មានយន្តហោះធុនតូចមួយគ្រឿងបានធ្លាក់ លើកន្ត្រកវិលក្នុងពេលមានកម្មវិធីបុណ្យក្នុងតំបន់ភាគខាងកើតនៃប្រទេសអូស្ត្រាលីកាលពីថ្ងៃសៅរិ៍ ទី១ តុលា និងបណ្តាលឲ្យយុវជនពីរនាក់ និងក្មេងពីរនាក់ជាប់នៅលើនោះ ប៉ុន្តែមិនបានបង្កឲ្យមានអ្នករងរបួសឡើយ។ អាជ្ញាធរតំបន់និយាយថា យន្តហោះធុនតូចប្រភេទ Cheetah S200
មានយន្តហោះធុនតូចមួយគ្រឿងបានធ្លាក់ លើកន្ត្រកវិលក្នុងពេលមានកម្មវិធីបុណ្យក្នុងតំបន់ភាគខាងកើតនៃប្រទេសអូស្ត្រាលីកាលពីថ្ងៃសៅរិ៍ ទី១ តុលា និងបណ្តាលឲ្យយុវជនពីរនាក់ និងក្មេងពីរនាក់ជាប់នៅលើនោះ ប៉ុន្តែមិនបានបង្កឲ្យមានអ្នករងរបួសឡើយ។
អាជ្ញាធរតំបន់និយាយថា យន្តហោះធុនតូចប្រភេទ Cheetah S200 បានធ្លាក់បុកជាប់នឹងកន្ត្រកក្បែរកំពូល នាពេលព្រឹកក្នុងពេលមានការប្រារព្ធពិធីបុណ្យប្រចាំឆ្នាំដែលមានរយៈ៣ថ្ងៃ នៅតំបន់ Old Bar ដែលមានចំងាយ២២០ម៉ាយល៍ពីទីក្រុងស៊ីដនី ប្រទេសអូស្ត្រាលី។ ហេតុការណ៍នោះធ្វើឲ្យជាប់ក្មេងពីរនាក់ ម្នាក់អាយុ៩ឆ្នាំ និងម្នាក់ទៀត១៣ឆ្នាំ ដែលកំពុងអង្គុយក្នុងកន្រ្តកវិល។ ពួកគេជាប់ នៅក្នុងកន្ត្រកប្រហែល៩០នាទី ទើបក្រុមអ្នកសង្គ្រោះជួយបាន។
ចំណែកមនុស្សពីរនាក់ផ្សេងទៀតដែលជាប់ ក្នុងយន្តហោះជាមួយកន្ត្រកវិលដែលមានកំពស់ ជាង៩ម៉ែត្រ ត្រូវបានអ្នកជួយសង្គ្រោះចូលជួយបានក្រោយ១៨០នាទី។
ក្មេងប្រុសម្នាក់ដែលជាប់ក្នុងកន្ត្រកបាននិយាយក្រោយពីសង្គ្រោះបានថា «ពេលដែលខ្ញុំបែរខ្នង ក៏ស្រាប់តែមានយន្តហោះធំមួយបើកតំរង់ពីក្រោយខ្ញុំ ធ្វើឱ្យខ្ញុំភ័យខ្លាចខ្លាំងណាស់»។ ចំណែកលោក Paul Cox វ័យ៥២ឆ្នាំ ដែលជាអ្នកបើកបរ និយាយថា គាត់មិនបានឃើញកន្ត្រកវិលមុនពេលយន្តហោះរបស់គាត់បុកនោះទេ ៕
ចែករំលែកព័តមាននេះ