំណើនៃផលទុនជាតិសរុបពិតប្រាកដពីខែមិថុនា ដល់ខែកញ្ញា គឺល្អប្រសើរប្រចាំត្រីមាសចាប់តាំងពីដើមឆ្នាំមក
ក្រសួងពាណិជ្ជកម្មអាមេរិករាយការណ៍កាលពីថ្ងៃទី១៧ តុលា ថា កំណើនសេដ្ឋកិច្ចអាមេរិក បានឡើង២,៥% ក្នុងត្រីមាស ទី៣នៃឆ្នាំ២០១១ នេះ ។ អត្រាកំណើនៃផលទុនជាតិសរុបពិតប្រាកដពីខែមិថុនា ដល់ខែកញ្ញា គឺល្អប្រសើរប្រចាំត្រីមាសចាប់តាំងពីដើមឆ្នាំមក ដែលនោះជាការធូរស្រាលមួយសម្រាប់មហាអំណាចសេដ្ឋកិច្ចពិភពលោកធំជាងគេបំផុតនេះ ខណៈពេលដែលប្រទេសស្ទើរតែប្រកាសពីការបាក់ស្រុតចុះនៃសេដ្ឋកិច្ចមួយនាត្រីមាសទីមួយនៃឆ្នាំនេះ ។
កំណើនសេដ្ឋកិច្ចអាមេរិកកត់សម្គាល់ឃើញក្នុងត្រីមាសទី២ មាន១,៣% ។ កំណើននៃការទិញរបស់ប្រើប្រាស់ជាបុគ្គល និងវិនិយោគរបស់បណ្តាសហគ្រាសបានរួមចំណែកដល់កំណើនសេដ្ឋកិច្ចក្នុងត្រីមាសទី៣ ។ ការចំណាយលើការទិញរបស់របរប្រើប្រាស់ជាបុគ្គលមានការកើនឡើង២,៤% នៅត្រីមាសទី៣បើប្រៀបធៀបទៅនឹងកំណើនត្រឹម០,៧% ក្នុងត្រីមាសទី២ ។
ការវិនិយោគពិតប្រាកដបានកើនឡើង១៦,៣% ក្នុងត្រីមាស ទី៣ បើប្រៀបធៀបនឹងការកើនត្រឹម១០,៣% ក្នុងត្រីមាសទី២។ ការនាំចេញក៏មានការកើនឡើងដែរ ។ ក៏ប៉ុន្តែពួកអ្នកសេដ្ឋកិច្ចនិយាយថា កំណើនខ្លាំងបំផុតនៅពុំទាន់មាននៅឡើយទេ សម្រាប់កាត់បន្ថយយ៉ាងច្រើននូវអត្រាអ្នកឥតការងារធ្វើដែលមានខ្ពស់នាពេលបច្ចុប្បន្ននេះដល់៩,១% ៕
ចែករំលែកព័តមាននេះ