រាជធានីភ្នំពេញ ៖ បុរសជនជាតិចិនម្នាក់បានរងរបួសបាក់ជើងឆ្វេង និងរយះអណ្តាត ខណៈពេលដែលជិះម៉ូតូទៅបុកគូទរថយន្តដែលកំពុងតែឈប់ភ្លើងស្តុប បណ្តាលឱ្យដួល ។ គ្រោះថ្នាក់ចរាចរណ៍ជាយថាហេតុនេះ កើតឡើងកាលពីវេលាម៉ោង១២យប់ពាក់កណ្តាលអធ្រាត្រថ្ងៃទី២ តុលា នៅចំណុចភ្លើងស្តុបផ្សារអូរឫស្សី តាមបណ្តោយមហាវិថីព្រះមុនីវង្ស កែងផ្លូវលេខ១៨២
រាជធានីភ្នំពេញ ៖ បុរសជនជាតិចិនម្នាក់បានរងរបួសបាក់ជើងឆ្វេង និងរយះអណ្តាត ខណៈពេលដែលជិះម៉ូតូទៅបុកគូទរថយន្តដែលកំពុងតែឈប់ភ្លើងស្តុបបណ្តាលឱ្យដួល ។ គ្រោះថ្នាក់ចរាចរណ៍ជាយថាហេតុនេះ កើតឡើងកាលពីវេលាម៉ោង១២យប់ពាក់កណ្តាលអធ្រាត្រថ្ងៃទី២ តុលា នៅចំណុចភ្លើងស្តុបផ្សារអូរឫស្សី តាមបណ្តោយមហាវិថីព្រះមុនីវង្ស កែងផ្លូវលេខ១៨២ ក្នុងសង្កាត់អូរឫស្សីទី៤ ខណ្ឌ៧ មករា។
ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តម៉ាកកាមរីឆ្លាម ពណ៌ត្រីឆ្លូញ ពាក់ស្លាកលេខ ភ្នំពេញ 2F-7669 បើកបរដោយបុរសម្នាក់ តាមបណ្តោយមហាវិថីព្រះមុនីវង្ស ក្នុងទិសដៅពីជើងទៅត្បូង ដោយបានបើកពីមុខម៉ូតូម៉ាកហៃយ៉ាតេ១២៥ ពណ៌ខ្មៅ ពាក់ស្លាកលេខ ភ្នំពេញ 1P-5355 ខណៈមកដល់ភ្លើងស្តុបផ្សារអូរឫស្សី អ្នកបើកបរម៉ូតូទំនងជាស្រវឹងងោក ទើបបើកទៅបុកពីក្រោយគូទរថយន្តម៉ាកកាមរីឆ្លាម ដែលកំពុងតែឈប់ភ្លើងស្តុប បណ្តាលឱ្យដួលម៉ូតូ ហើយរងរបួសតែម្តង។
ប្រភពព័ត៌មានពីមន្ត្រីប៉ូលិសបានឱ្យដឹងថា ពាក់កណ្តាលយប់ទៅហើយ ភ្លើងស្តុបមានតែពណ៌លឿងនោះទេ តែមិនដឹងជាមូលហេតុអ្វី ទើបរថយន្តម៉ាកកាមរីឆ្លាមឈប់ឡើយ។ ចំណែកភាគីខាងម៉ូតូបើកបរដោយបុរសជនជាតិ ចិនម្នាក់អាយុប្រមាណជាង២៥ឆ្នាំ បន្ទាប់ពីបុករថយន្តពីក្រោយ ម៉ូតូបានដួល បណ្តាលឱ្យដាច់មុខ រយះអណ្តាត និងបាក់ជើងឆ្វេង បើទោះជាអ្នកបើកបរម៉ូតូនេះបានពាក់មួកសុវត្ថិភាពក៏ដោយ៕
ចែករំលែកព័តមាននេះ