ខេត្តក្រចេះ ៖ រយៈពេលមួយថ្ងៃ នាយផ្នែករដ្ឋបាលព្រៃឈើក្រចេះ បានធ្វើការបង្ក្រាបបទល្មើសព្រៃឈើ និងដកហូតបានឈើប្រណីត ឈើអារបានចំនួនជាង៨ម៉ែត្រគូប និងសាច់សត្វព្រៃជាង១០គីឡូក្រាម នៅតាមផ្លូវជាតិលេខ៧ និងក្នុងព្រៃនៃបណ្តាស្រុកចំនួន២ ក្នុងដែនសមត្ថកិច្ចព្រៃឈើក្រចេះ។
ខេត្តក្រចេះ ៖ រយៈពេលមួយថ្ងៃ នាយផ្នែករដ្ឋបាលព្រៃឈើក្រចេះ បានធ្វើការបង្ក្រាបបទល្មើសព្រៃឈើ និងដកហូតបានឈើប្រណីត ឈើអារបានចំនួនជាង៨ម៉ែត្រគូប និងសាច់សត្វព្រៃជាង១០គីឡូក្រាម នៅតាមផ្លូវជាតិលេខ៧ និងក្នុងព្រៃនៃបណ្តាស្រុកចំនួន២ ក្នុងដែនសមត្ថកិច្ចព្រៃឈើក្រចេះ។
មន្ត្រីរដ្ឋបាលព្រៃឈើក្រចេះ បាននិយាយឱ្យដឹងថា ពេញមួយថ្ងៃទី៦ តុលា យុទ្ធនាការរបស់មន្ត្រីជំនាញសហការជាមួយនឹងកងកម្លាំងប្រដាប់អាវុធប៉ូលិស និងយោធា បានចុះបង្ក្រាបបទ ល្មើសព្រៃឈើគ្រប់ច្រកល្ហកទូទាំងខេត្ត និងនៅលើផ្លូវជាតិលេខ៧ ស្រុកសំបូរ និងស្រុកចិត្របុរី ។ ក្នុងនោះដែរ ក៏ចាប់ឃាត់បានឈើប្រណីត និងឈើអារមានចំនួនជាង៨ម៉ែត្រគូប ជាមួយនឹងរថយន្តដឹកឈើម៉ាកទួរីស១គ្រឿង និងម៉ូតូដឹកសាច់សត្វព្រៃ១គ្រឿង ឆែកឆេររកឃើញសាច់សត្វឈ្លូសស្រស់ចំនួន១១គីឡូក្រាម។
លោកព្រាប សុធារ៉ា នាយផ្នែករដ្ឋបាលព្រៃឈើក្រចេះ ឱ្យដឹងនៅព្រឹកថ្ងៃទី៧ តុលា នេះ ថា សព្វថ្ងៃនេះ ទោះបីជាក្រុមឈ្មួញលួចធ្វើសកម្មភាពដឹកជញ្ជូនឈើ ដោយបានប្រើប្រាស់រូបភាពគ្រប់ប្រភេទដើម្បីបន្លំភ្នែកសមត្ថកិច្ចយ៉ាងណាក៏ដោយ ក៏កម្លាំងមន្ត្រីជំនាញបានសហការជាមួយកងកម្លាំងប្រដាប់អាវុធគ្រប់លំដាប់ថ្នាក់ គឺនៅតែ ខិតខំធ្វើការស្រាវជ្រាវប្រមូលបានព័ត៌មាន និងចាប់រឹបអូសបានជាបន្តបន្ទាប់ផងដែរ។
ទោះបីជាយ៉ាងណា សមត្ថកិច្ចមិនបានបញ្ជាក់ប្រាប់អំពីអត្តសញ្ញាណរបស់ម្ចាស់ឈើខាងលើនៅឡើយទេ ៕
ចែករំលែកព័តមាននេះ