ក្រុងប៉ោយប៉ែត ៖យុវជនម្នាក់បានក្លាយជាអ្នកទោសស្នេហាទាំងវ័យក្មេងត្រូវបានកម្លាំងប៉េអឹមក្រុងប៉ោយប៉ែត ឃាត់ខ្លួនកាលពីវេលាម៉ោង៦ល្ងាច ថ្ងៃទី៦ តុលា នៅភូមិរស្មីសាមគ្គី សង្កាត់និមិត្ត ក្រុងប៉ោយប៉ែត ពីបទរួមភេទជាមួយអនីតិជនវ័យក្រោម១៥ឆ្នាំ បន្ទាប់ពីគូស្នេហ៍ទាំងពីរនាក់ស្គាល់គ្នាតាមរយៈទូរស័ព្ទ តែពុំដែលស្គាល់មុខគ្នាទេ ទើបតួប្រុសទៅរកតួស្រីដល់ខេត្តបាត់ដំបង ហើយលួងនាងមកដល់ផ្ទះ ឯខេត្តបន្ទាយមានជ័យ នៅជាមួយគ្នាបានត្រឹម២រាត្រី ខាងស្រីត្រឡប់ទៅវិញក៏បែកការណ៍ដឹងដល់ម្តាយនាង និងប្តឹងឱ្យប៉េអឹមឃាត់ខ្លួនតែម្តង។
អ្នកទោសសេ្នហាដែលម្តាយតួស្រីប្តឹងឱ្យប៉េអឹមចាប់ខ្លួន ពេលនេះឈ្មោះជួប សុផាត អាយុ២០ឆ្នាំ មានទីលំនៅភូមិរស្មីសាមគ្គី សង្កាត់និមិត្ត ក្រុងប៉ោយប៉ែត។ ចំណែកតួស្រី ត្រូវបានអះអាងថា មានអាយុ១៣ឆ្នាំ មានទីលំនៅ ស្រុកឯកភ្នំ ខេត្តបាត់ដំបង។
មន្ត្រីប៉េអឹមក្រុងបានប្រាប់ថា យោងតាមពាក្យបណ្តឹងពីម្តាយភាគីខាងស្រីបានមកពីខេត្តបាត់ដំបងដាក់ពាក្យបណ្តឹងនៅព្រឹកថ្ងៃទី៦ តុលា ដោយចោទថា យុវជនខាងលើបាននាំកូនរបស់គាត់មករួមភេទទាំងមិនទាន់គ្រប់អាយុ នៅជាអនីតិជន។ តាមពាក្យបណ្តឹងរបស់ស្ត្រីជាម្តាយប្រាប់ថា កូនរបស់គាត់បានបាត់ពីផ្ទះតាំងពីថ្ងៃទី២៩ កញ្ញា រហូតដល់ថ្ងៃទី៥ តុលា ទើបឃើញត្រឡប់ទៅផ្ទះវិញ។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព៕
ចែករំលែកព័តមាននេះ