រ៉យចូនដែលធ្លាប់មានប្រវត្តិមិនសុខចិត្តចំពោះលទ្ធផលប្រកួតរបស់ខ្លួនកាលពីព្រឹត្តិការណ៍អូឡាំពិកក្រុងសេអ៊ូលនាឆ្នាំ១៩៨៨បានរិះគន់ដោយឥតសំចៃមាត់ទៅលើគណៈកម្មាធិការរៀបចំការប្រកួតកីឡាប្រដាល់សាកលពិភពលោក(AIBA) ថា«ទ្វារប្រព្រឹត្តអំពើពុករលួយវាធំទូលាយពេក»។
រ៉យចូនដែលធ្លាប់មានប្រវត្តិមិនសុខចិត្តចំពោះលទ្ធផលប្រកួតរបស់ខ្លួនកាលពីព្រឹត្តិការណ៍អូឡាំពិកក្រុងសេអ៊ូលនាឆ្នាំ១៩៨៨បានរិះគន់ដោយឥតសំចៃមាត់ទៅលើគណៈកម្មាធិការរៀបចំការប្រកួតកីឡាប្រដាល់សាកលពិភពលោក(AIBA) ថា«ទ្វារប្រព្រឹត្តអំពើពុករលួយវាធំទូលាយពេក»។
រ៉យ ចូនដែលគេចាត់ទុកថាជាផ្ការីកគ្រប់រដូវសម្រាប់វិស័យកីឡាប្រដាល់បាននិយាយថា៖«ពួកគេបានធ្វើឲ្យប្រព័ន្ធដាក់ពិន្ទុរញ៉េរញ៉ៃនិងកាន់តែអាក្រក់ឡើងៗ។ នេះក៏ព្រោះតែប្រព័ន្ធឲ្យពិន្ទុនេះមិនអាចយកមកកាត់ក្តីការប្រកួតមួយឲ្យសុក្រឹតបានទេ។ មានតែមនុស្ស៣នាក់ព្រមព្រៀងគ្នាដាក់ពិន្ទុ។ វាមានចន្លោះប្រហោងច្រើន។ អ្វីដែលមនុស្សទាំងនេះនិយាយគឺថា «ខ្ញុំមើលមិនឃើញ»ឬក៏«ខ្ញុំមិនច្បាស់ដែរ»។
AIBAបានទទួលរងការចោទប្រកាន់ជាច្រើននៅប៉ុន្មានថ្ងៃមុនការរៀបចំការប្រកួតជ្រើសរើសជើងឯកពិភពលោកWorld Championshipsនៅក្រុងបាគូប្រទេសអាសែបៃហ្សង់។មានការអះអាងពីការទទួលយកប្រាក់សំណូកប្រមាណជា៩លានដុល្លារជាថ្នូរនឹងការផ្តល់ឱកាសឲ្យកីឡាករ២រូបរបស់ប្រទេសម្ចាស់ផ្ទះបានទៅចូលរួមអូឡាំពិកឆ្នាំក្រោយ។
ការចោទប្រកាន់ទាំងនេះត្រូវបានAIBAបដិសេធចោលនិងបាននិយាយថាជារឿងគួរឲ្យចង់សើច។ ថ្លែងប្រាប់គេហទំព័រBoxing Newsរ៉យ ចូនបញ្ជាក់ថា៖«បញ្ហារបស់ខ្ញុំគឺថា អ្នកបានប្រព្រឹត្តនូវអំពើចោរលួចមួយដែលបានថតជាប់កាសែតកាលពី២៣ឆ្នាំមុន ប៉ុន្តែអ្នកនៅមិនទាន់បានកែប្រែការសម្រេចចិត្តខុសនាពេលនោះទេ។ ដូច្នេះអ្នកមិនអាចនិយាយថា មិនប្រព្រឹត្តអំពើពុករលួយនោះទេ»។
រ៉យ ចូនបច្ចុប្បន្នមានអាយុ៤២ឆ្នាំ ធ្លាប់ប្រកួតបាន៦២លើក ឈ្នះ៥៤ចាញ់៨ ធ្លាប់ផ្តួលដៃគូឲ្យសន្លប់បានចំនួន៤០លើក។ ការប្រកួត៣លើកចុងក្រោយរបស់គេចាប់ពីឆ្នាំ២០០៩ គឺសុទ្ធតែចាញ់ទាំងអស់។ ការប្រកួតចុងក្រោយបង្អស់និងថ្មីបំផុតកាលពីថ្ងៃទី២១ឧសភានៅក្រុងមូស្គូប្រទេសរុស្ស៊ី គេចាញ់ដោយសន្លប់ក្នុងទឹកទី១០ក្រោមកណ្តាប់កីឡាកររុស្ស៊ីដេនីស ឡេបេដេវ៕
ចែករំលែកព័តមាននេះ