ទីភ្នាក់ងារព័ត៌មានតឿយជែរបស់វៀតណាមផ្សាយឱ្យដឹងថា ក្រុមបាល់ទាត់ជម្រើសជាតិវៀតណាមអាយុក្រោម២៣ឆ្នាំនឹងបានទទួលរង្វាន់លើកទឹកចិត្តចំនួន១លានដុល្លារ ប្រសិនបើពួកគេអាចដណ្តើមយកជើងឯកក្នុងការប្រកួតបាល់ទាត់ស៊ីហ្គេមលើកទី២៦ ដែលប្រទេសឥណ្ឌូណេស៊ីធ្វើជាម្ចាស់ផ្ទះ។
ទីភ្នាក់ងារព័ត៌មានតឿយជែរបស់វៀតណាមផ្សាយឱ្យដឹងថា ក្រុមបាល់ទាត់ជម្រើសជាតិវៀតណាមអាយុក្រោម២៣ឆ្នាំនឹងបានទទួលរង្វាន់លើកទឹកចិត្តចំនួន១លានដុល្លារ ប្រសិនបើពួកគេអាចដណ្តើមយកជើងឯកក្នុងការប្រកួតបាល់ទាត់ស៊ីហ្គេមលើកទី២៦ ដែលប្រទេសឥណ្ឌូណេស៊ីធ្វើជាម្ចាស់ផ្ទះ។
លោកវ៉ាង ដួនអេង រដ្ឋមន្ត្រីក្រសួងវប្បធម៌ កីឡា និងទេសចរណ៍បានទៅសួរសុខទុក្ខកីឡាករបាល់ទាត់ដែលកំពុងស្ថិតនៅជំរំហ្វឹកហ្វឺនក្នុងមជ្ឈមណ្ឌលហ្វឹកហ្វឺនរបស់ក្លឹបវ៉ាងអេង សាឡាយ ។ លោកវ៉ាន់ វៀនឌឹក ប្រធានក្លឹបវ៉ាងអេងសាឡាយបានសន្យាថា នឹងប្រគល់ប្រាក់រង្វាន់លើកទឹកចិត្តចំនួន៥០០.០០០ដុល្លារ ប្រសិនបើក្រុមជម្រើសជាតិបាល់ទាត់ដណ្តើមបានមេដាយមាសក្នុងការប្រកួតនៅក្រុងហ្សាការតាក្នុងខែវិច្ឆិកាខាងមុខ។
ចំណែកលោកឡេ ហុងដុង ប្រធានធនាគារសម្រាប់នាំចេញ និងនាំចូលក៏សន្យាថា នឹងប្រគល់ប្រាក់ចំនួន៥០០.០០០ដុល្លារដល់ក្រុមជម្រើសជាតិដែលឈ្នះក្នុងជុំផ្តាច់ព្រ័ត្រ។
សរុបការសន្យានោះគឺទឹកប្រាក់ នឹងមានចំនួន១លានដុល្លារជារង្វាន់ដ៏ខ្ពស់បំផុតសម្រាប់គាំទ្រក្រុមជម្រើសជាតិវៀតណាមក្នុងការប្រកួតស៊ីហ្គេមលើកទី២៦ នៅឥណ្ឌូណេសីុ ៕
ចែករំលែកព័តមាននេះ